網頁

2013年1月28日 星期一

24w1d:飲糖水日

一朝早上到衛生中心,便見姑娘set緊個陣,前面張枱放滿了一杯杯沖好的糖水。姑娘同幾個實習學生夾手夾腳收驗單,點名,派糖水。踏正八點半,差唔多所有大肚婆都黎齊(廿個),場面非常熱鬧。




因為事先聽講杯糖水勁甜,所以我早有準備。我用左枝好細既益力多吸管去完成杯糖水,杯野都唔係想像中咁難飲。


跟住就要坐0係度一個鐘等抽血,有人話趁呢段時間出去行下,以消耗d血糖值,等個測試易d PASS。


但其實咁做會俾姑娘鬧:鬼唔知咁樣會消耗左d血糖咩?但呢個測試的目的係咩?就係為左睇下你既身體有無能力在短時間內降解到d血糖呀!運動已是干擾的一種。


真係無謂自欺欺人。雖說我也不會刻意去做某d野,但總也不會在臨測試之前的一晚走去暴飲暴食呱。我同意姑娘所講,我想要的無非都是一個準確既,反映到身體情況既答案。為此我都係跟返平時既日常飲食,不過就戒左朱古力同檸蜜囉。


當我抱著這個心態時,心情又不是太緊張了。上次醫生同我講,有事就會一個星期內預約上山頂跟進,無事就等下次產檢睇報告啦。


戈一個鐘又唔算白等,因為姑娘安排我地入會議室聽一個講座,內容關於母乳餵哺。


原來母乳餵哺係比我想像中要做好多功夫,可惜個講座聽左一半我夠鍾要出返去抽血,唯有遲d自己再搵d資料,睇下點樣先可以成功餵哺。


ps. 講座前姑娘有d禮物送俾大家,分別係一條口水肩同毛巾仔,仲可以揀顏色。我憑直覺喜好差d揀左粉紅色,哈哈,但一想到肚中bb性別已定,便幫你揀左藍色。我亦有留意到其他媽媽,好明顯揀粉紅色就係生囡囡,反之則生囝囝啦。



 


  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-02-01 17:36:10
餵人奶理論好簡單,但實踐勁難呀!!! 我絕大部分情緒問題都係由餵奶所衍生嘅問題
[小小媽媽回覆02/01/2013 17:38:23]身邊朋友順利同唔順利嘅係二比一,如果你會餵嘅,希望你係順利嘅嗰邊啦





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-01-30 10:23:32
咁幾喎..有講座聽下,我上次真係坐足2個鐘





  • 留言者: 熊貓安安
  • Email: an111an@yahoo.com.hk
  • 網址:
  • 日期: 2013-01-29 08:46:45
等一個鐘就得? 香港好似等兩個鐘, 我三月先去飲, 你咁快嘅? 另, 用飲管好d的嗎?
[版主回覆01/29/2013 09:13:56]我夠24週了,係時候check la。
其實等一個鐘或兩個鐘都可以,視乎醫院做法。因為一個鐘內血糖未必降解到,如果真係唔得,我地先會比兩個鐘你試。
用飲管好好多呀,易入口d,始終杯野甜漏漏-__-...





  • 留言者: ξ.×啤啤熊寶寶×﹏→×Grace媽媽
  • Email: ngaman5542@yahoo.com.hk
  • 網址:
  • 日期: 2013-01-29 01:11:21
有結果未呀?
[版主回覆01/29/2013 09:09:38]未呀

2013年1月26日 星期六

24w0d:一夜之間長出了妊娠線

尋晚赫然發覺個肚上面多左條線,嗚嗚。。。之前日日搽肚紋膏都唔覺架,雖然知道佢係乜東東,但又一直僥倖可能唔會生出來,因為我覺得有d醜怪。


肚臍下面條線長得歪歪斜斜,臍眼上無線(暫時)。






妊娠線又唔同於妊娠紋,妊娠線係懷孕期間,身體內的雌雄激素分泌不平衡所形成,九成既孕婦都會有,多數出現在孕中期。而妊娠紋係可以避免的,雖說有人搽左肚紋膏都依然會有,但我覺得唔搽會更多。


好在妊娠線生完之後係會自己消失架姐。


  • 留言者: 貓咪小女俠
  • Email: july_bluesky@yahoo.com.hk
  • 網址:
  • 日期: 2013-02-17 23:30:13
肚紋係咪一定會有,無可避免?
[版主回覆02/18/2013 18:18:40]其實我講緊既係妊娠線,多數人都會有,但好在生完bb會慢慢消失
至於肚紋(妊娠紋)就因人而異lu...我身邊好多人都無,可能天生麗質呱:P





  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-02-06 14:06:25
我阿媽生左三個, 同埋我上一胎咩都冇揸都冇妊娠紋, 所以真係應該係遺傳, 係有就有.
而妊娠線我上胎有, 今胎開始見到少少咧





  • 留言者: BY
  • Email: ricky3846@yahoo.com.hk
  • 網址:
  • 日期: 2013-02-01 01:45:56
我相信遺傳,我媽咪家姐吾搽野都冇,我又係一條都冇!
[版主回覆02/03/2013 09:31:59]我老公的家姐都係咁講,佢話有就有,無就無,咁佢同我99都無。
佢言下之意都可能叫我唔駛咁緊張搽肚紋膏,不過我自己覺要儘最大努力去避免。





  • 留言者: kiki
  • Email: kikit330@ymail.com
  • 網址:
  • 日期: 2013-01-31 18:29:45
我.......最後果個月先有妊娠紋..........而家個肚勁樣衰呀.........
[版主回覆02/03/2013 09:32:55]你?得少少幾條唔怕啦





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-01-28 17:00:47
聽講妊娠紋係遺傳, 我唸我都不能幸免架喇 T_T
[版主回覆01/28/2013 18:23:20]妊娠紋我媽同我妹都有,但我媽既年代無肚紋膏呢樣野,我妹懷孕時又懶做護理,到我我都知有遺傳因素,仍希望避得幾多得幾多!





  • 留言者: 小魔怪媽媽-YEN
  • Email: yenman_love28@yahoo.com.hk
  • 網址:
  • 日期: 2013-01-28 16:13:16
我有呀!!妊娠線不過唔明顯好淺色~
[版主回覆01/28/2013 18:21:58]真係唔明點解會有一成人無呢條線?我都曾經僥倖我係戈一成,但而家好明顯唔係啦,haha。





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-01-28 14:41:29
你個肚好大呀,touchwood我仲未出現呢條線,d人話陀仔先有,唔知係咪真既呢
[熊貓安安回覆01/28/2013 17:37:40]我果個係女, 一樣有呀
[版主回覆01/28/2013 15:16:35]妊娠線俗稱"母子線", d人係話陀仔先有. 但我見過有人陀女都有. 不過唔緊要ga, 因為生左之後會褪色.





  • 留言者: 熊貓安安
  • Email: an111an@yahoo.com.hk
  • 網址:
  • 日期: 2013-01-28 11:39:15
呢條線我都有了, 不過遲d會冇所以我冇理佢, 最緊要唔好爆紋就得, 不過依家d皮膚好乾呢.....

另外你條褲會唔會"cool"得太緊呀?
[熊貓安安回覆01/29/2013 08:40:58]不過我會試吓一搽多次肚紋膏~
[熊貓安安回覆01/29/2013 08:38:54]我就係用緊QV隻gentle wash呀! 慘! 咁即係冇得救
[版主回覆01/28/2013 21:00:32]咁緊要?我用緊既沖涼液係澳洲QV,你試下在google或yahoo度search"QV,懷孕"就知好多媽咪用緊,都幾好評。另外你肚紋膏每日應該搽兩次,一次唔夠的。
[熊貓安安回覆01/28/2013 17:37:16]我好慘呀, 沖澡液已經轉左保濕無泡配方, 沖完澡先搽pregnancy oil, 再加美國雅兒隻cream(話幫助去妊娠紋), 但都依然乾到龜裂, 每次除衫都見到好多細細塊嘅皮喺d衫褲度
[版主回覆01/28/2013 13:21:47]唔係條褲太緊,而係條un un開始緊,所以今日已去專門店買過晒d新的了。
如果你覺得皮膚乾,記得搽返多d保濕呀,我用戈隻妊娠紋膏可以搽遍全身的,美國雅兒。

2013年1月25日 星期五

23w5d:bb日後糧食保障

有關奶粉短缺問題,其實我都會在朋友的facebook留意到。


不時睇到佢地打段留言出黎,話:教命呀!有無好心人士出讓美素佳兒/美贊臣1-2號奶粉一罐呀?或者請告知在哪裡可以買到。我同我老婆都出動左老爺奶奶,外父外母,聯合所有親戚同埋識得做緊藥房的舊朋友,撲左幾日至搶購到一罐咋。。。bb就快斷糧,急!

因為受到呢d消息影響,所以上星期同老公行bb展時,見到好多家長排隊在指定攤位買奶粉,我都問駛唔駛買定兩罐存貨先呀?


老公話聽講澳門政府做緊野,奶粉補給方案正在制定中,佢話而家先一月,好有信心五月時佢地一定搞得掂。


雖然我都只係半信半疑,但諗諗下又係既,一來唔知bb要食邊隻奶粉,應該要睇到時住山頂輪到邊間供應商,跟返佢地食就無問題嘞。


而今晚睇新聞時,得知有個最新消息,衛生局已經公佈左佢地既短期措施:


(澳門電台消息)當局公布優先保障1歲或以下本地嬰兒的奶粉供應措施。

衛生局轄下7個衛生中心及衛生站將於下週一起,逢週一至週五每日上午9時至下午5時;週六、日上午9時至下午1時,接受嬰兒家長、獲授權代理人或監護人親身登記,登記時須帶同嬰兒身分資料。
首次登記後可獲當局發出的咭,確保獲購所需奶粉,最遲7天內可購買每月最多5罐奶粉;其後可透過電話核實身分資料,與供應商聯絡購買。當局將於今日內公布衛生中心及奶粉供應商熱線,以及購買細節等詳情,參與的共有7個奶粉品牌:美贊臣、美素佳兒、雀巢、雅培、雪印、惠氏和牛欄牌。(歐陽俊榮 黃偉鴻)

我感到很是安慰,仲即時send左個訊息比老公,澳門政府做到野喎,我地個bb唔怕無奶粉了!






  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-02-01 17:41:25
澳門政府行政果斷迅速!





  • 留言者: 周師奶
  • Email: cmchau27@yahoo.com.hk
  • 網址:
  • 日期: 2013-01-30 20:30:55
澳門政府so good!!!





  • 留言者: 熊貓安安
  • Email: an111an@yahoo.com.hk
  • 網址:
  • 日期: 2013-01-28 11:37:07
你地就好啦, 我地政府咩都唔做, 我都唔知買唔買好, 買得多又怕佢唔喏食, 唔買又怕斷糧





  • 留言者: kiki
  • Email: kikit330@ymail.com
  • 網址:
  • 日期: 2013-01-27 14:58:17
你係澳門人呀??
[kiki回覆02/08/2013 12:56:25]不過..好好彩, 我bb飲果隻仲有得賣..........
[版主回覆02/03/2013 09:11:42]咁點去解決呀,係咪又要出動全家大小。。。==
[kiki回覆01/31/2013 18:28:56]當然怕..............問題仲好嚴重呀..
[版主回覆01/27/2013 15:35:07]係呀!唔知hk怕唔怕呢個問題呢?

2013年1月22日 星期二

23w3d:如果是你,會選擇在哪一間醫院生產?

澳門只有兩間醫院可以生bb,所以都好容易揀,因為唔係呢間就係戈間。


而且佢地的作風都大有不同雖然我未有親身經驗,但我分別去過唔同的醫院探人,可以嘗試各方面比較一下。


收院
山頂的標準比較嚴,要開左一度以上,或者陣痛已達十分鐘一次,因此成日聽人講要來回幾趟先入得院;鏡湖見有少少作動,只係見紅都可能會收。


收費
正常情況下,順產後三日和開刀後五日,住院都是免費的兩間都係。不過在鏡湖即日生不岀 (例如00:00入院,但bb在00:01出世)要計錢,出院超過16:00亦要計錢,若然bb有需要留在兒科住院等問題,日日都要計錢;山頂真係唔駛帶銀包去生的。


產婦待遇
我諗呢個就係最大既差異,基本上所有孕婦都由這一個因素而決定邊間生的。山頂生完後要自己湊返,鏡湖有姑娘幫手湊。具體係咁樣的,山頂會仿效外國做法,bb甫出生便會放在媽媽心口上,比佢試下食幾啖人奶,強化一下初生兒的吸吮能力,我覺得好人性化;鏡湖就即刻抱走個b,餵奶,換片,沖涼都唔駛媽媽操勞,直至出院戈日比返個bb你。而山頂姑娘會有心機教你以上既野,等你返屋企戈日都識湊bb。想bb好,一出世就留在阿媽身邊,揀山頂啦,想媽咪好,一生完無咁辛苦,揀鏡湖囉。


探訪時間
山頂每日只得兩個時間,中午兩個鐘同傍晚兩個鐘;鏡湖就由朝早十點到夜晚十點。好多人都想有段長d既時間,比人上黎探訪,特別係比親戚照顧,所以首選鏡湖,但我既諗法係,產婦也需要休息,係咪真係有心情應酬咁多人架?而且在一間三等房內,另外兩張床都有人行來行去的,我唔想好似動物園咁比人圍觀。


接觸bb
只要你想或屋企人想,山頂都會比你從b房抱個b出來同大家見面;但鏡湖唔得,bb就一定在bb房,屋企人只可以隔住玻璃望到bb。但我老公覺得鏡湖咁做係啱的,bb太細個,出面細菌太多。


交通
山頂無位泊車,只能停車;鏡湖有停車場。但反正我地都會搭的士去,無分別。


由於我都差唔多六個月,在最近一次產檢醫生已問我,打算去 "我地度生" 定 "人定度生",哈哈,佢咁樣形容真係搞笑。因為我係跟開衛生局的,山頂醫院屬衛生局下,所以叫做我地,而鏡湖係私人醫院,所以叫做人地。


綜合各種因素,我當然揀返自己人啦。


但如果係你地呢?






  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-02-01 17:45:42
原來係咁樣分私家同公立,選擇簡單啲都幾好丫





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-01-25 09:04:20
唔使諗..一定係山頂
[大小姐回覆01/26/2013 10:08:52]我覺得山頂醫院既做法比較人性化D..哈哈..鏡湖太商業化..DISLIKE
[版主回覆01/25/2013 18:15:58]哈,唔知你既諗法係咪同我一樣呢?因為我打算餵人奶,所以我想bb出世後儘快返我身邊,等我易d上奶。雖然另一邊有姑娘幫手湊係無咁辛苦,但人地又幫得幾多日喎,出院之後咪一樣要自己湊返!到時如果咩都唔識,只會企0係度。。。

2013年1月21日 星期一

23w2d:肚型

雖然一直並不相信肚尖肚圓的說法,不過這是第一次拉起上衣拍的孕照,原來從側面角度看來,我的肚型還真是尖尖的,而且明顯下懷。


有一種說法,懷男生時因為他的頭比女生大,而使孕婦肚子的重度集中在下腹部。我不知道是不是真的,但至少一定同我肚底脂肪少有關,好似陀得好低咁。


由於肚皮薄的緣故,很多時胎動都會摸到突起,有時是長條狀,有時是圓形的,這次巧合還讓我拍了下來,那是你的小手,還是小腳呢?







  • 留言者: BY
  • Email: ricky3846@yahoo.com.hk
  • 網址:
  • 日期: 2013-01-22 18:47:35
我陀龍BB個陣都係尖架!
[版主回覆01/23/2013 10:25:30]其實我開頭既時候,個肚係圓的,而家日日都見到係尖。。。





  • 留言者: 小魔怪媽媽-YEN
  • Email: yenman_love28@yahoo.com.hk
  • 網址:
  • 日期: 2013-01-22 13:51:20
好尖呀!你個肚同我個肚差唔多size
[小魔怪媽媽-YEN回覆01/23/2013 11:02:12]SORRY~我忘記關注你,所以你睇唔到~
我關注左啦!!你應該睇到~
[版主回覆01/23/2013 10:26:08]多謝你留言比我呀,點解我睇唔到你既blog架?不如add埋我啦





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-01-22 13:48:04
我都唔識睇面定尖, 唔著衫時我覺得我個肚都算尖, 但個個都話我個肚圓?!
[版主回覆01/23/2013 10:28:06]咁你都應該影張相,比我地幫你睇下





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-01-22 11:13:53
真係幾尖喎
[版主回覆01/22/2013 11:26:17]之前唔覺,因為我好少掀高件衫影相,shy shy~

2013年1月20日 星期日

23w1d:一個月竟然重了5kg


每月一次的產科保健,內容包括磅重,量血壓,驗尿,度宮高,聽心跳,與醫生面談洽詢。


估唔到今次一上磅,哇,重左咁多既?我以為我睇錯,但見姑娘真真切切地在我本檢查手冊上寫明,我距離上個月的體重增加了5kg


跟住醫生就話我,孕婦正常既體重上升係每個月2kg,而我重左足足一倍有多,讓我抑制一下飲食,不要突然之間重太多。


其實我自己也極為驚訝,因為我的手腳依然好似火柴人咁,成日俾人話我瘦,繼而再俾人話我肚細,特別是老人家,但當向佢地解釋bb一切正常時,佢地又會覺得你駁嘴,都幾矛盾。


回想起這一個月以來,我的胃量的確比以前大了很多,尋日同老公出街食中午飯慶祝生日,由餐湯,到沙律,到面包,到主菜,到甜品,到紅茶,我也可以一個人包辦。食到2:30pm再過去西灣安記high tea,6:00pm又去中菜館family dinner。。。連老公都比唔上我。


下個星期就飲糖水,做糖耐量測試,睇埋結果點先。真係好唔捨得要食少d,成日都驚bb唔夠營養。






 



  • 留言者: Shelley
  • Email: goldentabby2005@yahoo.com.hk
  • 網址:
  • 日期: 2013-01-23 12:14:20
咁好胃口的...個BB吸唔少營養啊





  • 留言者: 周師奶
  • Email: cmchau27@yahoo.com.hk
  • 網址:
  • 日期: 2013-01-22 21:34:28
要小心控制體重呀, 小心糖尿呀
[版主回覆01/23/2013 10:29:17]而家學乖了





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-01-22 13:45:19
食得是福呀, 唔好太過份氹吓自己開心都ok嘅~

[版主回覆01/23/2013 10:29:02]過左飲糖水測試先算啦,話一d都唔擔心係假既~~





  • 留言者: kiki
  • Email: kikit330@ymail.com
  • 網址:
  • 日期: 2013-01-21 18:23:18
你而家幾個月呀??
真係要小心控制體重呀, 我就係頭三個月重左勁多=.=
bb太重未必係好架, 你乖乖地聽醫生話la~
[版主回覆01/21/2013 20:37:52]kiki ma, thanks for caring. 我而家5個半月la, 我當然知道醫生係啱, 而d 99係錯ga, 佢仲keep住戈d一個人要食兩個人份量既思想 = = 不過我一路都真係好瘦, 平安夜戈晚撞到我同事個99, 佢好大聲咁在我背後講, 咁瘦學人生仔.. 都唔係好耐之前既事咋嘛, 真係今時唔同往日了





  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-01-21 15:21:16
真係唔好重土太快,肥喺自己度,又或者會搞到BB太大
[版主回覆01/22/2013 11:52:02]我開頭都以為可以狂食ga,但聽完醫生既講法,同埋上網查左d資料,先知原來短時間內突然大幅增重可能係危險徵兆,所以不能掉以輕心,儘量keep住標準就好~
[小小媽媽回覆01/22/2013 11:24:18]睇你數其實你食好少ja wor, 不過你本身瘦,有空間重土多少少嘅。我初期食正常,係後期諗住佢大得快重點生長期,早餐一碗粉一杯奶有時一隻煮蛋,午餐正常但少飯,有時一杯奶,下午一片面包三文治主要係茄蛋,晚餐正常
[版主回覆01/21/2013 20:40:19]係啦, 我知架啦小小媽, 所以我擬定左份新餐單, 由聽朝開始, 早餐食麥包和鮮奶, 午餐通粉, 晚餐半碗飯, 魚/肉/菜, 外加番石榴做生果. 希望下個星期既糖耐量測試PASS到, 而家好緊張~

2013年1月18日 星期五

22w6d:SHOCK!20週才知道自己懷孕

一直都覺得這是沒有可能的。難道肚子不現嗎?難道從來都沒有感覺到胎動嗎??


故事是這樣的。。。我一直被說是肚子小,特別是同事,他們的其中一個理由,是把我跟另外一個同事比較,說她已生完孩子差不多一年,肚子也比我還大。


那位同事也覺得不好意思,為此天天跑步,節食(每餐都只是喝一碗湯),可就是不見體形恢復過來,肚子還一天比一天大,我曾忍不住把手放在她圓圓的肚皮上撫摸,該不會是又有了一個小生命吧?


今天才知道我的預感多麼準確。。。


可是她堅持說不可能,她沒來月經是因為尚在哺乳期,而且她跟老公的次數少到變得極度遙遠,她反倒是害怕子宮瘤復發,所以預約了私人診所檢查。她還給了我一張名片,推薦哪個婦科醫生好。


想不到,就在昨晚,b超探頭一壓在她肚子上,便看見一個頂呱呱的孩子在手舞足蹈,直把她嚇傻!醫生說根據胎兒大小已經20週了。


那不是跟我差不多嗎?汗汗,難怪我們肚子也差不多大。


同事在之前兒女雙全,分別是3歲和8個月大。她說肯定不會生第三個,如果有便會放棄,但現在已20週了,誰捨得呢?雖然之前一直沒有注意,但b超顯示一切正常。往好的方向想,她自己沒有姊妹,現在給女兒添一個妹妹也不錯哦。


其實她是有感到過胎動的,只是她以為那是月經即將回來引起的腸胃蠕動,那種感覺居然是胎動,怎能不把人嚇一跳?


回想這五個月以來,就是因為我有身孕,公司裡一切粗重活兒都是她做,包括換水,搬地圖。。。但原來我們都是同期孕婦,怎能不替她感到心疼?


不過從知道消息到現在,只有一天時間,我們都接受了這個現實,安心等待寶寶到來,既來之,則安之。


  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-02-06 13:57:19
真係幾震驚....!!! 上天要比佢地多一個小朋友, 都係開心事既!





  • 留言者: 小儀
  • Email: yee3270@yahoo.com.hk
  • 網址:
  • 日期: 2013-01-26 09:44:25
有左20周先發現,真係會好shock @@





  • 留言者: Shelley
  • Email: goldentabby2005@yahoo.com.hk
  • 網址:
  • 日期: 2013-01-23 12:10:48
嘩..我都希望我有哩個效果呀...羡慕死禾....
[版主回覆01/23/2013 12:22:01]有時真係唔知點解,天意就是這樣的安排。。。
[Shelley回覆01/23/2013 12:12:53]哩個証明係你就係你架...我咁小心唔咁飲食同唔做粗重野都未有聲氣, 而你哩位朋友...乜都唔洗避, 就有左20WK了....嗚...都係開心的驚喜丫...





  • 留言者: 小妹
  • Email: heidimo603@yahoo.com.hk
  • 網址:
  • 日期: 2013-01-21 12:26:23
好不可思義呀....
[版主回覆01/21/2013 20:51:27]我都覺得係. 而當佢訓0係診床上, 同醫生一齊望住個芒時, 見到成形人仔出左黎, 真係尤如見到核彈爆炸現場咁震驚, 一出診室就喊啦, 不過好在佢老公都好鍾意小朋友既, 不停安慰返佢轉頭... 佢地而家已經完全接受左, 開心返.





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-01-21 09:07:56
唔係呀嘛..雖然我而家23週都仲未見肚,但無可能有左自己都唔知架喎..佢仲要已經做過2任媽咪
[版主回覆01/21/2013 21:01:17]23週都仲未見肚, really? 不過經醫生檢查話一切正常便ok.
你同我都係計劃懷孕, 所以一定會計住自己係咪真係有左, 同埋好留意懷孕既變化.
而我同事就.. 一來尚在哺乳期間, 二來佢一直都幾肥, 三來佢湊緊兩件, 完全無時間關心自己, 所以先會有呢個美麗既誤會.





  • 留言者: 周師奶
  • Email: cmchau27@yahoo.com.hk
  • 網址:
  • 日期: 2013-01-20 21:36:37

[版主回覆01/21/2013 21:02:10]也許有一天, 你都會有呢一個意外的驚喜. 努力呀~~

2013年1月17日 星期四

22w5d:想識多d自己照顧bb

其實真的很感謝我親愛的同事們,在我尚未懷孕之前就贈予我很多這方面的書籍,加起來少說也有十幾本。我有空的時候總會看一看,對我來說最有用的莫過於書裡面的彩圖,讓我可以想像到腹中塊肉到了第幾週,又發育到甚麼程度,例如像車厘子大 -> 檸檬大 -> 橙大 -> 茄子大 -> 西瓜大。。。等等。





而隨著過了新年,距離bb出世的日子愈來愈近,我還想知道更多,所以我
現在都開始積極地去尋找有關的講座和課程資料。


原來山頂醫院會為孕婦提供三個講座,分別是分娩呼吸無痛分娩母乳餵哺,不過就要等28週之後先可以報名。


我又問到鏡湖醫院會開辦一個陪月課程,為期一個月,內容極為充實,系統而正規,每堂都有理論,實習和考試。由順產與剖腹產的分別產兆產後傷口處理坐月時的中醫藥療初生兒的臍帶護理洗澡按摩餵奶掃風產後抑鬱的認識和預防兒童急救方法


雖然課程有少許昂貴,3100元,在政府資助我也得繳付一半學費,不過只要我認為值得的也會去做。孩子是我帶來世上,照顧佢是責無旁貸。一件這麼切身的事情,如果每一個步驟自己都懂得多些,才有信心應對將要發生既一切,而不致於手足無措,對嗎?


我想將產後抑鬱既可能性減到最低,希望我可以一直保持這種心態。










  • 留言者: kiki
  • Email: kikit330@ymail.com
  • 網址:
  • 日期: 2013-01-21 18:25:46
我係醫院返到屋企頭果幾日都覺得自已好大壓力, 不過我同人傾完之後好左好多........
好怕自己應付唔黎, 俾左好大壓力自己.....仲偷偷喊左好多次........
加油呀....有咩就要搵人傾...
[版主回覆01/21/2013 20:48:47]多謝你比左心理準備我, 其實我都驚自己會痴線. 因為無論幾叻, 識幾多都好, 剛生完都會傷口痛同身體虛弱, 始終都需要人照顧. 所以我已同老公講明, 如果到時99乍形唔幫手, 我就會搵自己的女性親戚幫手湊住bb先. 而好在老公本身都有一個星期侍產假, 但願佢可以分擔下

2013年1月15日 星期二

22w2d:照結構之見到有凸

 

11月的時候已經預約了今日照結構,我準時上到山頂醫院大堂掛號,跟住就在婦產科等叫名。


但姑娘話我遲到,吓。。。張單明明寫住15點30分個喎,我被召喚入掃描室那刻亦是15點30分。但姑娘話,15點30分係要見醫生的時間,所以我應該15點00分提前掛號,再等佢地安排。


估唔到佢地效率咁高既(真心),不過點都好,我幾驚要等成幾個鐘呀。


我見到傳說中的鬼佬醫生,聽講佢係照性別的權威,通常未等孕婦有心理準備,就直接告知係男仔定女仔。


唔知佢會唔會講俾我聽呢?


佢身邊仲有兩個實習醫生在學習,因此佢為佢地解釋得非常詳細,我也間接從中得知bb的發育情況,令我很享受整個過程。


醫生一開波就話,拿,bb係會動來動去既,b超探頭就要大力d,我最鍾意這個位置,很好,影到張好好既相了,係個男仔。


我忍不住問醫生,除了是男仔,其他方面一切正常麼?


醫生說他尚未看完,示意我閉嘴讓他專心繼續下去,我抱歉地說了句不好意思打擾了。接著他便對實習實生說,這是完整的脊柱。。心跳很好。。。臍帶正常,有3條血管。。。這是左腿,現在量度股骨長度。。。最後看小臉兒。。。


話音剛落,他用探頭大力壓左我幾下,我估可能係bb的手仔遮住左塊臉,醫生的這個動作真的有點技巧,因為都好順利,他又馬上說,看到嘴巴了,這邊是上唇,下唇,眼窩,鼻子。。。能聽到這句真的好安慰,我一直好驚bb有兔唇,我知這跟孕婦在懷孕初期情緒有關,我也試過心情低落的,唔想影響到bb。。。


其實我只聽得懂一半左右,畢竟佢地用緊英文交流,中間有太多醫學名詞,但也很足夠了,知道bb所有野順利過關是我最大的心願。


最後醫生起身去列印報告和簽名,留低的實習生禮貌地問我可否耽擱一點時間,佢都想睇下。我當然歡迎,他們是醫院明日的棟樑,也需要機會去實踐的嘛!


ps. 附上一幀器官特寫的照片,鬼佬醫生送俾我的。回家後也讓99看了,她的反應是開心到升了天。我仔細睇晒一次成份報告,都好開心,bb所有數據都符合孕週期,而且仲有d超前添。






  • 留言者: 傻婷
  • Email: g_annali@yahoo.com.hk
  • 網址:
  • 日期: 2013-01-22 16:43:20
WA....張特大寫好勁....





  • 留言者: 小妹
  • Email: heidimo603@yahoo.com.hk
  • 網址:
  • 日期: 2013-01-21 12:28:51
星期日去私家檢查, 醫生話9成係仔....
[版主回覆01/21/2013 21:05:39]恭喜你呀, 咁你地信唔信戈9成呀? 買定晒d衫衫未呢?
鬼佬醫生教實習醫生咁樣咁樣睇係男仔, 而且我又係排卵日中既, 都應該唔會錯la
不過b超前戈晚我真係仲不停地睇緊d花花裙架, haha





  • 留言者: 周師奶
  • Email: cmchau27@yahoo.com.hk
  • 網址:
  • 日期: 2013-01-19 00:27:52
一索得男





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-01-16 09:57:45
你就好啦,,,個醫生咁詳細....恭喜晒你呀...bb健康最重要
[版主回覆01/16/2013 12:02:07]其實咁啱有實習醫生聽緊書咋,否則我估個主治醫生除左同我講"男仔"兩個字,就全程都唔會出聲架嘞,所以我都算好彩^^

2013年1月11日 星期五

21w5d:大小

原來20週以後我一直沒寫日記,因為公司突然發生大量人事調動,我忙著適應這一切變化。。。


近來老被人家說我的肚子小:"五個月才這麼大?我看人家的很大很大了!"


就只有我家老公安慰我,鼓勵我:"不用擔心,其實對你的個子來說不算小的了。"


今天是星期五,下星期二預約了照結構,到時bb 滿22週,心情有點緊張,希望一切正常。


說不定還可以知道性別,讓我們解開這個封藏了五個月的疑團。




  • 留言者: kiki
  • Email: kikit330@ymail.com
  • 網址:
  • 日期: 2013-01-21 18:33:11
唔駛理人點講架, 最重要醫生話bb ok就得架la~
[kiki回覆01/27/2013 14:57:46]good!!最緊要醫生話ok~~~~~~~~~~
[版主回覆01/21/2013 21:09:56]醫生話bb超前左接近2週添呀, 而我既體重亦都over左, 所以真係理鬼佢地la





  • 留言者: Kissa**
  • Email: kissa881008@ymail.com
  • 網址:
  • 日期: 2013-01-18 18:03:46
我而家25wks..出街都仲未有人發現我有左....................
[版主回覆01/18/2013 21:11:16]因為我成個人都好細粒,搭bus一樣無人讓座比我啦





  • 留言者: BY
  • Email: ricky3846@yahoo.com.hk
  • 網址:
  • 日期: 2013-01-15 01:47:20
個肚吾算細喇,最緊要BB健康





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-01-14 11:18:15
都唔算細喎, 最緊要bb 健康





  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-01-13 18:38:26
我都覺得唔細,最後會突然大得好快,我覺得d好,少d肚紋





  • 留言者: 周師奶
  • Email: cmchau27@yahoo.com.hk
  • 網址:
  • 日期: 2013-01-13 12:24:46
都唔算細la





  • 留言者: Mi Mi
  • Email: wong_ju_lee@yahoo.com.hk
  • 網址:
  • 日期: 2013-01-12 15:18:27
不覺經不覺已經去到孕期的一半啦,加油,你肚子不細哦,好標準呀!通常第一胎個肚子不會好大的,期待見c琪b呢!
[Mi Mi回覆01/13/2013 08:26:52]我佩服你至真!第一個月試就中b!我係靠人工輔助生育嘅!有睇開我嘅卜友都知我一早係計劃定生兩個小孩的!!!!!
[版主回覆01/12/2013 20:32:59]我會加油的了,你也是呀!好佩服你生兩個!





  • 留言者: 小妹
  • Email: heidimo603@yahoo.com.hk
  • 網址:
  • 日期: 2013-01-12 14:20:14
我依家16W,剛剛食飽, 肚臍位度都係得29.5"~
[版主回覆01/12/2013 20:31:13]我好似一直去到20週先過30吋的。。。





  • 留言者: mickey
  • Email: mickeyho816@yahoo.com.hk
  • 網址:
  • 日期: 2013-01-12 11:50:27
其實第幾週個肚先比較明顯?我依家快十一週,全冇孕味,有點擔心
[版主回覆01/12/2013 20:29:50]應該到16週個肚先會明顯d。我記得自己12週度頸皮時,訓低檢查時仍完全未見肚,但b超已見到個小生命在活躍地游來游去,所以唔駛咁擔心。





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-01-12 09:37:00
見到你個肚我真係覺得好慚愧
[版主回覆01/12/2013 20:24:27]我一直都唔覺得自己肚大或肚細,不過我個子較小,在人群中經常比了下去,有些人甚至並不察覺我在懷孕。。。是不是有點誇張呢?最緊要係檢查戈時一切正常就得。