網頁

2013年2月24日 星期日

27w6d:窺見你的模樣

初初無諗住照4d,不過而家想睇下bb個樣,於是在討論區搜尋資料,諗住搵個好的婦產科醫生。


有d太貴要1200蚊,有d係診所有部靚機但無專科醫生,有d係有個幾好醫生但診所無機,有d太遠要去氹仔。。。最後我揀左離家十分鐘路程的劉雁華,她是山頂醫院前婦產科主任,也順便幫bb做個較詳細的檢查吧。



 



雖然早已預約了11:15am,但都等到12:10pm。期間老公在診所翻閱d孕育書刊,以打發時間。





醫生一見到我,就話:哇,你個肚好大喇喎,仲做4d?我同老公面面相覷,答:28週而已。


跟住佢打開我本產檢手冊,問我:醫院亦一直有話你bb偏大小小(一週),乜你唔知咩?


唔係唔知,而係唔信。。。因為我真係日日比人話肚細,繼而再安慰我:都好既你唔怕有咁重負擔,到時又易生d。


咁,又或者醫生睇肚既方式同其他人唔同呢。


對照住本產檢手冊,醫生仲有教我數胎動,預防早產等等,感覺佢的確係一個好細心既醫生。


可惜b超探頭一放在我肚皮上,只見bb面朝下ORZ咁趴左0係度,我心裡暗嘆了一聲,就連醫生都話姿勢唔係太好。一定係頭先等得太耐,等到bb都訓著左啦。


但見醫生依然好專心地幫bb照結構,逐節逐節地觀察bb脊柱既成長,同時用最簡單的語言解釋比我地知,包括有腹腔裡面的雙腎,胸腔裡面的心贜,係咁問我地睇唔睇到,好似仲興奮過我地。。。當照到屁股位置時,醫生話係個男仔喎,山頂有無講你地知?我話有呀,只係唔識點睇。醫生笑了笑:其實我地都係用經驗,偷雞睇架咋。我明佢既意思係取巧地看,畢竟一個bb在肚子裡的角度,總不像是一個小孩子脫光了褲子站在你面前那樣。


後來老公在整個過程中,最有印象的,就是醫生指明給他看性器官的畫面。因為心肝皮肺腎那些,對於他來說可能複雜了些。他說他也有不懂的地方,但最緊要聽到醫生說一切正常,便放心了。


為左睇到bb的五官,我在診床上轉了個身,醫生也人為地督醒左bb,幸好bb即使老大不願意動,始終還是翻轉了過來,變成面朝上躺著,算你合作啦~


原來醫生都同我一樣,特別關心bb嘴唇的線條,所以當bb一挪開遮著臉兒的小手那刻,醫生便馬上影左張相,並告知沒有兔唇問題,我的無厘頭壓力也再一次放低左。。。


當鏡頭轉做4d那一刻,bb的模樣清晰可見。我的心情很激動,很想撫摸你的臉兒,很想牽著你的小手去街街啊~





回家後給bb的嫲嫲睇左張靚相,問佢似邊個,佢好似諗都唔諗就話似我。哈哈,我都覺,特別係似我好細個戈時。





PS. 差點忘了說,是次收費750蚊,合理。












  • 留言者: kiki
  • Email: kikit330@ymail.com
  • 網址:
  • 日期: 2013-03-17 17:53:51
haha...4D係好真架個樣, 我初時都覺得BB實會變樣LA..
但點知little k出世後個樣真係好似架.........ha~





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-02-25 09:59:39
我每月私家產檢都有4d照呀...所以真係慳返好多
[版主回覆02/26/2013 17:19:22]係lu.. 因為我每個月都係跟開衛生局的檢查,今次係自己出出面驗,所以要另外比錢呀~

2013年2月19日 星期二

27w1d:日子近了許多


在候診室等緊檢查時,相比起其他同期孕婦,真心覺得自己個肚好細。唔知在剩返落黎既日子,bb仲有幾多空間可以突飛猛進呢?




一見到醫生,我便將上次出院封信交俾佢。佢專心睇完後,詳細地詢問左我一輪,包括期間個症狀係點,用過d咩藥,知我而家無事就好。


佢同我講,個信封我幫你撕掉了,封信既內容就夾0係我地個file度啦。哈,佢咁都同我交待,真係覺得佢做野好仔細。雖然我每次約佢都犧牲左我半日假期,但都值得既。


終於可以睇返上次飲糖水份報告,原來我在飽餐後1小時的血糖值是7.1,醫生話7.8以下屬正常,對照我的空腹血糖是3.6,也是標準。


我的擔心不是沒由來的,皆因我的母親,婆婆,嫲嫲,全部都有糖尿病,而且都是從妊娠糖尿開始。。。嫲嫲更因為糖尿病,很早很早,在我出生之前,甚至在我母親過門前己過左身了。我真係要小心控制。


今個月我只重了1.5kg,醫生話ok,佢話體重應該每個月接近2kg,慢慢咁上去,千祈唔好好似上個月咁,一下子增加了5kg。


跟住佢仲幫我預約了33週的胎位b超(為左睇下bb調頭未,以決定順或剖),並告知36週開始,需每週返去覆檢一次。oh,聽完佢咁講,我驟然間覺得日子近了許多。


我準備好了沒有?








  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-02-23 10:28:37
唔算細呀!不過好似有D低,會唔會好墜?
[版主回覆02/23/2013 20:06:13]我比人話得多,都覺得自己陀得低呀,條腰真係好辛苦。
開頭都擔心,但產檢時醫生話子宮高度正常,b超時又唔係胎盤低置,總算放心。
不過近期個肚開始升高返,坐低戈時個肚同個胸痴埋左一齊XD





  • 留言者: kiki
  • Email: kikit330@ymail.com
  • 網址:
  • 日期: 2013-02-23 09:34:46
好快就會見到bb, 我都替你緊張la........................有咩問題你可以問下我, 睇下我知唔知...hahahha
[版主回覆02/23/2013 19:54:19]好呀,真係有野想問,戈時你幾週調頭?因為我28週bb仲係打橫訓喺度呀,又唔記得問醫生。





  • 留言者: 小魔怪媽媽-YEN
  • Email: yenman_love28@yahoo.com.hk
  • 網址:
  • 日期: 2013-02-22 12:03:10
係囉!你個肚肚唔算細啦~~~
咁你小心D,唔好食咁多甜野~~~
[版主回覆02/23/2013 10:31:06]係啦,我會戒口架嘞~!!





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-02-22 09:03:07
其實你個肚一d都唔細呀...bb正常就ok....我仲有2日就28week喇,不過好似好多野都未準備好咁
[版主回覆02/23/2013 10:30:47]我直頭一d野都未準備過添呀,同老公打算3月至3月中執齊走佬袋d野咁,跟住再在4月裡慢慢添置bb野。。。

2013年2月18日 星期一

26w4d:我們的情人節

每年的情人節,老公都會寫一張心意卡給我,我將往年收到的卡都收集在一個盒子裡,得閒攞出來睇下,懷念一下我們的美好。







今年多左樣野。。。話說當天我倆一睡醒,就不約而同地向對方講左句:情人節快樂。跟住我出露台呼吸清新空氣時,發現有束花,唔通係送比我既?暗地裡有些驚喜。






雖然沒有華麗的包裝,但我珍惜你為我所做的。寧可欣賞他對你做的一切,都不要盲目的對男人付出。因為男人就是要被讚賞,被鼓勵。。。才會一直朝正確的方向努力下去。






最後那束花變成了餐桌上的鮮花,秀色可餐的樣子,連帶大家的胃口都好左。






而在節日的第二天,老公還補送了份貼心又貼身的禮物給我,感動。


made in Taiwan 的六甲村樂活枕,真是及時暖,使用後腰痛的確有所緩解,比起甚麼都好。





 



共有九種用途。我覺得對我最重要的,莫過於:







1)充當攬枕用,皆因它經過專人設計,符合人體力學,以前的攬枕原來有點厚,難怪孕後期愈睡愈痛了。


2)圍腰坐著用,打字或睇書時墊住條腰,好舒服呀。


3)順產後的水泡,過來人的經驗話我知,生完之後為免傷口直接碰到床舖,下面加一圈水泡墊高會好很多,現在一物二用了。


4)哺乳時托手,我心目中是想母乳餵哺的,聽講座時姑娘話最好就係手肘有個枕頭之類的東西托住,否則每隔兩,三個鐘頭餵一次的那種累,會迫使很多新手媽媽想放棄。


因為我見好多人都買左藍色,所以打算特別d想買粉紅色。但老公認為藍色好d,同bb性別襯d。





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-02-20 11:30:44
"讚"呢套唔適用我家男人, 佢一讚就飄, 一飄佢就鬆懈架喇
[版主回覆03/08/2013 10:52:35]我媽媽話,男人為你做了意想不到的事情,你可以感動,可以讚佢,但千萬不要嘲諷地說:"乜你都識做呢d野架咩?太陽在西邊升起了。"如果這樣,以後佢都唔會再為你做任何事情了^___^





  • 留言者: kiki
  • Email: kikit330@ymail.com
  • 網址:
  • 日期: 2013-02-19 19:27:33
好Sweet呢...
啱呀, 男人係要讚下既.....haha~
情人節快樂~

25w6d:忙碌的新年

前言


回到2011

這是同老公過的第三個農曆新年,時間過得好快,或者大肚婆的記性真的不好,總是覺得張相好似尋日先影,到了今天你在我腦海中的樣子,仍是我們第一次約會的印象。。。






正題


而家己經係2013年,寫低一些今個新年期間發生既事先。

年廿九團年飯


我屋企戈邊人比較多,我有細佬妹,各自成晒家仲生埋小朋友,而老公則是獨子,所以跟左我返外家食飯。99對此也無乜意見,我地三丁友則提早了一日,象徵性式地在年廿八出街食齋。


同父親母親餐飯都幾豐富,有蒜蓉粉絲蒸扇貝,三杯牛肋骨煲,京都骨,腰果肉丁,炸子雞,粟米石班塊,蠔油生菜等等,還有一樣忘記了是甚麼,但我記得叫夠了八個餸的,埋單承惠九百蚊,幾姐弟夾錢,算抵啦。


只見細佬妹一面食,一面仲要顧住佢地的小朋友,同我講:第時你地都要咁啦!哈哈,我同老公都預左架嘞,生左之後出街食野,兩公婆輪流湊半場囉!






始終覺得寒冷潮濕才有新年氣氛,回家後封好利是好過年。我個人偏好長形利是封,張新銀紙可以唔駛對摺,保留原貌嘛。黎姓利是封是老公親自揀的,第一年派利是我地都好興奮,老公每派一封利是,都同d朋輩講,出年到你封返比我個仔啦。搞笑~










年初一開工大吉


我投身既服務行業,係所有節慶假日都要如常返工的,這麼多年以來都慣了。不過就差唔多年年都收到財神爺派的金元寶,有成隻手掌咁大架,明年今日要bb捧住 (個元寶) 影返張靚相先得。






年初二開年飯


好在大年初二遇正星期一,即我的例假,先有一日假放咋,可以陪下屋企人囉。


同老公落街食完個早餐,佢便攞晒d準備左好幾日的食材出來,自己一人動手整開年飯,以招待十位以上的親戚。見佢忙左成朝早,個盆菜又舖得有紋有路喎,令佢的姨媽姑爹都讚不絕口。

你係得既,嫁比你是我的福氣。當初你就是用一客愛心牛扒俘虜了我的心。








 


互相拜年後,老公便帶了我去附近的觀音廟上香,買了個風車仔回家,掛在露台出面,轉下家宅運氣。



年初三花車巡遊,大型煙花無得睇

如果我依舊身手靈活,又不怕累,我想我一定會像往日一樣,夥同影友去湊下熱鬧,可是今時不同往日lu。。。


老公經不起我哀求,都勉強同我出去行左個圈,望左幾眼戈列花車,但臨近開場前係咁勒令我離開,佢話人一多就會迫到無退路,驚危險喎。最後我都係順左佢意,嘟長著嘴歸去。


總結

整個新年期間工作都是非常忙碌,真心的累,所以除左返工便在家休息,好多地方都無得去。期待下一年新年可以抱住bb周圍去啦。






 















  • 留言者: ❤Krystal 嘉茵❤
  • Email: h8386262@yahoo.com.hk
  • 網址:
  • 日期: 2013-03-01 22:57:40
你好c琪,如果不介意的話,可以到我的BLOG看看啊

[版主回覆03/02/2013 08:44:29]nice to meet u





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-02-20 11:28:24
嘩, 個盆菜好得喎, 睇到我有啲肚餓添
俾個叻黎生呀!





  • 留言者: mickey
  • Email: mickeyho816@yahoo.com.hk
  • 網址:
  • 日期: 2013-02-19 12:08:52
你有冇介足口??seafood ??
[版主回覆02/19/2013 13:00:35]食少少海鮮,吸收下蛋白質都是ok的。最緊要就是戒蝦和蟹,還有魚生~

2013年2月4日 星期一

25w1d:出院記


趁著記憶尚在,未被生活忙碌的洪流蓋過時,等我完成埋篇出院記先。


在住院的每一天裡,我每天都有向巡房醫生打聽幾時可以出院,因為我要準備返公司做野,又要同老公夾時間黎接我。


點知醫生咁樣答我:放心!如果你無事醫院一定唔會扣留你既。呢度住一日要五千蚊架,以你納稅人的身份,真係咩仇都報仇咯,呵呵呵呵呵。。。


都唔知佢係咪整鬼我。不過全部醫生姑娘阿姨都比想像中友善,得閒講下笑也令我輕鬆了不少。


終於在第四天的時候,醫生話批準我出院了,叮囑了很多需要注意的事項,包括在接下來一星期要戒口,不能吃油膩東西和高纖食品,需按時服三天胃藥,還交給我一封信,讓我轉交給衛生中心,等跟開我產檢的醫生知悉這件事,而且額外寫多左兩日出院後病假俾我。


我覺得佢地做到好足了。


最後我在同意出院聲明書下款簽了名,便自行出院。我太想接觸到外面的呼吸空氣了,所以無等老公收工呀。當然我亦衡量過自己的身體恢復得差不多先會咁做。


99很託異我一個人回來,係咁問我點解唔等老公黎接,又問我係咪坐的士返。。。其實返到屋企後不久,老公也放工了,佢煮左個瑤柱白粥(一人前),清清地。佢係咁話我同bb都瘦左,心痛死佢囉。


我會好小心好小心的了,我都唔想你再次擔心。






  • 留言者: 小鄧子
  • Email: moodytang811@yahoo.com.hk
  • 網址:
  • 日期: 2013-02-17 13:49:25
新春大吉!
[版主回覆02/18/2013 18:44:47]大家咁話la





  • 留言者: Mandy
  • Email: mandy8355@yahoo.com.hk
  • 網址:
  • 日期: 2013-02-12 21:32:29
Take care!
懷孕日子要事事小心,飲食要健康~
我在二號生了囡囡,現在開始了經常疲累的日子~
記得趁懷孕的日子多休息呀!
[版主回覆02/18/2013 18:45:20]恭喜你呀,而家先睇到留言!做新手媽媽辛苦嗎?加油呢~





  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-02-11 09:00:04
冇事就好喇
[版主回覆02/11/2013 10:47:19]已經無事嘞,搞到大家咁鬼擔添,我同自己同bb講,下次再入醫院一定要係五月,bb出世既時候!





  • 留言者: 傻婷
  • Email: g_annali@yahoo.com.hk
  • 網址:
  • 日期: 2013-02-08 12:59:50
要好好休息呀! 農曆新年要小心飲食! 唔好亂食野呀!
[版主回覆02/11/2013 10:47:34]知道啦,你都係啦,小心保重身體





  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-02-07 15:13:10
Take care and rest more!
[版主回覆02/11/2013 10:47:43]thanks!





  • 留言者: 小妹
  • Email: heidimo603@yahoo.com.hk
  • 網址:
  • 日期: 2013-02-06 16:27:50
小心小心, 要好好休息呀, 唔好操勞~~
[版主回覆02/11/2013 10:47:50]thanks u too





  • 留言者: kiki
  • Email: kikit330@ymail.com
  • 網址:
  • 日期: 2013-02-05 17:40:08
要好好休息la, 小心身體, 小心食野, 唔好冷親......
[版主回覆02/11/2013 10:48:15]thanks u too ah 小kiki媽





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-02-05 15:48:24
以後真係要好小心飲食呀
[版主回覆02/11/2013 10:49:20]sure!

2013年2月1日 星期五

24w5d:住院記(下)

30/01/2013 - 01/02/2013
由於篇幅太長,所以要分開上、下兩篇來寫。


從小到大,我從來都未試過腸胃炎,更從來都無住過醫院。第一晚0係呢度真係好唔慣。。。


心裡面好多野記掛,份工會點,屋企會點。。。我最多諗過攞到一日病假,卻估唔到要即時住院,而且唔知要住幾多日,只好每天打電話返公司向主管匯報。又唔知老公會唔會表面上唔太憂心,其實亂諗野呢。。。


在胡思亂想和噩夢連連間,我在凌晨兩點才勉強睡去,但清晨五六點又俾護士同助護搞醒。一個幫我聽胎心,一個幫我度血壓。兩邊數據都好正常,但都較之前虛弱。


好在d工作人員全部都好好人,佢地知道我係劇吐入院,特登在我床邊放置一個大膠袋,以備不時之需,每次有人睇我都問我仲有無嘔,我話無嘞,不過有d胃酸逆流,同埋胃口奇差。佢地亦根據我既訴求,不斷為我調配用藥和餐飲,證明佢地有細心聆聽,並唔係傳說中一間謀財害命的醫院。


我開始了解病理婦產科的作息規律,08:00早餐,12:00午餐,18:00晚餐,20:00宵夜,而在早午晚餐前的一個小時內,都要聽胎心同量血壓。大概9點零10點幾,就有醫生巡房。至於探病時間係13:00-15:00,or18:00-20:00。


老公每日都有上黎探我,仲帶埋99上黎,佢真係坐到夠晒鐘先捨得走,幫我往返家中拿換洗衣物。有次99一轉身走後,老公竟然返轉頭親了我一下。。。嗯有d安慰。在同一間醫院工作既姑姐,明明放緊假都過黎陪我傾計。最搞野係我阿妹,得返十分鐘都堅持要上黎,真係見左一面就俾實Q趕走左。事實也證明,最關心自己的永遠都是屋企人。


公司方面有好多電話,好在我床頭有充電插座。有同事打黎問我去唔去春茗,職務主管問我係咪繼續病假,人事部叫我儘快簽新約,前主管都要我返去簽分。。。也有其他同事打黎問候,講下人地是非之類,哈哈。


當所有人走晒之後,所有聲音都消失之後,身邊環境又迅速沉靜下來。唯一熱鬧就是用膳時候,能下床的病人都會自行到canteen等待開餐。雖說膳食是精心調配,可惜味道對我來說卻非常不好。我被安排的是"乾餐",以早餐為例,就只有一個乾面飽和一片芝士,或一碗沒有湯的通心粉。午餐晚餐是沒有汁料,沒有油鹽的豬扒,或雞肉,少少蔬菜。健康程度是無容置疑的。(其他還有流質,糖尿餐,正常餐,但都不關我事)





 
住院這幾天,明顯地腸胃功能不好,胃口也不好,每餐我只吃得下幾口,根本沒吸收多少,瞬間覺得自己消瘦了,肚皮也扁了,連胎動也減少了,說不擔心也是騙人的。。。


不知外間日與夜,我廿四小時也有機會訓著,因為我百分之八十的時間都是躺在床上,靜得連點滴的聲音也聽到。我轉側身,輕輕地撫摸肚子,bb你還好嗎?想不到肚皮傳來輕輕的顫動,原來胎動一直存在,但可能是腸胃不舒服的緣故,感覺變得麻木而已,又或者身處在陌生環境之中,bb需要透過我掌心傳來的溫暖,才尋回那種安全感吧。當我發現這一種互動之後,雙手便離不開肚子,整天摸個沒完沒了。


住進這裡的病人,多半是為了安胎,我同房的兩個孕婦也是。其中一個因為頻繁宮縮,沒法自己穩定下來,所以醫生要她由25週住到28週,這段期間她全程要躺卧床上,即使吃喝拉撒,就連洗澡也不可以,每天清晨會有一個助護過來幫她抹身。另一個已過了28週,但同樣宮縮恐有早產之兆,所以也需要住院,安得一日得一日,膳食方面為她供應蛋白粉,催谷她的胎兒快些長大,即使萬一真的要生下來,也能較為強壯。


想想一個懷孕過程真的不易,要面對很多風險不足為外人道,因此我很是珍惜我現有的身體,少少的不適或是預知的陣痛我仍是願意承受的,只盼望安然等到那一天。
 








  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-02-11 07:43:11
嘩澳門D醫院餐好豐富!
[版主回覆02/11/2013 10:44:31]我老公都話睇落好好食,但我覺得佢整比我既好食好多囉





  • 留言者: 熊貓安安
  • Email: an111an@yahoo.com.hk
  • 網址:
  • 日期: 2013-02-07 10:51:36
我之前都試過ketone +++要入院, 果d乾餐比起你呢d難食得多了, 係一pat pat冇味嘅米糊加白烚菜, 鹽都冇粒啊!!
[版主回覆02/11/2013 10:44:36]我戈d都無加鹽無調味個喎,真係唔慣,不過為左快d好返出院,唯有乖乖食飯





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-02-04 09:03:28
加油呀準媽媽
[版主回覆02/11/2013 10:42:53]我會架嘞,你都係呀

24w2d:住院記 (上)

話說在衛生中心飲糖水日(28/01/2013),極度希望一take過PASS,因為我唔想上山頂醫院做第二次測試,一旦要咁做的話,被札多四個針孔抽血會好慘的。


但人算不如天算,竟然飲完糖水只隔左一日,就因為另一件事要上山頂,仲要由朝到晚札針添。。。


29/01/2013
朝早如常返工,但在搭車途中,突然干嘔左兩次,當時只以為是暈車浪。


返到公司對住份早餐完全無胃口,簡直連一啖水都飲唔落,覺得有點奇怪,呢種情況只有在妊娠反應時試過,已消失好耐了。


不久後有另一個同事返黎,我同佢傾左幾句,胃部毫無預警咁有一種不適感覺,就衝到廢紙箱旁,嘩啦啦地大嘔特嘔起來,嚇到佢呆左。我同佢解釋我一向暈車,佢都蠻同情我。


跟住我迅速陷入一種疲憊狀態,於是到休息間小眠了一會。期間精神時好時壞,迷迷糊糊又像瀑布傾瀉嘔個不停。


接近中午時份開始感到肚餓,打電話叫左個清湯外賣米粉,臨吃之前仍嘔過不停,最後只吃了一半不到。


我問左第三個已為人母的同事,係咪我懷孕中期肚子逐漸升高,壓迫胃部所致?佢話好肯定唔會咁。我又諗係咪今日用左托腹帶迫住個胃,所以先唔舒服呢?


奇怪的是我整個下午都沒有再嘔過,還邊談邊笑地繼續工作,心想事件可能已告一段落。不過我仍決定放工後,去婦科急診掛號,了解一下點解會咁,或者攞定d守門口既藥。


終於捱到傍晚放工,我搭了接近一百蚊的士才到達目的地。醫院分流區的護士問我是否正在懷孕,吩咐我留小便,我估佢睇唔出我有左六個月,所以要驗尿確認一下?


看著她將一條驗尿試紙放進尿杯,轉頭便跟我說:你入院啦,無得傾。


我頓時覺得五雷轟頂,我只打算來檢查一下,為何搞到住院咁嚴重?她將試紙遞給我看:拿你睇下,ketone三個(+)呀。


我尚未清楚了解甚麼事,護士已收起了我的孕婦手冊和醫療金卡,替我去辦理住院手續,她說不方便亂講,等醫生自己同我解釋。


然後我便坐在候診室等醫生,等到老公都上左黎,佢問我咩事,我話上網查左一下,酮尿係妊娠劇吐的指標,初步發現已嘔到有脫水跡象,電解質紊亂,代謝性酸中毒等,要我入院吊針補充一下。老公個樣好似唔係太擔心,佢話:都好既,入院休息下,順便檢查清楚,呢度有專人照顧你,我都放心。


老公陪我等了一個鐘,駐院醫生們巡房回來,接見我問了一大堆問題。根據佢地的經驗,我係胃炎,由不潔食物引起,即使我跟家人食左同樣既野,但由於我在懷孕期間免疫功能減弱,所以都特別容易出問題。


晚上9時15分,我在助護帶領下,躺在屬於我的病床上休息,老公則回家幫我執些個人用品和換洗衣物。一位護士走進來,幫我掛上點滴瓶,黃色那瓶是營養液,白色那瓶是葡萄糖,哎,最不喜歡打針了,但沒辦法,bb已一整天沒吸收過東西了,都怪我這個粗心媽咪。到此刻仍沒有印象自己吃錯過甚麼。



549785_10151446439109524_1851412624_n



























  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-02-11 07:40:06
噢我以為有左係反而會抵抗力好左嘅?因為我有左時係病少左喎
[版主回覆02/11/2013 10:42:06]有左抵抗力真係真係會低左ga,因為身體會當bb是半個外來物(有爸爸基因),為免同bb產生排斥反應,免疫系統會暫時自我抑制,就連帶呼吸系統,腸胃功能都相應比之前減弱左。。。d書係咁講





  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-02-06 13:31:00
oh, 保重呀!
[版主回覆02/06/2013 16:53:05]thanks, 已經好返啦~





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-02-04 10:52:23
take care ar~
[版主回覆02/06/2013 16:53:09]thanks, 已經好返啦~





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-02-04 08:59:55
嘩~~原來可以咁嚴重,要小心食野呀...`好好休息
[版主回覆02/06/2013 16:53:52]係呀,真係估唔到咁嚴重,好在我堅持去醫院度檢查下ja。黎緊就過年,要更加小心飲食至得。





  • 留言者: 小妹
  • Email: heidimo603@yahoo.com.hk
  • 網址:
  • 日期: 2013-02-02 07:35:09
哎呀,好好休息一下,加油!
我又係已經好耐冇嘔,依家又嘔返,不過唔係好嚴重~
[版主回覆02/03/2013 08:31:33]多謝你呀,但見你個blog都好耐無寫野了,近排好嘛?