網頁

2013年8月31日 星期六

返工變窮媽了

朝早起身準備落床換衫的時候,覺得好似被d野click住click住咁,低頭一看原來瞕瞕扯實我件衫呀!佢既眼神好唔捨得,好唔想我離開佢身邊。老公在一旁見狀便馬上拿起手機影低佢。





每當在公司單思病發作(或者雙思病?),拿手機出黎睇返張相,都會眼濕濕,我估有分離焦慮症戈個係我。


現在才知道在職媽媽要餵人奶很不容易,要有多方面的配合才成事。復工兩個星期以來,看著泵奶的量由6安變4安再變2安,最低紀錄得返1安半,甚是憂心。


開頭仲以為自己食錯d收奶既野,但經過調整飲食後,每次依然泵得3安左右,便知道奶量真的下跌,不勝以前了。


雖說瞕瞕在奶嘴與奶粉之間的過渡十分順利,可以轉做全奶粉b, 而且99同老公成日都叫我唔好咁辛苦,但這只是當我一旦斷糧的折衷做法而已。我的目標是餵夠6個月,現時瞕瞕已3個半月,我想做甚麼事都有始有終,不輕言放棄。


參考過很多相關資料,始發覺返工後奶量跌離不開這幾個原因:埋身餵少左、泵奶時間拖長左、壓力。咁事實的確唔容許我3個鐘就走去泵一次,通常都5個鐘左右。這真是致命傷,因為乳房內儲的奶愈多,抑制造奶的因子便愈多,久而久之奶量就愈來愈少。


這個問題是很難解決的,我唯有在放工同放假博命埋身餵,唔知補唔補得返呢?我決定理身埋身再埋身餵餵餵餵餵直至再頂唔順為止。


PS. 展示一下我在淘寶買的儲奶裝備,保溫袋+雪種+2個冰包連運費才38蚊人仔,超讃!個袋小巧精緻,外形也討好,能放得下1個大奶樽,1個細奶樽,雪種,Medela電動迷你單泵,全部野一袋過,超方便。










  • 留言者: Emily
  • Email: peonymemi@yahoo.com
  • 網址:
  • 日期: 2013-09-04 11:03:46
C琪!!! 我 BB 昨六個月, 而同一日 m 到...

我見您用 medela mini electric...

我都試過奶量 pump 出來超少,0.5 oz 都試過 T_T ~ 不過上個月我的起心肝決定努力下去,我改用 medela swing maxi,係好貴,不過超快加有兩段吸啜 mode.

平時用 mini electric 15 minutes,swing maxi 7 minutes 已完成!吸啜 mode 1 可以更加 stimulate 您的奶量.

我想餵到 12 M,所以投資一部.
[版主回覆09/04/2013 15:40:53]thanks for your suggestion! 其實我曾經諗過係泵的問題, 明明谷但泵得好少? 而我目標是餵到6個月, 到時我自己要睇醫生兼做treatment (為左生b停斷了兩年), 瞕瞕都3個半月了, 所以不打算再投資多個泵lu... 你想餵到1歲, 好叻, 因為我深知做背奶族的艱辛, 我無限量精神上支持你, 加油加油!





  • 留言者: Mrs. Chu
  • Email: andy.cathy@yahoo.com.hk
  • 網址:
  • 日期: 2013-09-03 08:56:20
好多人都話:病 / 返工 / M到都會少奶,可能因為壓力大左啦,我個朋友都係埋身媽,返工泵2次雖然泵都慢慢少,但佢都仲餵緊阿囝食人奶(19M啦),夠一餐就第二日茶餐,唔夠就畀餐奶粉,最緊要唔好畀太大壓力自己
[版主回覆09/04/2013 15:46:57]good, 瞕瞕一日補1-2次奶粉左右, 其他時間都係埋身餵, 其實我已好滿足架嘞... 由最初唔知自己有無奶, 到滿月, 到產假結束, 到返工仲餵緊... 再餵多3個月我自己要睇醫生做treatment, 己經夠半年, 都算榮休了.





  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-09-02 12:12:46
在職媽餵人奶真不易, 好幸運我依家都可以在公司泵3次, 緊緊夠阿囡日頭食, 未洗食奶粉住.

係呀, 泵到幾多咪比璋璋食幾多,唔好比咁大壓力自己. 唔好放棄呀, 收左奶就冇得返轉頭,過多幾個月食固體就會唔咁辛苦, 始終埋身餵對BB同媽咪來講都係無野可以取代! 加油!
[版主回覆09/04/2013 15:44:10]係瞕瞕呀! not璋璋. 近來實在有太多事做, 公私兩忙, 加上我本來目標都只是餵到6個月, 而家瞕瞕已3個半月, 離終點愈來愈近, 所以我應該無乜壓力. 但我真係會好懷念這段埋身餵的日子, 那種感覺無野可以取替到.

2013年8月29日 星期四

你地會搬去邊?

今朝早打開yahoo blog的時候,赫然發覺它post左段新通告,關於所有服務將要終止。


為左同一眾blogger保持住密切的聯絡,請講低聲你地會搬去邊。而我就仲未有頭緒,但都留意緊邊個空間最多人用,最好用。


yahoo blog對我的意義非常重大,因為它是為瞕瞕而開設的,他朝有日我老了,記憶不再清晰了,瞕瞕都可以自行在這裡找回自己的成長歷程,還有媽媽的心聲。所以我務必要認真備份,並將它持續,不能讓這麼珍貴的資料留失。



  • 留言者: Mrs. Chu
  • Email: andy.cathy@yahoo.com.hk
  • 網址:
  • 日期: 2013-09-03 08:56:43
我搬左去blogspot啦,研究緊點可以搬家,希望可以keep in touch呀 ^^
http://cathy-mama.blogspot.hk





  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-08-30 18:19:37
唉,我好多2個小朋友的回憶都係度,依個消息令我好失望,真係唔知搬去邊好?
[版主回覆09/01/2013 14:07:29]變幻原是永恆,只要做好備份,還有留低大家的聯絡資料,第時仲可以重聚的。





  • 留言者: 周師奶
  • Email: cmchau27@yahoo.com.hk
  • 網址:
  • 日期: 2013-08-30 15:26:35
我都未知搬去邊呀!
[版主回覆09/01/2013 14:08:36]我研究緊blogspot, 我都係跟大隊,集體遷徒。

生粒粒


在分娩後住院的三天,我從醫院canteen播放的教育片中,得知有一樣叫做 "新生兒痤瘡" 既野。


所以及後在瞕瞕出世的十幾日,小臉上始現這種東東的時候,我也並沒有感到很驚慌,還安慰99說這不過是一種很平常的新生兒皮膚問題罷了,不用任何治療和處理,會自然好的。





可是隨著這些粒粒愈來愈嚴重,在接近滿月幾乎到了不可收拾的時候,我不得不擔心起來了。首先是紅腫,然後是白色像米般的硬粒(像酒米),還會自己流出一些黃色粘稠的膿液,情況非常恐怖。





就連保健的兒科醫生也說,這個case是他接手過最嚴重的了,不過也實在無藥可解,成因是bb體內存留的雌激素太高,而初生bb毛孔又細,未能及時排出油脂,造成堵塞所致,一般在兩,三個月後,bb毛孔疏通了,就自然會好返晒。


醫生還搞笑地說,瞕瞕的身體發育一切都很好,小腦袋也很靈光,就係 "靚仔" 左 "少少"。哈,中國人就是這樣,明明一個生得靚既bb,驚佢小器,點都要話佢醜樣,但一個咁鬼醜樣的bb,又要取笑他 "靚仔"。


畢竟我沒有這方面的經驗,更何況有經驗的媽媽又不一定遇過我這樣的經歷,只是眼見小bb的情況一日嚴重過一日,成塊臉仔又紅又腫,d粒粒在頭皮生到密密麻麻,變左菠蘿包。我覺得很不開心。。。本身諗住幫bb影好多相留念,但搞成咁做乜都無心機,連街都唔敢帶佢去,因為驚比人指指點點,便成日屈住0係屋企,最後加埋其他野,導致產後情緒大爆發,崩潰了,眼淚像缺堤的河。。。我唔明點解會有雌激素,我完全無食過燕窩之類的東西,唔知係咪食左雞翼就會咁,但原來食雞翼都係錯,嗚嗚嗚。。。愈想愈往牛角尖裡鑽。




 


反而老公就好睇得開,佢安慰返我,叫我唔好再喊嘞,生粒粒之嘛,會好返架嘛,但我仍然很自責。因為我唔知幾時先會好返,好驚好唔返會毁容。


我試過上網求救同埋請教過同事,佢地教我到中藥材舖買金銀花煲水,幫bb敷臉。有d甚至教我用人奶洗臉,當時我的奶量已進入穩定期,有能力做到。我都同意不能再坐以待斃,於是便一一照做。


可能一來d偏方真的生效,二來bb亦逐漸大個,承如醫生所說皮膚的免疫功能好左,情況慢慢好轉,最終在百日宴那天,可以見得下人。雖然有時塊臉仔仲會突然出一,兩粒,但都在控制範圍內,無咁困擾了。


 

PS. 然而就是到了現在,我仍不敢怠慢幫瞕瞕做皮膚護理和清潔,多謝blog友介紹我用法國貝兒bb水,對紅印敏感戈d好work ga。僅在這裡分享一下我的經驗,如果bb生左呢種粒粒,切記不要將它當做酒米去擠,否則會留疤的,還有千萬不要自行塗抹任何藥膏,或者比bb飲任何涼茶,反正這個問題遲早都會好,反之用藥不當造成其他問題就唔好啦。








  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-08-30 18:31:39
我都好明白,我大仔果時都生得好勁,三個月後變左生濕疹,真係好辛苦又痕,心痛到我, 人地DBB白白滑滑,自已個就一達達紅,揸咩都冇用,只可等佢大個D好D……好彩阿囡暫時皮膚都ok,希望keep位啦!





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-08-30 11:28:42
而家好返晒實在太好喇..我絕對明白你當時既感受
[版主回覆08/30/2013 12:48:15]係lu.. 同病相憐, 幸好已成過去

2013年8月25日 星期日

斜頸,第一個療程


在寫這篇blog的時候,瞕瞕已在鏡湖完成了第一個有關斜頸的療程。


療程的內容包括六次超聲波和兩次物理治療。超聲波的作用機理,是將增厚的肌肉和纖維組織軟化,俗稱"鬆返條筋",而物理治療則是對頸部進行一些輔助動作,達到矯正目的。


其實我以前也試過因為整親手,做過類似的超聲波治療,所以我知道是不痛的。但瞕瞕可能唔鍾意被人搞住條頸,一直在大叫大鬧,做五分鐘叫足五分鐘,直至聲音沙啞。他的爸爸也看不下去,躲到一旁去了。後來我們想到了用一些東西來分散他的注意力,例如晃動的鎖匙,發出聲音的iphone等等。這些方法真的很有效,到第三次做超聲波時,瞕瞕已不再哭鬧了。


誠如治療師所說,一定要讓小孩子在較舒適的環境下進行治療。否則下一次再碰觸到他的頸,恐怕他馬上會產生抗拒,或者一再帶他來這個地方,甚至一見到有人戴口罩,佢就已經喊定先。


治療師說睇醫生不是最重要的,光靠睇醫生根本不能治好,最主要是她教會了我一套動作,讓我自行在家裡反覆替瞕瞕做,待每次覆診時,察看進度如何。


就這樣,時間過了兩星期。每天上班,下班,泵奶,埋身餵,睇醫生,在家不斷練習。。。已佔據了我所有空間。幸而在回診時,治療師說瞕瞕的情況大有進步,他的頸可以完全扭轉到左邊了!





更想不到的是,治療師跟我說:如果我是你,最多做多一個療程就算了,然後持續在家幫他做練習,很好就會百分之百好返晒的。


怎麼了?不是說好了要做一年半載的嗎?竟然變左突然要close file似的,但不管怎樣仍是一件好事。於是我便聽治療師的話,掛號請醫生開多一個療程。怎料醫生卻跟我說:斜頸是不會這麼快好的!這樣看來即是不屬於肌肉方面的問題,而是神經系統強行命令他只轉右邊,不轉左邊,要照下個腦。


我真的覺得沒有那麼嚴重喎,難怪別人都跟我說鏡湖經常講到好誇張!不過此時我們也預約到了山頂睇專科,決定聽多一位醫生既意見先。















  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-08-30 18:43:10
相信璋璋好快會好番!我都帶左天穎去健康院check,医生check過天穎條頸冇問題,可係佢瞓慣左一邊個頭扁左,其實佢都轉到2邊的。雖然冇事但我都想在家幫佢做下練習,物埋治療師教你咩動作呢?
[版主回覆08/31/2013 08:42:29]訓扁左個頭都得?無事就最好了,聽d老人家講,趁bb仲細可以幫佢搓返圓個喎,唔知係咪真。治療師大概教左我呢d動作
http://www.drbackpain.com.hk/tc/topic_detail.php?page=detail-mth-3101.htm





  • 留言者: 妹豬
  • Email: laumuichu@yahoo.com.hk
  • 網址:
  • 日期: 2013-08-26 14:48:41
唔係呀?? 要照腦??真係睇多佪醫生好喎





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-08-26 14:02:58
照吓個腦
最憎啲醫生亂膏嘢嚇我哋呢啲新手媽媽
睇多個醫生穩陣





  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-08-26 10:42:25
媽媽加油!相信好快好返,聽多個醫生意見好啲!





  • 留言者: Mrs. Chu
  • Email: andy.cathy@yahoo.com.hk
  • 網址:
  • 日期: 2013-08-26 09:50:57
點解治療師同醫生講啲野差咁遠嘅?個醫生咁講(要照腦?!),好似想你洗多啲錢咁,我都覺得睇多個醫生拎2nd opinion好啲呀。





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-08-26 09:12:44
太好喇/...可能小朋友d筋骨好易矯正到

2013年8月19日 星期一

百日,好多人錫你

不搞滿月而搞百日,是我和老公在bb出生前就已有共識的,一來是待bb大個少少先慶祝,二來亦想自己復原得好d先出黎見人。


多虧有了這個決定,回想起瞕瞕剛滿月那會,臉上仍有很多紅色印印,加白色點點,真的蠻嚇人,至於我自己在出月子那幾天,亦因為傷口的事和急病,頻頻進出醫院。。。


幸好承如Elsa姨姨美言,瞕瞕出世三個月後,我同佢都好返晒了。


來到搞百日宴這天,首先幫瞕瞕換件靚仔衫先,件衫衫係姑婆送的,第一次著卻快要唔啱著了。甚麼東西最能見證bb的成長?就係不斷地發現有衫仔唔啱著的時候!





五時多來到葡京附近間德興酒樓,竟然有人比我地早到,原來父親,姑媽佢地在下午三時多已經到左,講你都唔信。






多位親戚見面份外高興,馬上湊成一圍打麻雀。





我地訂左四圍,要左間房。趁開場前影低環境氣氛,當然最重要梗係餵飽瞕瞕先。








嫲嫲第一個搶住同孫孫影相。




瞕瞕而家識將兩隻手仔合埋一齊了,仲非常之貪心,想食晒兩隻




同爸爸合照,瞕瞕意圖想攞住個餐牌。





呢個係樂樂表哥仔,佢每個星期都會過黎同瞕瞕玩,男孩子都是調皮,叫佢影一張相都扮鬼扮馬,兩兄弟將來要一起吃喝玩樂呀!







呢個係細瞕瞕一個月的表弟仔,睇下人地已有好多頭髮了,唔知你到一歲既時候會生d頭髮出黎未呢?嫲嫲同爸爸成日話瞕瞕而家戈d唔係頭髮,只係毛毛。





尚有很多其他親戚,未能一一盡錄。













事實上擺百日宴的意義,就是帶瞕瞕同所有親人見面。所以我同老公當晚都忙於應酬各路長輩,好難得先影到張一家三口合照,可謂一千零一張。




以。。。點解公公婆婆同Elas姨姨無出現呢?因為戈批相在Peter舅父部機度,催過佢似乎都係無左件事







回到家裡疲憊至極,翌日先拆利是,讓瞕瞕同d禮物影相留念先,多謝大家的祝福和心意呀。瞕瞕興奮到手舞足蹈,踢起晒d利是封,但佢又神奇地捉到其中一個,跟住仲渣到實一實添。










 


  • 留言者: B の家
  • Email: billywck1@yahoo.com.hk
  • 網址:
  • 日期: 2013-08-26 18:16:25
嘩....收到咁多禮物&祝福, 真係好多人鍚佢, 好幸福呀!!





  • 留言者: Mrs. Chu
  • Email: andy.cathy@yahoo.com.hk
  • 網址:
  • 日期: 2013-08-26 09:52:52
Happy 100 days
瞕瞕收到咁多人嘅祝福,個樣真係開心到爆呀





  • 留言者: 水太太
  • Email: tobi_tam@ymail.com
  • 網址:
  • 日期: 2013-08-26 00:15:55
真係好多人錫你地架~~ happy 100 days!! 祝瞕瞕快高長大、健健康康﹗





  • 留言者: samsamdandan
  • Email: samsamdandan@ymail.com
  • 網址:
  • 日期: 2013-08-23 14:49:31
happy 100 days 呀
好多禮物、利是同金器呀,瞕瞕好快可以做大富豪呢,heehee
瞕瞕同你honey 果張合照真係好似樣呀,簡直係你honey 迷你版,哈哈~~~





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-08-23 13:16:18
大個左好多呀..happy 100days





  • 留言者: 柑柑
  • Email: helloiris@yahoo.com
  • 網址:
  • 日期: 2013-08-22 17:48:40
瞕瞕意圖想攞住個餐牌 <-- 好可愛 >33<

瞕瞕大個仔左好多, 好精靈可愛 ~~





  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-08-22 17:31:11
happy 100 days!!!!





  • 留言者: 小妹
  • Email: heidimo603@yahoo.com.hk
  • 網址:
  • 日期: 2013-08-22 11:13:45
百日快樂~
祝你地一家開開心心, bb健健康康, 精靈活潑^^





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-08-22 10:52:45
百日快樂暲暲
暲暲 "瘦" 咗好多呀, 可以睇得出媽媽你花咗唔少心血, 勁呀
成身金器, 好富貴相呀

2013年8月13日 星期二

復工了

第一日返工,有一個很奇怪的舉動,就是會不斷地打開手機,偷睇瞕瞕的相,起碼幾百次。媽咪真的好掛住你。。。





PS. 點解三個月人仔個樣咁成熟既?好似個男人仔。





  • 留言者: 妹豬
  • Email: laumuichu@yahoo.com.hk
  • 網址:
  • 日期: 2013-08-20 11:00:49
我啱啱放完產假返工嗰時都好似你咁,不停拎個電話出嚟睇,可能個個媽媽都係咁





  • 留言者: Elon'S Ma
  • Email: mrstai830719@yahoo.com.hk
  • 網址:
  • 日期: 2013-08-20 10:24:02
確實有d man~~hahaa再大d不得了~





  • 留言者: Mrs. Chu
  • Email: andy.cathy@yahoo.com.hk
  • 網址:
  • 日期: 2013-08-16 16:21:41
我放完產假返工都係成日睇手機啲相,lee埋泵奶仲要play埋片黎治我相思之苦





  • 留言者: samsamdandan
  • Email: samsamdandan@ymail.com
  • 網址:
  • 日期: 2013-08-16 00:20:42
哈哈。。男人仔,呢個字好good呀





  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-08-15 16:52:12
呢張相好似大個左好多呀





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-08-14 20:48:21
頭仔好夠力喎, 叻仔

2013年8月8日 星期四

心痛。。。

根據正常發育標準,滿兩個月的嬰兒頸仔開始有力,可以自由轉動頸部。也就是在這個時候,我們發現到瞕瞕有點問題。


瞕瞕的頸仔是非常有力的,稍為聽到點聲音便馬上轉過去,可是他卻只轉往右面。其實他都轉到左面的,但每次都維持不到3秒鐘又彈返去右面,好似有d野扯住佢條頸咁。






還是老人家有經驗,99不斷催促我地帶佢去檢查下。我同老公商量後都認為要咁做,但一時之間根本唔知去邊度睇好。


山頂唔知排到幾時,而且唔知點先轉介到專科,等下一次保健時間又太長。


鏡湖唔知邊個醫生好,唔同既醫生醫術真的好參差,加上每一次等睇既時間都十分漫長,起碼3, 4個鐘,等到人都顛。


私家診所唔知佢地設備齊唔齊全,本身有人推薦了一個很好的兒科醫生,可是在打聽之下,年前竟然返左葡國了。


最後在姑9提議下,我同老公決定帶瞕瞕先去鏡湖,搵口碑最好的鄭曼蕾醫生,同時再排下山頂戈邊。於是我地趁鄭醫生一開診就即刻睇,一掛號就輪到我地。醫生詢問了瞕瞕平時的情況,例如點食奶,有無其他唔舒服之類,然後替他做了一個觸診檢查。


經過觸診,醫生話摸唔到瞕瞕條頸有任何異狀突起,建議我地去另一邊做個超聲波掃描。掃描室外都幾多人等緊,我地等左一個鐘,之後還要再等一個鐘先有報告。瞕瞕好明顯唔鍾意俾人搞佢,所以縮起全身極力抗議。醫生提議我可以試下即場餵人奶,讓瞕瞕安靜下來才仔細地進行掃瞄。當我一打開件哺乳衣同哺乳bra時,醫生連在場的姑娘都好驚訝,原來而家有d衫既設計係咁方便,心口中間有一條拉鍊可以打開的。


果然,瞕瞕停止了扭計,掃瞄做得很順利,在探頭下反映的黑白影像中,見唔到有任何淋巴組織炎症或瘤樣增生,都令我即時鬆了一口氣。


但當我地再返去搵鄭醫生時,佢宣讀的報告雖然未致於晴天霹靂,卻也使我同老公的心為之一沉。佢話瞕瞕右邊的頸肌比左邊厚左0.5cm,係先天性斜頸,跟住佢立即安排護士帶我地上康復科見另一位醫生。


康復科醫生睇完瞕瞕份報告同真人後,話保守估計要做半年既物理治療,但就百份之一百會好返。老公問係咪平時我地餵奶或俾佢訓教的姿勢唔好所引致。醫生話唔關事,係先天既問題。不過都不能減低我對瞕瞕的內疚感,因為我自己查過資料話斜頸同胎位不正有密切關係,我估都係呢樣野累事。


工作人員叫我地留低資料,等物理治療師覆,然後開始做物理治療。


以後又會係點呢?







  • 留言者: 水太太
  • Email: tobi_tam@ymail.com
  • 網址:
  • 日期: 2013-08-26 00:13:40
噢﹗唯有努力帶佢去做治療,希望快d好返~~~ 之後辛苦你喇~~!!
[版主回覆08/26/2013 01:02:34]多謝你的鼓勵!





  • 留言者: Joey
  • Email: joey_lam0001@yahoo.com.hk
  • 網址:
  • 日期: 2013-08-22 15:56:32
以後會平安無事~~~





  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-08-20 14:55:42
傻豬唔關你事架,好快會好的!
[版主回覆08/26/2013 01:05:39]以前有人講過,小朋友有事都係難免自責的,而家真正感受到





  • 留言者: Elon'S Ma
  • Email: mrstai830719@yahoo.com.hk
  • 網址:
  • 日期: 2013-08-20 10:22:51
100%可以康復...你唔好內疚啦~
有d野唔係控制範圍內,,你已經係一個好mama...加油~





  • 留言者: BY
  • Email: ricky3846@yahoo.com.hk
  • 網址:
  • 日期: 2013-08-19 23:41:01
吾好内疚啦,而家最緊要醫好瞕瞕,千祈吾好灰心!





  • 留言者: Mrs. Chu
  • Email: andy.cathy@yahoo.com.hk
  • 網址:
  • 日期: 2013-08-16 16:18:43
好彩你地早發現,同埋做物理治療就可以改善到都好呀,加油呀,同瞕瞕一齊努力!
[版主回覆08/26/2013 01:13:37]係呀,好在發現得早咋,黃金治療期在6個月內,





  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-08-16 14:14:22
我女都有依個情况,我都冇為意以為只係佢習慣左大個D會好D,原來有問題的,噢都唔知去邊度睇!!
[版主回覆08/18/2013 15:11:10]我開頭都以為大個會自己好返,但上網查資料先知,原來這個症的黃金治療時間是6個月內,錯過左就要做手術矯正。唔去醫最壞既結果係一邊臉會萎縮,五官扭曲,所以不容忽視。瞕暲仲細,我一定會俾心機同佢做物理治療,等佢快d變返正常開心。或者你帶天穎去健康院睇下,當做檢查安心d





  • 留言者: 2San
  • Email: lcscis@yahoo.com.hk
  • 網址:
  • 日期: 2013-08-16 10:33:45
唔好太擔心啦~醫生話可以百分之一百好返!!!只要加油做物理治療就ok啦~~~加油





  • 留言者: Emily
  • Email: peonymemi@yahoo.com
  • 網址:
  • 日期: 2013-08-16 09:41:18
all the best
[版主回覆08/27/2013 08:10:39]Thanks!





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-08-16 09:07:29
加油呀...瞕瞕一定可以好快好返架





  • 留言者: samsamdandan
  • Email: samsamdandan@ymail.com
  • 網址:
  • 日期: 2013-08-16 00:19:50
嗚,你一定好擔心了,希望做左物理治療會冇事啦。。撐你同撐瞕暲呀





  • 留言者: 小力媽媽
  • Email: docoseed@yahoo.com.hk
  • 網址:
  • 日期: 2013-08-15 23:25:28
我都覺你地咁早發現係好事,加油呀。正能量!!
[版主回覆08/18/2013 15:14:16]多謝你比正能量我!





  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-08-15 22:49:18
及早發現應該好快糾正返, 唔好太担心啦, 暲暲一定冇事嘅
[版主回覆08/15/2013 22:54:28]但願如此

cry training

咁醜樣架,成日都喊既。。。係都要擠幾滴眼淚出黎,扮可憐咁。





但突然聽唔到喊聲,原來喊喊下無人理佢,喊到無癮竟然自己訓著左,睇下眼角仲掛住粒淚珠。唔通真係對小朋友狠心d,先會乖?






  • 留言者: 小妹
  • Email: heidimo603@yahoo.com.hk
  • 網址:
  • 日期: 2013-08-14 12:23:31
Long time no see...
我仔6月8日出咗世了





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-08-13 13:11:31
係架..小KIM 未滿月時我地已經唔理佢喊..知道佢唔係因為有需求既喊我地係唔會理佢架..所以而家小KIM TOUCHWOOD無扭計架..因為知道扭都無人會理佢





  • 留言者: 周師奶
  • Email: cmchau27@yahoo.com.hk
  • 網址:
  • 日期: 2013-08-12 23:10:03
喊喊下訓左, 好搞笑呀






  • 留言者: 小魔怪BB
  • Email: w.kitman@yahoo.com.hk
  • 網址:
  • 日期: 2013-08-12 12:29:25
呢頭喊完, 果頭已經訓著左!





  • 留言者: kiki
  • Email: kikit330@ymail.com
  • 網址:
  • 日期: 2013-08-11 12:32:42
佢好搞笑呀....
喊喊下訓左, little k有時都會咁架............
[Oi Yee回覆08/11/2013 19:59:31]你哋真幸福, 我蛇仔明係會喊到底為止架





  • 留言者: samsamdandan
  • Email: samsamdandan@ymail.com
  • 網址:
  • 日期: 2013-08-09 19:19:39
哈哈~~ 唔醜樣呀,我覺得 BB 仔笑同喊都好可愛呀,我都好鐘意影阿B 個喊樣,好好笑 XDD

2013年8月2日 星期五

在家自製百日照


影這輯相是我在產假中的最後貢獻。本身想揀套小西裝的,但老公說太老成,不好。於是便轉了這套色彩斑斕的,以保留多一點的童真。可是衣服真的好小啊,轉過頭就唔啱著了。但我會珍而重之地將它收藏起來,點點滴滴裡都是我對你的愛。






















  • 留言者: 水太太
  • Email: tobi_tam@ymail.com
  • 網址:
  • 日期: 2013-08-26 00:12:07
之前去左長旅行呀,好耐冇黎探你喇~~~ 最近點呀?bb個樣又唔同左喇,好cute呀﹗d相影得好靚~~





  • 留言者: kiki
  • Email: kikit330@ymail.com
  • 網址:
  • 日期: 2013-08-11 12:35:47
你自己影架>???
靚得好好呀, 好似出去影果d~





  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-08-08 13:20:21
嘩大肚腩!!!
[小小媽媽回覆08/11/2013 10:28:53]係好耐唔得閒慢慢上blog呀
[版主回覆08/09/2013 07:13:22]你好耐無留言過比我la, 稀客呀





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-08-07 09:08:04
影得好好呀
[版主回覆08/09/2013 07:12:24]Thanks





  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-08-06 16:39:31
好有水準呢!
[版主回覆08/09/2013 07:11:58]Thanks





  • 留言者: Mrs. Chu
  • Email: andy.cathy@yahoo.com.hk
  • 網址:
  • 日期: 2013-08-06 14:15:24
嘩~~~好sexy嘅肚腩仔呀
褲仔係咪自己織添架?
[版主回覆08/09/2013 07:10:51]帽同褲仔都係淘寶貨,十零廿蚊姐,好抵。
佢地話人手編織,我唔知係咪真。





  • 留言者: samsamdandan
  • Email: samsamdandan@ymail.com
  • 網址:
  • 日期: 2013-08-04 00:27:23
嘩,好靚呀,你自己影的嗎? 好犀利呀
我都覺,西裝雖然靚仔,但冇咁有童真,colourful 開心d
[版主回覆08/04/2013 07:56:43]是呀全部都是我自己影的,個鏡頭是老公送給我的結婚禮物,當然要善用下。
我見你都好有心機幫巨龍bb影好多相,讚

2013年8月1日 星期四

後備食糧

仲有十天便要上班了,即使是交託給別人照顧,也需要事先擬定好瞕瞕的飲食安排。


講真如果我是全職媽媽,我一定繼續做全人奶媽,直至餵到無得再餵為止。。。看著他的小嘴尤如一個人力泵,一口一口地將我的營養和血液輸送到自己體內,一天一天茁壯地成長,他完全地依賴我,而我又毫無保留地奉獻,使我深切感受到作為一個母親的重要性。


還是回到現實吧,講一講我的難處,首先我返工時間無固定,份工帶點外勤性質,工作的地方是沒有私人洗手間,要借街外公廁用,對於泵奶非常唔方便。不過都係要泵出來,話晒咁多個鐘,谷奶谷死人咩,只是考慮到衛生問題,泵出來的奶要丟掉。很可惜吧?或者帶回家給瞕瞕沖涼比較好?


和家人商量之後得出一個共識,而家我打算咁,我返緊工的時間就讓瞕瞕食奶粉,我返到屋企就趕緊埋身餵。為了過渡與適應,近日我將瞕瞕中午戈餐轉左做奶粉。


我選擇給瞕瞕的奶粉是金裝雀巢能恩1號,諗住健康d,它是低敏奶粉,又不含庶糖與香料,有d似人奶咁自然,同時它自稱有優質的水質蛋白,令腸胃易消化,吸收得好些。


但我上網睇到有人話,就係因為佢d蛋白份子細,只適合俾早產bb食用,而非正常bb,所以會食瘦個b。呢樣我又唔係好覺,見瞕瞕d體重一直都追得上,也不怕便秘,99都話呢隻奶粉食得佢個孫幾好。

 
 



其實最重要都係bb自身的吸收,我記得醫生講過,食奶粉一樣有瘦b,食人奶都可以有肥b,更何況每種奶粉之間差異性總不會太大,見自己個bb啱食就行了。


快d到4個月啦,到時就可以食米糊,試下d得意野了





  • 留言者: kiki
  • Email: kikit330@ymail.com
  • 網址:
  • 日期: 2013-08-11 12:36:42
在職mama想餵人奶真係唔容易, 加油~





  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-08-07 09:07:15
無得餵人奶真係好可惜
[版主回覆08/09/2013 15:36:14]係呀超唔捨得要戒奶,除非係我自己甘心咁停啦





  • 留言者: Mrs. Chu
  • Email: andy.cathy@yahoo.com.hk
  • 網址:
  • 日期: 2013-08-06 14:16:58
如果工作上要成日出外又真係好唔方便泵奶嘅,不過繼續早晚埋身都好好呀,加油呀
[版主回覆08/09/2013 15:37:35]好在我份工返既時間短咋,一日都係返5, 6個鐘左右,放工仲可以俾我趕返屋企餵奶呢。





  • 留言者: mickey
  • Email: mickeyho816@yahoo.com.hk
  • 網址:
  • 日期: 2013-08-04 18:51:19
一號生,至今還未上奶,手擠只出一點仔初乳..請問u幾時才正式上奶?
[版主回覆08/05/2013 06:29:30]恭喜你先!我都是在產後第四天才上奶,都只係得好少,但也要趕緊讓bb啜。你有沒有做些準備工作呢?如熱敷,打圈按摩。。。還有切記不要吃紅棗,龍眼,豬腰,乳鴿等物,會收奶的。





  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-08-02 16:21:41
我都諗緊邊隻奶粉好,但又好似隻隻差不多
[版主回覆08/03/2013 07:05:10]通常都係跟返醫院開比bb食戈隻