舊同學gathering

因為今天中午有一個舊同學的聚會，我便將早更(09:00-15:45)調左夜更(15:15-22:00)，以爭取同佢地見面既機會。


說起來，我們四個真的非常有緣，小時候都住在筷子基，所以進了同一間小學，及後又一齊考到同一間中學，算一算我們至少做左十二年同窗呀，我們的父母仲認識彼此添。


最遲出現的一個舊同學看起來很不舒服，原來M痛。她叫我們不用擔心，她說其實身體沒有大礙，只是。。。心情有點沮喪，證明製造bb仲未成功。


對了，我們這幾個女生還有一點共同之處，就是已做了人妻，話題也圍繞在bb計劃這件事情上。


同學話結左婚已經三年，開始有些壓力，準備轉山頂醫院睇不育專科。另一個同學上年年尾結婚，要寫碩士論文比較忙，曾隨緣地進行過兩，三次不設防，但甚麼也沒有發生，我也差不多吧，只是時間尚短，都唔係好急。當然，我們也各自說了些鼓勵的說話，期待有日會再帶住自己的小朋友出來聚會啦。


難道真的因為年紀大的緣故？看來根本就沒有意外，只有認真地追求。其實近來我身邊已很少聽到有奉子成婚這回事，反而是如何努力求子的故事。


ps. 說好了影張靚靚合照卻忘記左，真係遺憾。

---

• 留言者: 愚太
• Email: ciao_sukie@yahoo.com.hk
• 網址:
• 日期: 2012-07-21 22:24:52

不要 心急，只是若不設房後一年也不孕才需看醫生。放鬆心情。。效果更理想。
加油。

在淘寶買到滿意的婚紗披肩

結婚的同月，我開左個淘寶account，本來打算買d相關用品。


我睇左好多上頭睡衣，囍字跪枕，敬茶杯套，紅傘之類。。。都覺得唔錯既，不過後來同老公出大陸印帖，間舖頭都有得賣戈d，而且價錢都好合理，最緊要係有現貨，已經免左淘寶的郵寄同貨倉煩惱。


但儘管如此，我還是在淘寶搵到實店取替唔到既野，就係婚紗披肩。實店的款有限，而淘寶的款無限，就算在實店睇啱款，價錢都會偏貴。呢樣反而值得在淘寶買，除左秋冬季可以穿，室內車廂內有冷氣地方一樣適合。


當時我遇上特價，只是RMB29.6，超軟超暖，唔甩毛的。

我也很喜歡它的上身效果，貼一張big day的相。

---

• 留言者: Rain＊Bong
• Email: love_rain1116@yahoo.com.hk
• 網址:
• 日期: 2012-09-07 10:02:34

very good ar,can you share the taobao link?
Thanks
[版主回覆09/07/2012 11:56:01]sure
http://item.taobao.com/item.htm?id=13778907698

---

• 留言者: 柑柑
• Email: helloiris@yahoo.com
• 網址:
• 日期: 2012-07-24 18:08:22

看起來很高貴 ~~~ 靚 ~

象形記憶

日文對於我來說，是一種全新的語言。它不像葡文那樣，本身識英文26個字母，就識葡文24個字母。


五十音除左發音之餘，仲要記字型，就連筆順都要從頭學寫。


不過點都唔會難寫過漢字呱，哈哈。


在這方面我覺得象形記憶真的很有用。我down左一個app，教我用富想像的方法去記，愈荒謬愈好。


例如開始的時候，我覺得そ這個字真的很難記，唔知點先可以同時記得它的寫法和讀音。個app真的很好，它說そ像畢加索(Picasso)的鬼畫符，所以そ是so。


很神奇，馬上記能記下來了，而且是牢牢的。


類似還有し，它說就像一個女孩子(she)，長長的頭髮，髮尾輕輕翹起，所以し是shi。


而す就像一個名字叫阿Sue的女孩子，戴住一頂帽，帽子下面是漂亮的曲髮，所以す是su。


得到呢d指引後，又有返d心機啦，好了，繼續學習。

分享一張在facebook見到，讓我感動既相

總有一天，另一個人會走進你的生命，讓你明白，為甚麼你跟其他人都沒有結果。


鬆開抓緊往事的雙手，只要願意讓痛苦攃身而過，無緣份的二人，最終在人生另一段路上，成就雙份的幸福。

泰國渡假衫衫

去泰國honeymoon之前，特登在淘寶買左幾件有夏日色彩既衫，諗住影相sharp d。


我最鍾意呢條有點民族風的沙灘裙RMB69。全棉的質料，另外有加長版，不過對於我的身型來講，original size已夠。

由於想集中運費，所以我多數都會在同一間店落單。我仲買左對沙灘拖鞋RMB39同朵雞蛋花RMB9。









對鞋不過不失啦，花花寄黎既時候有個金屬盒裝住，包裝得好精緻，人地仲以為我朵花係真架。


以下是我將三樣配件加在一起的造型嘞。間酒店真係好大好靚，可惜只停留了一個短暫的晚上。

跟住我又在一間叫做"空氣貓"的店，買左一件海風條紋闊身T恤RMB44，和一個休閒背囊RMB99。

但我點都唔會推薦呢間野，因為物流勁慢，客服經常不在線，但又唔可以留offline message聯絡佢。擾釀左好耐到而家仲欠我一件衫。


猶幸兩樣野既質量都唔錯。我覺得件T恤有d空白，加條裝飾項鍊會冇咁單調。

我地去呢個果園d生果係任食，第一次見到榴槤樹，我右眼中左無名腫毒。

原先既件仔背心整爛左，而家平平地入過件新的。Bling bling S碼牛仔背心RMB39。但老公唔鍾意bling bling，只係當著上身效果其佳時，佢先至接受，先至讚好。

我同老公係咪好有夫妻相呢？HAHA

同期在catworld家一次買左好多件夏天衫，揀左一套去旅行。其他下次開post分享啦。

藍色背心RMB28 + 杏色豹紋爵士帽RMB35 + 蕾絲小開衫RMB69

我最滿意係頂帽呀，件背心有兩粒珠片已甩左了，件開衫又有少少熱。。。

---

• 留言者: 柑柑
• Email: helloiris@yahoo.com
• 網址:
• 日期: 2012-07-11 10:09:44

catworld 我同好多朋友都幫襯過, 佢 d 野都 ok 的 ~

姨甥仔的憤怒鳥items

每次去探峻峻，佢都會將近期擁有的新items show俾我睇。

呢期佢鍾意angry bird，買左好多細細粒既膠擦。但公公話下次唔準再買呢d膠擦仔，因為唔好用的。不過細路仔就係咁，佢覺得靚先最重要。


咁啱我自己買開crocs鞋，所以順便在店家買多對俾佢，問明佢想要既係黑色，便買左呢對，左右腳圖案不一樣的，拼起來是一張色彩繽紛的圖畫。RMB56

雖然我買大左2個碼，但仍然啱著，而且婆婆話小朋友暑假好快長高的，食多d飯便好。峻峻比我想像中更鍾意對鞋，日日都著住。


第二次我買左一件angry bird哈衣俾霖霖RMB42.8，我話：快d睇下，細佬變左憤怒鳥呀！點知峻峻嘟長了小嘴：點解我冇架？！

我答佢你已經有對鞋嘞，佢話其實佢都好鍾意衫架，佢仲話細佬咁細個乜都唔識，著咩都一樣啦。haha，笑死我。


夏令班可以唔駛著校服，好啦送多兩套衫比你，我想你開開心心地返學。


一套藍色，一套灰白色，衫褲都係分開買，我幫佢配襯的。RMB138 in total (以下圖片來自淘寶網)

---

• 留言者: 小鳥必必
• Email: fi_44@yahoo.com.hk
• 網址:
• 日期: 2012-07-07 01:55:29

我現在都已經很少在網寶買東西了﹐一來貴﹐二來質料差﹐現在亦沒有淘點﹐還是在香港買才花算﹐因為我最看重的質料﹐最重要穿在身上要舒服。
[版主回覆09/01/2012 17:34:45]所以我在大陸工商銀行開左個戶口, 方便過數呀. 目前為止我大部份都買到滿意既衫, 只有少數一, 兩次不愉快經驗. 想質料舒服, 記得睇下係咪有標註"純棉", 同埋參考下其他買家既comments :)

我的另一個世界

上星期一我同老公放假在家裡休息時，我用電腦寫完最後兩篇婚禮回顧，老公八卦裝下我搞乜。


我同佢講其實我一直都有寫網上日記(blog)ga，當遲d有左bb，都會繼續寫低呢段心路歷程。估唔到老公好興奮咁話："好呀！可以留返第時比d仔女睇下。"


佢既反應有些超出我預期，因為佢係一個對文字相當抗拒既人，我知佢唔會耐心睇，而我也只是需要這一種心靈上的支持就夠了。

如願地報到日文班

之前都想報IFT(旅遊學院)既日語基礎班，因為夠近屋企，但招生名額只有十八個，一早爆左。。。所以今期盡早去報。學校辦公室都未開門，已經有d人0係度排緊隊，原來人地都好有heart呢。


數一數，我排第十一個，心諗一定冇死啦。但點知，排我前面個女仔交表時攞左五份表出黎，佢幫人報埋。


哇，我真係爭少少就報唔到


仲有好在呢個課程納入左政府既"持續進修發展計劃"，學費方面是豁免，我只需要俾心機上堂就得嘞~


其實而家報名都要等到十月底先開課，這三個月可以自學下先。iphone係一個好好既學習幫手，我down左個app，記下d五十音發音同寫法。