15w2d：一個粗心的媽媽

時間來到了第15週。


按照約定的時間上山頂醫院抽血做唐氏篩檢，一入到個室度，哇！咁多人既，眼見起碼有五十個孕婦等緊 (其實說孕婦有點不習慣，皆因九成九都未見肚)，就咁睇bb熱潮仍未過。。。


我登記之後落返大堂食個早餐先，正宗葡國小品，件其貌不揚的雞蛋焦糖布甸真係好好味。下次要試埋佢個春卷同雲石蛋糕。

而家胃口比以前好左好多，所以成日掛住一d同食有關既野，姑娘幫我磅重赫然發覺已經比最初時重左8.8磅。根據我的BMI，整個孕期理想應重20-30磅之間，開頭仲好擔心究竟重唔重到20磅架，但如果循住呢個進度，2, 30磅指日可待。


輪到我抽血戈陣，原來要交返上次張b超掃描報告俾佢地，連日都不停地落雨，我驚整濕張bb相，所以收埋0係屋企添。。。所以要搭的士趕來趕去。表面看來我細心，但其實粗心。戈一刻有點down down地，懷疑自己第時係咪真係有能力照顧兒女。


張bb相上面有頸皮同鼻骨的數據，化驗室需要用此組數據，結合母親的年齡，體重，孕期週數，抽血結果而得出一個風險評估值。


我好有信心可以通過這個測試，然而就在抽血後的一天內，收到幾個沒有來電顯示的電話，內心竟然都會一陣抽緊。雖然電話只是關於宣傳同廣告，但我知我還是會緊張。希望快點渡過這十天吧。。。

---

• 留言者: 大小姐
• Email: wing_smallsammi@yahoo.com.hk
• 網址:
• 日期: 2012-12-03 16:01:40

原來你響澳門住架
[版主回覆12/03/2012 17:56:29]係呀, 請多多指教!

---

• 留言者: 小妹
• Email: heidimo603@yahoo.com.hk
• 網址:
• 日期: 2012-11-30 12:51:17

香港度頸皮係11週至13週6d做架~
[版主回覆12/01/2012 08:35:13]澳門政府會幫我做結構, 但有d人都book唔到, 因為full左或遲左
我book左22週時做, 到時又見bb啦!
[小妹回覆11/30/2012 17:06:18]我book左政府12w度頸皮~
係呢, 澳門政府會唔會做埋結構?
香港政府唔一定有得做, 如果冇就要私家俾錢做~
[版主回覆11/30/2012 16:45:36]澳門度頸皮係12-14週做, 而我12週時已度左頸皮啦, 今次係做抽血篩檢, 兩樣結合可以準確d. 遲d你地都應該會做ga?

14w4d：進入懷孕蜜月期

人地話，過左頭三個月就沒有害喜既不適，又可以開心同人分享，這段日子稱為"懷孕的蜜月期"。


真架。。。我而家好少再有頭暈同作嘔既感覺，同時又未開始感覺到胎動，所以有時一高興得意忘形起來，都會忘記了bb的存在。我有個同事的舊同學，可能年紀仲細啦，初期都會忘記自己有bb，所以成日食西瓜，飲涼茶。。。我未至於咁。


有時訓0係床度，老公會揭起我件衫，攬住我個肚，摸下，錫下同聽下，佢話有d咕嚕咕嚕，幻想係bb活動時攪起羊水的聲音。


我問佢，bb幾時先識得踢我呀？點知佢話：bb一直都有踢你架，只是力量尚小，你未feel到咋。


估唔到你又幾有常識bor! haha，因為醫生都係咁講。


看著肚肚中的南瓜籽逐漸長成了小南瓜，期待你的第一踢。

---

• 留言者: 大小姐
• Email: wing_smallsammi@yahoo.com.hk
• 網址:
• 日期: 2012-12-03 09:06:23

你個肚好大呀

---

• 留言者: 小小媽媽
• Email: tamhiumei@yahoo.com.hk
• 網址:
• 日期: 2012-11-28 22:04:37

嘩你個肚好大 bor !
[版主回覆11/29/2012 11:30:28]haha, 可能我瘦顯得佢大咋 , 我到而家腰圍仲係得廿幾吋, 等緊突破三十大關

---

• 留言者: 周師奶
• Email: cmchau27@yahoo.com.hk
• 網址:
• 日期: 2012-11-27 19:08:19

wow....現形啦^^
[版主回覆11/29/2012 11:33:12]係呀某d角度佢會現d, 謝謝你經常來visit my blog ^^

---

• 留言者: 小妹
• Email: heidimo603@yahoo.com.hk
• 網址:
• 日期: 2012-11-26 13:59:22

你就好啦, 已經到了蜜月期....
我仲係好唔舒服, 對我黎講, d時間過得好慢呀
[版主回覆11/29/2012 11:33:50]過左3, 4個月之後, 我相信你會想時間過得慢少少
懷孕係做10個月的女皇嘛... 之後就係... hahaha

---

• 留言者: 小鄧子
• Email: moodytang811@yahoo.com.hk
• 網址:
• 日期: 2012-11-26 11:15:15

母愛最偉大
[版主回覆11/29/2012 11:34:01]

---

• 留言者: Oi Yee
• Email: oiyee_uc@yahoo.com.hk
• 網址:
• 日期: 2012-11-23 18:59:11

好覺肚喎！
[版主回覆11/29/2012 11:35:22]覺覺地啦... 我側身睇, 身型仲係好似紙咁薄, 個個都話我瘦, 我要繼續加油, 吸收多d營養至得!

---

• 留言者: 傻婷
• Email: g_annali@yahoo.com.hk
• 網址:
• 日期: 2012-11-23 15:24:45

唔經唔覺咁就大!!!!
[版主回覆11/23/2012 16:54:06]開頭害喜時d時間過得好慢ga，好似渡秒如年咁。。。係而家先好d咋

---

• 留言者: Pandora 香傭講法文
• Email: panpanchoi@yahoo.com.hk
• 網址:
• 日期: 2012-11-23 04:28:10

恭喜, take care^^
[版主回覆11/23/2012 09:26:13]thanks thanks

14w1d：真係改左預產期

我覺得，現在澳門政府的醫療系統很好了，每次回去產檢之前的一天，都會收到短信提示。

今次的主要目的是睇返上次份驗血報告。


只見醫生從一個大信封中抽出了一叠滿載數字的單據，邊讀邊眉頭緊鎖，神色十分凝重。。。


因為短期內我都做過幾次相同的檢查，對自己的血液很有信心，那一刻我都想不到會有甚麼問題。


然後醫生對我說，我的所有指標都正常，對各種病毒亦有抗體。


咁佢戈幾下既搖頭同嘆息代表咩呢？可能是今朝的工作繁忙，個案一個接一個，辛苦您了~


還有就是度宮高，和測量bb心跳。聽診器第一下位置不對，聽不到。醫生慢慢地左右兩邊都掃過，左邊隱約聽到三下，但消失了，右邊又聽到三下，也很快消失了，這令我的心情有點緊張。後來醫生拉平了我的肚皮，抓住一個小小的隆起，聽診器就對著那個位置壓下去，可以聽到連續十幾下的心跳聲了，洪洪洪洪洪。。。聲音像這樣的，取個平均數，每分鐘約158下。上回是165，醫生說bb心跳很好。


回家後跟老公講起了這件事，他說我們的孩子很聰明哦，可能是儀器壓住佢不舒服，便游到另一邊去了，到了另一邊被壓著又游回來，游來游去的。


看到老公樂呵呵的模樣，我的心情也被迅速感染了。

And there is one more thing。。。


醫生話由於我12週時的b超顯示，bb的實際大小與懷孕週數不乎(大左一週)，而根據醫院的指引，凡相距超過4天的，就需要正式更改預產期。


她叫我記得我的預產期是2013年5月12日，no more 5月18日。她還剎有介事地用紅筆在我本媽媽手冊上摘錄下來。


不過我真的很清楚知道，我的月經週期一直準確，而且製造bb的經歴就只有那麼一次，所以懷孕週數也理應準確，確實只是bb大左一週而已。我又在想，如果bb過左5月12日還未出來，再次根據醫院的指引，最遲5月18日就會催生佢出來。但那天根本就係佢原來的預產期呀。


身邊既人問我有無同醫生傾下呢樣野，無呀。。。一來醫生有醫生的做法，二來最終只有4%的產婦會真的在預產期那天產子，bb要在邊日出黎無人知既，係佢自己話事丫嘛！

---

• 留言者: 黎生黎太
• Email: py_chung1030@yahoo.com.hk
• 網址:
• 日期: 2012-12-06 15:02:11

澳門d醫院service幾好wor..
[版主回覆12/06/2012 17:59:46]好左好多。。。其實好多人都奇怪我點解走去政府醫院睇，又覺得我係識人先會有服務。。。唔係啦，社會福利之前人人平等，只不過係大部分人都無信心，仍持有往日對政府醫院的刻板印象。

---

• 留言者: 傻婷
• Email: g_annali@yahoo.com.hk
• 網址:
• 日期: 2012-11-23 15:23:30

原本你係澳門人?
[版主回覆11/23/2012 16:47:46]係呀，你而家先知呀？！oh...haha

12w1d：雛形

這篇是延續上一篇的。。。


因為檢查的事，在山頂上上落落折騰大半天，有點累，回家與99吃過飯後，很早便躺上床休息了。


老公下班夜歸回來後，第一時間衝入房，啪一聲打開電燈，推醒我：老婆，老婆，我都未睇bb相。


於是我便從床頭拿過檔案夾(我已將bb的檢查紀錄整理在一起了)，翻出一共6張的b超相片給他看。除了正式報告的4張相外，王強醫生還額外送了我2張作為留念。

老公邊看邊問我：bb個樣好似笑緊咁呀?我話係呀，戈時佢啱啱張開了小小的嘴，醫生便幫佢影左張相啦，輪廓尚算清晰，還可以見到尖尖的鼻子，和貼服的耳朶。


我仲攞起把軟尺比劃給他看，6.52cm的頭臀距離即是多長，7.57cm的頭圍又有多大。老公認真聽我講解，最後依依不捨還返d相比我，一副若有所思的樣子。


第二天清晨，我和他一起訓醒的時候，我隨口問他一天會想起bb幾次。他答很多次。我說都想起甚麼呢，他說想像bb在我的肚子裡，圓頭圓腦，圓碌碌地游來游去

 

 

---

• 留言者: 周師奶
• Email: cmchau27@yahoo.com.hk
• 網址:
• 日期: 2012-11-21 14:09:46

so sweet ^^

---

• 留言者: 傻婷
• Email: g_annali@yahoo.com.hk
• 網址:
• 日期: 2012-11-09 14:37:08

好SWEET !!!!

12w1d：一個令人驚喜的小生命

剛剛在掃描室還很平靜地聽醫生講解，但一踏出醫院門口就覺眼濕濕了。


如果不是親眼看見，都很難相信未被發現的肚子，竟孕育著一個已成形的小生命。


我被安排當天下午2:30在山頂產科第一個照b超，接診我的正是傳說中最好人的王強醫生。


我到達的時候是2:00，保安讓我在樓下大堂等到夠鐘先上去。於是我便在大堂小賣部點了一份馬介休球，久違了的葡國小食味道，以前在這裡實習時經常會光顧，差不多十年前的事了，價錢居然沒有加價，賣東西的嬸嬸依舊沒有換人，我在最近的一張黑色沙發上坐下來，身邊有幾個土生醫生快速地用葡語交談，飲他們愛喝的Espresso(超濃咖啡)，香味撲鼻。。。我很享受這種氣氛。

踏正2:30，我準時回到二樓報到，由於醫生要處理一個較緊急的case，所以我等到3:00才被召見。


醫生和姑娘將一切準備就緒，一開啟儀器屏幕，我馬上看見一個側卧著的白影，是一個極其標準的度頸皮姿勢。當醫生想量度頸皮厚度時，一通電話打進來，而就在他離開的這半分鐘內，將超聲波探頭重新壓到我肚皮上時，他奇怪地說："嗯，跑到哪裡去了？"原來，bb個姿勢已經變成左右翻轉了呢，但仍是一個漂亮的度頸皮姿勢，所以一度就度到。頸皮厚度為1.1mm，鼻骨可見0.7mm，醫生話鼻仔好尖，呢一點非常似我。


醫生話根據目前的生長狀況，bb的週數應是13w2d大小，比實際大左一週，我感到頗為意外，因為我都唔算食好多野，好在佢自己有努力成長。原來預產期有兩種計算方法：一是由最後月經日開始算起，二是由b超見到既數據去計，而家bb大左，所以我的預產期亦由5月18日改為5月12日。唔知bb鍾意揀邊日出世呢？有時我都會幻想下生產戈日既情境係點？見紅先，穿水先，陣痛先，定最後要催生呢？


可能之前跟bb溝通過，佢真係一黎到就乖乖被我們度頸皮。在接下來的b超過程中，我看到bb在狹窄的胎囊中是如何轉身的，佢首先係弓起身子，然後360度地翻個筋斗游到另一邊(就好似睇奧運見到游水運動員，游到泳池邊的那種轉身)，佢舉起了一起手在耳仔旁，另一隻手放在嘴巴裡，津津有味的吮著，這個模樣真是太可愛了，十隻手指仔的數目都數得很清楚，有時佢又會伸展細細長長的雙腿踢我，不過佢頭臀只有6.52cm，力量太細了，起碼要在一個多月後才會感受到這種胎動。


今次的產檢十分順利，醫生不斷話bb好靚，好活潑，發育得好好，得到的都是正面評價，為人母既自然開心。


And there is one more thing:


跟家人，同事講起這段經歷，我問如果醫生無主動話係仔，係咪即係係女？咁我係咪可以買定花裙仔？


點知，佢地都話我做咩唔問呀，唔問醫生就唔會講嘞。。。ehm，實情係我戈一刻只係想見到bb有無長大，關心佢有無活動，頸皮正唔正常，鼻骨是否可見！生bb同陀bb都好辛苦，有好多關要過，20週時還要通過照結構測試，睇下有無兔唇，心臟有無穿隆。。。這份無形的壓力係完全落在母親身上的。


即使下次有機會揭盅，無論結果是小褲褲還是小裙裙，都不會改變我對你的愛，只會影響我置購嬰兒物品的種類。


攝於12w0d

---

• 留言者: 小妹
• Email: heidimo603@yahoo.com.hk
• 網址:
• 日期: 2012-11-08 13:51:43

嘩~~弓喜你呀, 小bb好健康呀~~
12w個肚好大哦~
[版主回覆11/08/2012 14:02:48]多謝你呀, 因為除左6w見過一次bb心跳後, 就一直要等到12wk先再產檢照b超, 期間上網睇過太多bb沒有原因胎停的新聞, 都有d擔心... 但好快又feel到個肚一日一日慢慢咁變大, 便放低了這些疑慮了.
而家我腰圍約28.5吋, 所以都未算係太睇得出來, 除非著d好緊身(為左影相)的衫啦, haha. 我都祝你bb健健康康, 快高長大~~

流血驚魂

b超前的一段小插曲。。。


近幾天都滿心期待星期一的b超檢查，因為又可以跟bb第二次見面，老公仲千叮萬囑叫我記得攞張相返黎比佢睇呀。(好可惜他因為工作不能一齊去呢)


我話一定會啦，醫生會print返張相比我，貼在本孕婦手冊度架。


而就在昨天，11週的最後一天，我和家人外出晚飯回家沖涼後見到un un上有一小滴血。我瞬間感到心跳停了半秒，血管裡的血液也凝住了。


我用廁紙小心翼翼抹了一下仍發現有一點血印，不過好像是從後面流出來的而不是前面。雖然我身體沒有不舒服，但還是將這件事告訴了老公。老公聽罷變了臉色，我也沒心情理會他，徑自回到房間睇下有無再流血。


從敞開的門縫間，我看見老公在神台燒了一柱香，並把香枝舉在額前禱告。平時我會覺得呢d野有些迷信，但那一刻我深深感受到他的無助與虛弱，其實他內心也慌亂得很，這只是他尋求安慰與勇氣的一種方式。


同一時間，我又抹左幾張紙巾，有少少少少。。。少既血，確定是從後面流出來的。可能是天氣乾躁，熱氣吧？因為我又沒有便秘，又沒有肛裂，又沒有庤瘡，應該無事，唔好嚇自己了。這時候，老公上完香回到我身邊，輕聲問我有沒有事，有事也不要緊的，可以馬上陪我上山頂睇婦科急診。


可憐的老公，平時儘管外表多冷靜，嘴上多不在乎，但那一刻卻見他雙眼眼圈都紅了。


最後都是沒事，遇事才了解你多一點點。

---

• 留言者: 小小媽媽
• Email: tamhiumei@yahoo.com.hk
• 網址:
• 日期: 2012-11-11 23:23:27

你都真係要休息多 d 喎

---

• 留言者: ξ.×啤啤熊寶寶×﹏→×Grace媽媽
• Email: ngaman5542@yahoo.com.hk
• 網址:
• 日期: 2012-11-07 18:19:13

小心身體呀!!!
[版主回覆11/07/2012 18:45:23]知道喇!