Without a Pause: 12月 2012

2012年12月24日星期一

19w1d：輕輕的顫動

其實自16週的產檢開始，醫生便問我有沒有感覺到胎動。我一直都說沒有，醫生說也是正常，因為初產婦沒有經驗，相對來說可能遲一些，大概要到20週後。

聽說了許多有關胎動的奇妙，我還是想早點感受到啊，畢竟這是寶寶與媽媽之間的秘密構通方式。

結果，在第19週的第1天，胎動來了。這個日子很好記，12月24日平安夜，你的輕輕顫動，似在告知我一切平安。

現時的胎動叫做初始胎動，有人說像一連串的泡泡升起，也有人說像蝴蝶的翅膀舞動。我可沒有那麼瓊瑤的想像，最初像有一個肥皂泡落到我手臂上，無聲爆破的觸感。。。所以如果不是有經驗的人仕教我去用心感受，根本很容易忽略這一種感覺。

根據孕婦教科書上的指示，胎動容易發生在飽餐後，特別是晚飯的半小時後，媽媽體內血糖濃度升高，養料傳送到胎盤，寶寶也變得有氣有力活動起來。

腰酸在近期已開始出現，有時真的使我納悶。然而為了感受這一種初來乍到的驚喜，每晚晚飯後，我都坐直了身子在電腦前聽聽音樂，以期待你的手舞足蹈。每當肚子裡面傳來這一波又一波的漣渏時，我腰背上的不適感便會馬上消失掉。。。

是不是很傻呢？

不過有一晚我等到九點多，都不見有任何動靜，無心機=.=，便早早上床睡覺了。想不到凌晨兩點鐘卻又睡不著，原因是你竟在這個時間活躍起來，好似個波仔咁在我肚內碌來碌去。

ps. 附上平安夜晚餐合照，明年便可帶埋你一齊去感受這個開心的節日了。

留言者: 大小姐
Email: wing_smallsammi@yahoo.com.hk
網址:
日期: 2013-01-03 13:53:49

你終於感受到啦...真係好奇妙架
[版主回覆01/28/2013 21:07:50]係呀，原來由第一次感受胎動到而家，已經有一個月了！時間快到嚇親我。

2012年12月22日星期六

18w5d：為你我願忍受一切的不適

今期受咳嗽和濕疹侵襲，還有尾龍骨痛。

一) 咳嗽

剛開始的時候是頭痛和流涕，我不停地飲熱檸水和姜茶，三天後迅速好起來。但可惡的咳嗽卻尾隨而至，並持續了一個星期有多。

我沒有印象哪天著涼了，或者接觸過誰是高危人群，因此唔知點去避免，可能是懷孕期本來抵抗力就弱的吧。

記得一位私家醫生曾說過，一個感冒的週期是四至五天，而咳嗽是二十天，況且所有藥也是有風險的，既然身體最終可以痊癒，除非發燒，否則最好都是靠自己。

所以我雖然上山頂婦科急診領左一盒B級用藥，但一粒都無食到。

老公同奶奶都問我，如果唔食藥，咁我睇醫生有咩用？輪一次症都起碼用左兩個鐘架。我覺得檢查還是有用的，首先我被確認無發燒，另外透過胎心儀聽到bb仍是正常心跳我就放心了。

我食左孕婦都可以食既康鈣c，每日一粒，終於在咳左第十日慢慢好返晒了。

-----------------------------------------------------------------------------------------------------------------------------------

二) 濕疹

有日返工手臂內側痕痕地，R左幾下，返屋企沖涼時發現出左一片疹，而且是左右手對稱位置都有。

我想這就是妊娠濕疹吧。

要來的總會來，加上我皮膚本來就不好。

不過我現在才懷孕四個多月，要有心理準備，之後仲有一大半既日子要忍受這般痕癢。

好在妊娠紋膏對此是有舒緩作用的，搽左就唔會痕，唔痕就唔會R，唔R就算出左疹都會好快褪(一晚半晚)。

-----------------------------------------------------------------------------------------------------------------------------------

三) 尾龍骨痛

其實早在第十週時，我便試過右邊pat pat痛，最痛是坐低起身戈刻，連行路都就住就住。

那時還以為同我本身既舊患有關，又可能是坐姿不正確。休息一兩天又無事。

第十八週時這種痛症明顯左好多，痛到接近落唔到床，起唔到身。。。一企直個身就感到有一種觸電似的痛楚，差d跪0係度。

那個朝早我一拐一拐地行去巴士站搭車返工，在車上一直擔心到站時，夠時夠時間行落車。

一整天我的心情都有點低落，好驚有排做物理治療之類。

上網查過一大堆資料，先知道原來有唔少準媽媽同我一樣，呢種症狀叫做尾龍骨痛，孕期接近二十週是好發期。特點就是由坐低到起身戈刻勁痛，原因是bb的重量壓住盤骨的髖神經而影響，解決方法就係唔好坐咁多，要行多d，訓覺時用暖水袋敷下。

一日之內我行左差不多兩個鐘，跟住就完全唔痛，都有d安慰。

ps. 而家隻腳成日累，借老公個肚黎墊下腳。

留言者: kiki
Email: kikit330@ymail.com
網址:
日期: 2013-01-06 12:49:09

做mama最大的痛苦係你有幾病幾辛苦都好, 你都要忍住唔想食西藥去影響bb...
我果時濕疹真係好辛苦, 好失落, 到而家我都未好番哂, 最終都係睇中醫慢慢慢慢咁醫...
加油!! bb知你好錫佢架~

留言者: Mandy
Email: mandy8355@yahoo.com.hk
網址:
日期: 2012-12-29 21:14:52

見到你皮膚問題，都有點擔心你和你的BB~~~
我之前感冒和咳，懷孕開始到現在已經三次，最近一次更鼻塞到太辛苦而入醫院觀察（因為BB果排郁少咗，之後懷疑是因為藥物有睡意而影響）
所以懷孕期間一定要著夠衫，唔好令自己病呀！
[版主回覆01/01/2013 10:26:10]要催生都未必同抗生素有關既，唔好太擔心啦，其實而家醫療已經好先進架喇！試想好似以前古時候咁，過左預產期bb都未出黎，但又無催生又無開刀既技術，你話點算？
[Mandy回覆12/31/2012 20:31:40]見到你可以靠自己好返就好了，因為懷孕期間病好麻煩，我有朋友在三十六周因為感冒病到要食抗生素，到依家阿B四十周都唔出來，但她上一胎是較預產期早一星期就出來，她現在可能在四十一周催生，令我更為擔心~~~
[版主回覆12/30/2012 04:37:33]謝謝你的留言，令你擔心真係唔好意思呀，我已好返好耐la，最後我都係無食到藥，咳左都係一個星期左右。。。唔算好嚴重。而且一好返之後就踏入第19週，bb開始有胎動，好開心，只是這幾天工作有點忙和累，未有時間更新近況。

留言者: 柑柑
Email: helloiris@yahoo.com
網址:
日期: 2012-12-28 12:20:06

C琪媽媽加油!
不過如果病真是唔斷尾就真係要食藥 ~
醫生開的藥都是安全的呢 ~
我明你心情, 我之前也很爭扎, 最重要是看情況 ~
別拖太久 ~ 加油!
[版主回覆12/30/2012 04:45:16]多謝柑柑支持呀，我已病好一星期了，請放心。今次生病的教訓就是要更保重自己。。。我的工作要接觸太多外來的人（包括船和飛機），只是一兩無戴口罩就出事啦，以後真的不能掉以輕心，特別在這流感季節。

留言者: 小妹
Email: heidimo603@yahoo.com.hk
網址:
日期: 2012-12-27 11:57:14

哎呀, 我依家先14W, 條腰已經硬硬地喇~
訓覺轉身都痛~
我又係有呱同流鼻水....好煩~
[版主回覆01/01/2013 10:23:07]我都覺訓覺轉身有d唔慣，而家都係流感高峰，你要小心保重身體，祝早日痊癒~

留言者: BY
Email: ricky3846@yahoo.com.hk
網址:
日期: 2012-12-27 08:28:36

我頭幾個月都有濕疹,到第5個月又自己好返!
[版主回覆01/01/2013 10:22:09]你真係好彩呀，通常都係愈後愈黎料架！

留言者: 小小媽媽
Email: tamhiumei@yahoo.com.hk
網址:
日期: 2012-12-24 12:59:23

醫生開嘅咳藥食好過唔食，咳對BB好大壓力，發燒反而唔驚

留言者: Oi Yee
Email: oiyee_uc@yahoo.com.hk
網址:
日期: 2012-12-24 09:55:08

我都有腰骨痛喇
我本身條腰有彎側, 都知會比人陀得辛苦架喇
坐底起身嗰吓好似有電擊咁, 痛

同埋呢排我訓訓吓隻手會麻痺, 你有冇呀?
[版主回覆12/24/2012 15:04:20]我都有脊柱側彎呀，而且主彎位發生在盤骨位置，所以好早就有心理準備陀b時辛苦d。好在我又無手痺戈d。

留言者: 大小姐
Email: wing_smallsammi@yahoo.com.hk
網址:
日期: 2012-12-24 09:08:29

我patpat骨對上又係勁痛呀，痛到我訓唔到覺，原來呢d叫尾龍骨痛，我隻手又係開始起一點點紅色，晚上痕到訓唔到，不過無你咁勁，你初初係咪都係咁架?
[版主回覆12/24/2012 15:10:31]其實真係唔係個個都有尾龍骨痛ga，可能我陀得低呱，所以咩pat pat痛，尿頻戈d症狀我全部都有，但背痛，頂胃。。。就唔怕。我雖然出疹，但唔算好痕，一搽肚紋膏就緩解，你都試下。

2012年12月17日星期一

18w1d：變臉

星期一朝早返塔石衛生中心做例行產檢時，我挑了一個靠近門邊的位置，老遠就看到我的保險經理同佢老婆一齊入黎。

但我跟他打招呼竟然沒反應，他只是徑直走向我，在我身旁的位置一屁股坐下來。

待我第二次跟他打招呼時，他才慢慢回過神來。。。看他的樣子分明是認不出我。他向我解釋道，我而家個樣同以前比，變左七成，得返三成仲勉強認到。 (straight face)

我相信有一段日子無見過我的人都有同樣感覺，畢竟由金色鬈髮變成黑色小丸子頭，臉尖變臉圓，雙眼皮變單眼皮，仲爆到滿臉暗瘡，難怪既 (sad)

至於在身邊既人，包括屋企人和同事，因為日日都見到，也慢慢接受這種變化。

我則是在一段日子以後，回望以前的照片，才知道變化真是蠻大的。

又試過有日行街撞到阿妹同妹夫，寒喧左幾句。回家後阿妹send左個msg俾我，話：我老公話你一定生仔喎！因為生仔通常會變樣。

佢係少數覺得我會生仔既人，其他人九成九都覺得我生女。

我心裡面都無底架，一日未超一日都唔知。仔女我都鍾意，重點係人地戈句：你變晒樣，中間好似有d 你搞乜呀咁既意味。我只盤算緊產後點樣執返正自己。 (waiting)

留言者: Shelley
Email: goldentabby2005@yahoo.com.hk
網址:
日期: 2013-01-23 12:16:13

放心, 生完好快變返靚媽媽架...最緊要健康
[版主回覆01/25/2013 21:20:16]承你貴言

留言者: Oi Yee
Email: oiyee_uc@yahoo.com.hk
網址:
日期: 2012-12-24 09:51:01

我身邊人冇講啲乜, 但每次都俾人好似雷達咁掃射全身, 感覺唔多好
好似用眼神同我講, "乜你搞成咁呀"
[版主回覆12/27/2012 19:48:53]係啦係啦, 就係呢種感覺呀!

留言者: Mi Mi
Email: wong_ju_lee@yahoo.com.hk
網址:
日期: 2012-12-21 11:39:28

第幾週開始變樣架？生暗瘡也可能係仔仔喎。你好酸味東西嗎？
[版主回覆12/21/2012 14:41:56]最快都要到1月15日先會知, 睇下到時bb合唔合作啦
[Mi Mi回覆12/21/2012 12:08:43]咦又好似生仔機會大d wor.快d揭盅啦，嘻嘻
[版主回覆12/21/2012 11:45:41]第4週開始爆瘡(一直無停過><), 第6週剪短頭髮, 第12週慢慢變圓潤, 而家明顯多左線條, 因為胸同pat都大左, 真係估唔到
我唔係太好酸味, 但咸味一定唔得(不論胃口幾好都抗拒), 十分之嗜甜(就算勁嘔時都食得落朱古力)

留言者: 大小姐
Email: wing_smallsammi@yahoo.com.hk
網址:
日期: 2012-12-21 08:57:58

我覺得個個大肚婆都會有d變樣架啦
[版主回覆12/21/2012 11:34:50]剪短頭髮本身係最大分別, 我覺得~

留言者: 周師奶
Email: cmchau27@yahoo.com.hk
網址:
日期: 2012-12-20 19:09:07

post 照片變化la
[版主回覆12/21/2012 11:34:25]唔好呱, 我驚嚇親街坊, haha

2012年12月12日星期三

與老公的奇趣對話錄(不斷更新)

1) 我靠紅d check到8月23日為排卵日，然後我們努力備戰。

在8月尾時，我依偎著老公說：如果我們真的擁有這個孩子，這個時候佢應該著床了。

老公話：係咪即係要訓教教呀？咁我地都早d休息，唔好打擾佢啦。

佢一聽到個"床"時，就只會聯想到訓教。
-----------------------------------------------------------------------------------------------------------------------------------

2) 有一日行街，老公突然間恍然大悟同我講：丫，我明啦！

我話：咩呀？

佢話：我知點解bb出世後總係咋人抱，要搖來搖去啦。因為你行路時，羊水就會流動，bb就會在裡面蕩來蕩去，十個月以來佢都習慣左呢種感覺，所以佢出世後都要尋回呢種感覺至有安全感囉！
-----------------------------------------------------------------------------------------------------------------------------------

3) 餅乾係有益的零食，孕吐時我都吃左不少來舒緩，因為我鍾意轉口味，所以家裡總有不同的餅乾。

有日我又打開左包新餅乾，仔細地試下好無味的時候，老公說：第時個女一定好鍾意食餅乾啦。(其實仲未知係仔定女，但有時順口我地會講下女，有時又會講下仔)

我話：點解呀？

佢話：我見你食到津津有味咁，覺得佢第時都會學你含住塊餅乾唔捨得吞落去。

我仲以為佢做咩望住我咁入神，原來佢思索我食餅乾的神態。
-----------------------------------------------------------------------------------------------------------------------------------

4) 那時妊娠反應很重，完全沒胃口吃東西，整天茶飯不思，只想卧床休息。老公見我在張床度死下死下，佢話：等老公整個黑豚肉清湯米粉你嘆下啦~

跟住佢整好左叫我食，我一看，甚麼嘛？不就是普通的瘦肉絲米粉而已嗎？但覺得佢有夠風趣的。
-----------------------------------------------------------------------------------------------------------------------------------

5) 妊娠反應真的使我無晒心機。老公鼓勵我：老婆加油呀~ 我地相機又買了，鏡頭又買了，bb又有了，現在只是等佢出世，跟住就可以放在床仔上，睇住佢碌碌下，幫佢影好多好多相，幾得意啊。

我向他擠出了一個苦smile。
-----------------------------------------------------------------------------------------------------------------------------------

6) 我份工要輪班，而老公有得放星期六，日同公眾假期。佢話第時放假會帶埋個女黎接我放工。佢又自言自語話：唔知抱住佢黎好丫，定揹住佢好呢？好似揹住好d啊可？但我又驚大熱天時，行到出晒汗，我d汗會滴到醃親佢。
-----------------------------------------------------------------------------------------------------------------------------------

7) 同事已送左條揹條俾我，老公問：你估第時你揹定我揹丫拿？

我話你鍾意啦。

佢話：我覺得我揹好d囉，因為我高d，bb可以望多d風景呀。

(佢1米8，我1米5又係事實)
-----------------------------------------------------------------------------------------------------------------------------------

8) 12週時b超度頸皮，老公因工在身在未能抽空隨行，有少少可惜。

而家等22週照結構佢同樣要返工無得睇 (而我就請左假先去得到)，佢問我可唔可以叫醫生好似上次咁，影返兩張相俾佢睇下。

我話唔知架，因為今次照結構係分開一part part的，得d手手腳腳，醫生都未必會俾返我啦。

老公話：睇下d手手腳腳都好啦，好掛住佢嘛~
-----------------------------------------------------------------------------------------------------------------------------------

9) 16週時，我睇書話bb已學識吞嚥動作，而家識吞羊水，仲識痾尿了。佢應該好胃食，成日吞羊水，又成日痾尿，搞到我尿頻，成日要去廁所。

老公若有所思：一個人痾兩個人的尿咁過癮？都幾得意喎。

我話：係架，咁你想唔想試下懷孕的感覺。

佢即刻話：都係唔好嘞，好似好辛苦咁既。
-----------------------------------------------------------------------------------------------------------------------------------

10) 老公話個女出左世會成日放佢在張床玩，仲會捉住佢雙小腳，親吻她的小腳趾頭。

我話：有無搞錯啊？又唔見你錫下我？

佢話：咁唔同既，佢有我的基因，你都無。
-----------------------------------------------------------------------------------------------------------------------------------

11) 接近4個月，bb的聽覺開始發育，我話你多d同bb講野啦，佢聽到架。

老公來來去去都淨係識攬住我個肚，講呢一段說話：bb，bb，我係baba呀，好錫你架。

留言者: 恩恩
Email: enenen919@yahoo.cn
網址:
日期: 2013-04-17 14:07:05

一位好可愛的爸爸啊！由頭笑到尾....吾知到時媽媽會吾會吃個BB的醋呢？？KAKA。。。期待BB的出世啊！
[版主回覆04/17/2013 19:57:10]係呀，其實老公真係好得意，佢好恨有個bb，希望bb出世後就算哭鬧多厲害，佢都唔覺得煩啦！

留言者: 傻婷
Email: g_annali@yahoo.com.hk
網址:
日期: 2012-12-19 14:22:21

好sweet呀!

留言者: 小妹
Email: heidimo603@yahoo.com.hk
網址:
日期: 2012-12-14 13:49:54

你老公好搞笑~
我老公就鍾意臨訓前同我把脈, 有時聽肚~

留言者: 愛樂。音樂室。Fani*
Email: fanny_1017@yahoo.com.hk
網址:
日期: 2012-12-13 22:17:02

sooo sweet arrrr!!
[版主回覆12/13/2012 22:39:51]HAHA, 你又會搵到我個blog既?

留言者: Oi Yee
Email: oiyee_uc@yahoo.com.hk
網址:
日期: 2012-12-13 16:48:54

hahahaha, 我發現啲準爸爸對住住個肚都係得呢句, 我husband 又係成日淨係識對住個肚話" bb , 我係爸爸呀" 跟住就冇第二句
[版主回覆12/13/2012 22:40:18]就係囉! 我另一個blog友個husband又係咁

留言者: 大小姐
Email: wing_smallsammi@yahoo.com.hk
網址:
日期: 2012-12-13 11:07:59

你老公好搞笑呀
[版主回覆12/13/2012 11:16:46]開頭唔舒服就只有苦笑，而家可以哈哈大笑啦。如果唔寫低呢，就可能會忘記，所以開左呢篇文章用作紀錄。

2012年12月10日星期一

17w1d：明年今日

公司一年一度的聖誕party設宴於美高梅，我很喜歡這個闔家歡節日，場內場外總是洋溢著一片溫馨氣氛。

五年前從進入這間公司開始，看著同事們一個個由獨身到結婚，到生bb，到生第二個，時間好似過得好快咁。。。

我覺得而家的人似乎比以前更願意生兒育女，身邊總是圍繞著很多別人的小孩，到底係出生率真係高左，定我都到左為人母的時刻才發現這一點？

我們公司對有小朋友的員工有個善意安排，就是給每位家長發放400元讓他們買禮物，然後將包好的禮物連同收據一齊，帶返人事部收集，到時就會有聖誕老人在台上叫小朋友個名，等小朋友上台攞奬。。。what a surprise！天真的小朋友真係會覺得係聖誕老人送的，其實呢一個環節父母都好花心思呢。

所以，早在party之前半個月，d同事忙碌地穿梭於各大商場，秘密地為他們的小朋友揀禮物，為的就是看到自己的孩子歡天喜地奔上台攞奬的一刻。想想也覺得感動呀。

同事話出年就到我架喇，不過到時我個bb都係得半歲大咋，唔知帶唔帶埋佢去好呢？除非帶埋老公去啦，嘿嘿，等我地抱佢一齊上台同聖誕老人影張全家福。

今年得自己一個人去，出門前同老公影張合照先。

我又中奬啦，抽到紅酒一枝(屋企已收埋4,5枝啦，乜年年都係我中奬ga，haha，同事都話我係咁臨莊)

留言者: 大小姐
Email: wing_smallsammi@yahoo.com.hk
網址:
日期: 2012-12-13 09:17:17

你公司好有心思呀
[版主回覆12/13/2012 09:42:00]係呀出年就到我LA

2012年12月8日星期六

17w0d：發噩夢

這段日子一直都是多夢，但d夢好似一個比一個恐怖，可能我有情緒方面的困擾(連自己都唔知），所以寫出來抒發一下，或者會收到一d開解可以幫到我。

以下灰色字既內容，純粹係發生在夢境裡面。。。

有一晚同９９食完飯之後，我自己一個出左去散步。

當時都唔算太夜，但我遇害了，被肢解了。

屍首被發現遺棄在市區各個垃圾站，嬰屍也在某個垃圾站被司警找到。

老公知道消息之後癲左，我的家人也感到極度震驚和難過。我帶給了他們永遠的遺憾，令他們下半輩子都活在這種驅之不散的陰影當中。

我的意外，改寫了他們的一生。

當我醒來的時候，陷進極度痛苦之中，我完全不能呼吸，眼淚整濕半個枕頭。最後喊到老公都醒埋。

但當然無同佢講過半點有關夢既野。

夢是不能控制的，只有在看見第一線陽光衝進房間後，如常返工後，一切let it go...

留言者: 小妹
Email: heidimo603@yahoo.com.hk
網址:
日期: 2012-12-12 10:41:09

我都有試過全身郁唔到, 仲喊醒~
我以前好少發夢架, 不過有左小B之後就發左幾個好奇怪既夢~
[版主回覆12/12/2012 11:03:10]係囉, d夢真係好奇怪的, 都會同賀爾蒙改變影響有關

留言者: 檸檬BB女
Email: joyce81580@yahoo.com.hk
網址:
日期: 2012-12-11 11:25:34

傻妹~ 發夢喇~ 可能你太擔心宜家既生活同健康, 所以發呢d夢喇~ 無事既~ 唔好諗太多~
講出嚟會放鬆好多既~ relax d 喇~
[版主回覆12/11/2012 11:29:06]thanks 你呀，同你傾完好好多呢

16w6d：見肚

昨晚跟老公出席了他的家族飯局，因為時間在我放工後(星期六仍要返工^____^)，所以就直接穿著返工的衣服去了。。。

眾人都顯然沒有忘記我正在懷孕的事實，不住問起我的近況，例如有無暈，有無嘔，是否食得訓得之類。

席間我起身去了趟洗手間，回來準備就坐時他們連連驚呼見肚了，話有進步，有成績咁，仲問我係咪就快五個月。

其實只係四個月零一個星期咋，真的有這麼明顯嗎？可能係我瘦顯得佢大，加上著返工件冷衫恤衫比較貼身。

最搞笑既係，臨走前撞到一個在隔離個廳參加飲宴的舊同事，佢主動走上前握我的手話：恭喜你啊！

下？恭喜我d乜呀？？又唔係我結婚：Ｐ

哈哈，不過都估到啦，佢好開心咁問我可唔可以摸下我個肚仔，佢話我全身依然好瘦，只有肚肚在長大和胸部豐滿左喎，真係汗汗^ ^"

這段日子也算是陀得舒服，但原來你一直有在努力長大，在不知不覺間。

ps. 附上當天在公司的自拍照一張

留言者: 周師奶
Email: cmchau27@yahoo.com.hk
網址:
日期: 2012-12-12 23:28:31

大得好快!
[版主回覆12/18/2012 08:40:40]不知不覺就長大了, 聽講20-24week才是突飛猛進的時候呢!

留言者: 檸檬BB女
Email: joyce81580@yahoo.com.hk
網址:
日期: 2012-12-11 11:13:37

真係好大個肚呢~ 好健康成長啊~
[版主回覆12/18/2012 08:41:17]多謝你一直咁留意同關心我呀, 一齊加油仔

留言者: 大小姐
Email: wing_smallsammi@yahoo.com.hk
網址:
日期: 2012-12-11 09:25:31

我17wk個肚得你一半咁大咋...真慚愧
[大小姐回覆12/11/2012 11:30:29]咁可能係你bb吸收呀...好事黎架
[版主回覆12/11/2012 09:57:36]真的嗎? 咁我有d驚... 不過可能是角度問題呱? 因為其實個個都話我瘦架, 我個腹圍最肥都只係30吋而已.. 同埋, 我而家仍然係得90幾磅
ps. 但產檢報告話bb size的確比標準大左2週..

留言者: 柑柑
Email: helloiris@yahoo.com
網址:
日期: 2012-12-10 23:04:20

你肚仔大得好快 wor!!!
我 20 wks 先得小小肚 ~ :P
[版主回覆12/11/2012 09:29:52]嗯... 就係因為肚仔大得快, 所以我好快無左腰, 個個都話我生女呢,
下個月照結構時就可知曉了, 好緊張呢~

留言者: 小妹
Email: heidimo603@yahoo.com.hk
網址:
日期: 2012-12-10 15:18:06

嘩~~ 好大呀~
我依家11W4, 肚仔size好飄忽,
因為唔係日日有便便, 加埋食飽, 個肚都好現,
但如果一朝早去左便便又未食野, 只有一個小小肚腩仔~
[版主回覆12/11/2012 09:26:51]係呀, 我0係你個週數時, 都覺得肚仔size好飄忽, 得夜晚食飽飯先會顯d, 所以我每晚都會摸著圓滾滾的肚子同bb傾計...但一過左14week, 個肚腩仔就會持續0係度
好似話, bb夜晚的活動會活躍d, 伸展開d手腳, 所以撐得肚皮大d...一到朝早, 玩得累了, 便縮作一團訓教教, 個肚又細返 :P

留言者: Oi Yee
Email: oiyee_uc@yahoo.com.hk
網址:
日期: 2012-12-10 12:10:07

呢個星期我都覺我個肚大得好快
[版主回覆12/11/2012 09:19:45]係啦, 聽講一夠20week時大得仲快呀, 仲會開始覺得個肚重重地添呀, 唔知係咪呢?

2012年12月3日星期一

16w1d：肚內的遊戲

胎動就暫時未feel到，而這段期間因為子宮持續長大，時不時下腹部兩側都會輕微抽痛。查看過很多資料，都說這情況是正常的。

不過今天午睡醒來後，這種痛楚一直沒有消退，直至晚飯後仍存在，已經兩個小時，我播放了一些胎教音樂，但沒用，好像還加重了痛的程度。

我坐下來休息，看見左下小腹有一小塊隆起物，如檸檬大小，bb這是你嗎？我知道喔。但點解咁唔舒服既？

我搵返本孕婦手冊出來，決定上山頂急診睇下咩事，我相信無事，但都係檢查下安心d。。臨行前卻因為另一件事我打電話比一個同事，順便問下佢呢個問題。

同事話佢都有呢種經驗，可能係我側臥時間長左，bb碌左埋一邊又訓著左，唔識走返開黎，佢叫我試下落街行返醒佢。

最後我一落街，都未行到街尾，真係無事lu。。。

其實bb都在媽媽肚裡搞甚麼呢？是不是我吃你就吃，我睡你就睡？

留言者: 檸檬BB女
Email: joyce81580@yahoo.com.hk
網址:
日期: 2012-12-11 11:14:39

BB想你摸下佢喇~
[版主回覆12/11/2012 11:29:31]haha, 又係喎

留言者: 大小姐
Email: wing_smallsammi@yahoo.com.hk
網址:
日期: 2012-12-07 15:20:48

有無影低去呀??
[版主回覆12/07/2012 20:59:42]無呀，戈時擔心到si

2012年12月1日星期六

秋冬大肚衫

已經好耐無用過淘寶了，就連帳戶裡面d餘額用晒都一直無再增值。。。好像曾經瘋狂地購物左幾個月之後，就告一段落。

在九月初證實懷孕的我，其實早早在六月前已基本買齊晒整個孕期所需的衣物，而且是秘密進行，哈哈。真係好想知有無人會好似我咁，未有就買定大肚衫？只是出於作為一個女人的預感，我覺得有左之後就唔方便再去大陸攞貨，而我又唔想假手於人叫老公或朋友幫忙，佢地一定會話根本唔知幾時有駛乜急之類。。。所以就趁自己仲有能力既時候做左先。

戈時一開波就睇中左大肚牛仔褲同大肚西褲，因為實用。同類既貨品澳門一來難搵到，二來一定無淘寶d咁抵，反正只係著一段短時間，盡量有幾平就幾平，印象中都係80幾蚊咋，收到時試上身覺得係滿意既。