淘寶6蚊108張認物卡

大陸有個叫做＜萬嬰追蹤＞的節目，從中我知道bb最早在七個月大就會認物，甚至可以從一堆圖片中拿起正確的一張給你。

所以在瞕瞕七個月大的時候，我在淘寶買了幾盒認物卡給他。不過我買回來後並沒有馬上開始教他，因為那時他還未識坐、爬，大動作似乎麻麻地，而且仲做緊物理治療，我努力於幫佢追上進度，無暇教佢其他野。

 

書中常說：「黃金早教頭三年。」有時我都懷疑自己是否已經浪費了頭一年（苦笑）

說回正題，嬰兒透過認物卡學習有一些重點：

一）實物圖比卡通圖好

二）一張一張慢慢認，不要一下子一大疊卡片放在他面前，由生活最常見的東西認起。嬰兒對水果和動物是特別感興趣的

 

三）如可以，多找機會給他看實物作對照，總之是跟生活相連的。例如將一隻香蕉放在香蕉卡旁邊，這樣他會左看看，右看看，加深印象

 

瞕瞕喜歡吃香蕉，我會成條蕉俾佢食，所以佢成日（幾乎日日）都會見到實物。因此，他第一張認得的卡片就是香蕉。重複考佢都認得。


 

 

反而蘋果、橙，我都係先榨好汁才給他，實物少見，遲d再教佢。

瞕瞕是個細膽的孩子。佢第一次見到沖涼盆有隻鴨仔玩具，直頭驚到縮起晒手，超誇張。經我不斷鼓勵之下，加上時日一長，而家佢已經同鴨仔做左好朋友，佢仲識禁隻鴨仔噴返d水出黎。

鴨仔算是他第二張識認的卡片，順便教佢講＂duck"，估唔到佢又講到喎（在錄這段片之前未試過）。每次見佢跟住我努力地學發音，都覺得很過癮。


 

一歲至少要識十個指令

一歲小朋友正常會識十個指令，等我又諗下瞕瞕識邊幾個先。

按時間先後順序，佢七個月大識得bye bye~

跟住好快識得kiss，同佢講kiss me，佢會用咀仔錫你的臉。但唔知係咪怕醜，佢而家死都唔肯啊。佢會改以伏在大人的膊頭上嗲嗲，來取代kiss。

  

二月時澳洲姨婆來我們家寄住兩個月，佢成日同瞕瞕講英文，教識佢give me five. 同時佢叫瞕瞕個英文名Herman，會應我地。

我地都有教佢飛吻，但佢成隻手放進口中。

問佢好唔好，例如好唔好味，佢只識搖頭（乜都話唔好），而家叫佢「叫嫲嫲啦」，又係一味搖頭，明明識都唔肯叫人。

很早的時候已開始教佢拍手掌，但唔知點解教極都唔識，同齡咁多bb得佢一個唔識。佢合埋隻手唔識打返開，起勢係咁fing，於是轉而教佢呈請。但一歲生日過左幾日，佢又突然識拍手掌。問佢開心係點，佢會拍手，讚佢叻叻，佢又自己拍手助慶。

 

瞕瞕對聲音特別敏感，很小很小的時候已會遞著聲源尋找方向。十個月大直頭掀開張被，找我收埋了的iPhone。即使戈樣野唔發聲的，只要佢見到我收埋就會嘗試去搵。例如尋找枕頭底下的搖控。

明白因果關係。問佢搖控開咩架，佢會舉高對住部電視或冷氣，如果成功開到，佢興奮到卡卡聲笑，仲笑到碌地。

佢亦會專登丟d野落地，等你執返俾佢，個衰仔仲陰陰咀笑。執返之後叫佢「俾」，佢又肯俾。我俾返佢佢再俾返我，俾來俾去，樂此不疲。

叫佢企就企，坐就坐，勤於做運動。隨著佢企同蹲既動作愈來愈純熟，希望佢快d放手行，至少入托時識自己行就好d。

 

瞕瞕是個古靈精怪的孩子，捉住佢手仔或腳仔聞下話好臭呀，佢會大笑，用這種搞笑的方式，佢很容易就學會了兩個身體部位：手和腳。一問佢手手呢，腳腳呢，佢會遞高俾你。

其實佢仲識認生果卡片，問佢香蕉呢，佢能夠從一堆認物卡中執張正確既俾我。

還有，佢識扮大笨象既叫聲，跟iPhone的一個apps學的。

覺得瞕瞕學野都算幾好，不過佢有脾氣和情緒，唔係你想佢做就做。我認為佢可以如期識晒考k1 d野，但沒有信心佢會正常發揮，因為佢非常扭計，少少野就喊。所以將來都係睇佢造化考到邊間就讀邊間，反正我沒有名校情意結，無論結果怎樣我們也不會因此感到沮喪或失望。

瞕瞕有書讀了！

如果唔係親身經歷過，好難感受而家托兒所有幾難抽。幫瞕瞕報左八間托兒所，連後備簽都無，全軍覆沒。

其實托兒所現場抽簽是公開，公平，公正的，無得做馬。當天是星期六下午四點，我sick leave在家沒有去睇，但有很多媽咪影低個結果post上網。我的心情就好似對六合彩飛咁，小心翼翼地核對每一個號碼，對完成疊無張中，非常失望。

星期一上午九點，我再自行在官網輸入資料查看結果，但佢地sever down左。我便打電話去問：抽簽戈日我無去，而家上網又查唔到，點做好？對方話：你可以直接過來看嘛，若真的沒有，即時在我們這裡登記做後備。

雖然知道機會極之渺茫，但我仍想盡最後一分力，這樣我內心會好過些。

「有人辭職歸故里，有人漏夜趕科場。」以我所知，有小朋友一個人同時中左十枝簽，運氣好到你唔信！其他也有一人中兩三枝簽的情況。但到了註冊日，畢竟他們也只能揀一間，所以必會放棄其他；而有些人漁翁撒網，抽中又嫌遠唔去；有些人驚小朋友太細個，想等下一年再報過；更搞野既係，有些香港人攞住澳門新身份證，襯熱鬧報下，反正都上網報，又不用排隊，即使抽中左當然唔會真係過黎讀。

所以最後會有d位流返出黎。註冊日一過，我們就收到托兒所的驚喜電話。我很慶幸乜都有幫瞕瞕試過，令他得到這個機會。

我們已經辦好了註冊手續。介紹下這間托兒所先，離家並不算近，偕同瞕瞕前往需時三十分鐘，星期一至六可托，由朝早八點到夜晚七點。。。真好，我終於可以多返少少私人時間了，生仔後一直缺乏保養，打扮，熬成黃臉婆，以後等瞕瞕返左托，我可以繼續做facial, spa, 整頭髮，化妝，扮靚，找回一點自信也好。

講笑咋，以上戈個唔係我想瞕瞕讀托兒所既主因。

我瀏覽過托兒所既環境，知道佢地大部份的早教教材就是我原本想買的，例如疊疊圈，手推學行車，腳踏車，情景屋，積木，認物卡等。講真，托兒所都有我就無謂買咁多放喺自己屋企了。讓他跟其他小朋友一齊玩，學習分享概念仲好。

不過有樣真心想依賴托兒所幫手的就是：戒片和自己食飯。托兒所有一系列標準流程，期望瞕瞕能在那邊養成良好生活習慣，為佢將來讀k1作充足準備。家中老人太嬌縱孫了，我認為交比專業人仕去教會更好。

間托兒所分嬰班，小小班，小班和大班。以瞕瞕的月齡，他會讀小小班，僅有一班，一班得十個人，但有兩個阿姨，資源充足。

小小班就是這樣圍住阿姨上課，十個孩子表現如何，一目了然。雖說不應該去作比較，但事實又不想自欺欺人，而且也只有在比較上下，才會看得清楚每個孩子能力的強弱點，性格的優缺點，方能引領他作更好的發展，不是嗎？

如無意外，今年七月開學，瞕瞕會在這裡一直讀到考k1。祝願他有快樂的群體生活。

周歲回顧

因為有你爸爸對我的愛，所以才有你的存在。 

懷著你40+2那天晚上見紅，去醫院檢查順便寫醫生紙休息一天，卻想不到一進去，你自己便決定要出來了，我還以為要等到催生呢。

由於在懷孕期間控制過體重增長，加上你老媽我本來就個子細小，所以你出生時只有2.78kg和48cm身高，好像一隻小貓，我把你緊緊地抱在懷中，倍加呵護。你是我的兒子，不管如何，我最愛的仍然是你，這是不變的事實。

未成為媽媽之前，我想像不到母乳是怎樣分泌的，但原來生了孩子身體就會自行製造。聽過幾次講座，看了很多書，我知道母乳彌足珍貴，成份裡有至少一百種抗體是奶粉合成不到的。本來打算餵到放完三個月產假就轉餵奶粉，最後竟堅持餵到九個月大，期間你很少生病。

六個月大的時候，爸爸媽媽剛好有一個長假期，便帶你出外見識一下，目的地是香港迪士尼。嬰兒用品是這樣的多，整罐的奶粉，奶瓶，幾套衣服，半包尿片，濕紙巾。。等等，即使是兩日一夜的短短旅程，也要拖喼前往，帶小嬰孩出門一點也不容易。我們開玩笑把你放進喼內，你非但不害怕還開心大笑，真是未出發先興奮。

離開之前我們在紀念品店選了一隻米奇公仔，作為你的安撫玩具。自此你就把它當作好兄弟。日間經常欺負它，又咬它又揪它尾巴，所謂不打不相識，不過一到晚上，就糖痴豆地擁它入眠。

十二月對我是討喜的月份，因為可以穿大衣，戴頸巾，喝熱乎乎的棉花糖朱古力，從外邊的寒冷感受到另一邊的溫暖，還有五光十色的燈飾，令我感到生活充滿繽紛。以前我很渴望可以帶自己的孩子參加公司的聖誕party，就像其他同事一樣。可惜好不容易盼到了，誰知你這樣怕生，加上扭眼計，全場喊聲未停過，讓我十分尷尬。而幸好怕生這回事是階段性的，現在你又不怕了。往後的聖誕party我依然盼望帶你前往，如果不用輪班的話。

常聽人說：生個孩子傻三年。沒錯，這是一個可怕的事實。記性開始變得很差，思考也不靈活。這是因為要照顧一個孩子實在太累，身體的每個細胞都會疲倦。每當想用腦的時候，大腦又會block斷你的思路，叫你好好休息，不要想太多。其實這是身體啟動了自我保護機制，減低了抑鬱症發作的可能，也是一件好事。隨著孩子逐漸長大，可放手交由他人照顧，這方面也慢慢地恢復過來了。

相對於慢慢地，時間就是飛快地逝去。這一年間經歷了太多事，有些像在昨天才發生似的。時光好像一列舊式蒸汽火車，我看著它在眼前駛過，直至消失，耳邊仍猶聽到那隆隆聲響，驅之不散。有時好想你快點長大，有時又不捨得你長大。

處於分離焦慮期的你，每次見到我關上門便急得哇哇大哭，甚至哭得肝腸寸斷。你真的有這麼牽掛我嗎？也許這一刻我在你心目中，是100%所有的意義，不過你很快就會返學，有自己的同學，朋友，圈子，或者到時是你不要我呢？？怎麼一想起來我就感到心酸的呢T.T

係咁話自己曳曳

一歲的孩兒，各方面都在極速地發展。很多時，來不及記錄你就長大了。

Sick leave左幾日，blog也隨之停頓。適逢今日好左少少，趕快update一下先:D

唔知係咪我地成日話瞕瞕曳曳，佢又跟住係咁講。出奇地，這兩個字佢發音特別神準。

同大家分享兩段片。

第一段：瞕瞕話曳曳、打打、嘻嘻、哈哈

第二段：一路話自己曳曳，一路紮紮跳，襯到絕

失落，仔仔沒有抽奬運

昨夜凌晨母親會聖約翰托兒所官網流出了一份名單，長長的五版紙，都沒有瞕瞕的名字，連後備都沒有，好唔開心睇左好多次好多次。。。先接受到這個事實。

這間托兒所就在我們住所附近，只相隔了一條街一個路口，聲譽數一數二，而且在有政府資助的情況下，收費並不貴。每天經過都看見家長從遠遠近近，牽著小朋友的手來送他們上學，心裡非常羨慕。可惜這個美麗的幻想已被抽籤結果徹底粉碎了，今次真的很傷心。

誇張點來說，現時每十個小朋友去爭一個學位，所謂一托難求，但有些家長卻一個人同時抽到幾間，使我仍相信有運氣的存在。

如果可以用我個名去抽，一定好得多，因為我都幾有抽奬運。由細到大我被抽中的次數多到數不清，甚至會想點解成日都抽中我既？

CTM電訊公司首階段開始提供寬頻服務，全澳門客戶有十個名額免費試用，咁都抽中。

暑期活動有二千幾人報名，我竟然中簽，仲排20，想報乜任我揀。

報名澳門日報優異生旅行團，屆屈都抽到，所以我有機會去過中國好多唔同省份遊覽。

填字比賽，問答比賽，不但抽到仲要係頭奬，3000元現今，但我只入左一份表。

聖誕Party，公司春茗總是上台攞奬。

公積金問卷調查，成個局只抽一人都揀中我。

Starbucks，結帳時會抽出當天幸運兒，免費獲飲一杯咖啡，名額一天一個。咁都中過兩杯，但我又不是經常幫襯。

慣左，所以我一直對抽簽抽奬無乜感覺，但阿仔真係毫無抽奬運。

週歲抓周。隨遇而安

寫在前面： 唯望孩兒愚且魯，無災無難到公卿。

抓周，英文為Draw lots，從魏晉南北朝起，在民間流傳已久的習俗。它是男兒滿周歲時舉行的一種預測前途和性情的儀式，是第一個農曆生日紀念日的慶祝方式。它與出生報喜，滿月酒，百日宴等一樣，都屬於傳統的出生成長禮儀。其核心是對生命延續，順利的祝愿，並具有家庭遊戲性質，由大人將小孩抱來，令其端坐，不予任何誘導，任其挑選，視其先抓何物，後抓何物，以此來測卜其志趣，前途和將要從事的職業。（摘自維基百科）

農曆五月初四，我下班後趕回家為瞕瞕進行抓周儀式。幸運地，時間並不算太晚，只是下午四時許。正正適合我用自由光拍攝。我在大床上舖上米白色毛氈作為攝影背景，因為柔和的顏色可以抓取更多自然光。

點知瞕瞕竟然害怕毛氈上的粒粒，佢用手指試探督下d粒粒，就馬上縮手，然後青晒塊面，皺眉，扁咀，最後哇哇大哭，仲走佬。

雖然生日是不應該喊的，但我仍盡情紀錄這些分分秒秒，因為我實在喜歡你的每一個表情。

呢隻傻豬乜都驚一餐，我唯有抱住佢一齊坐在毛氈上，用手掃下拍下，話其實好舒服唔駛驚架，氹左好耐佢終於肯放下設防，使我的攝影任務得以繼續-___-...

運下功先，哈哈。

老公提議我將十件抓周物品一字型排開，好讓瞕瞕觀察得清楚，提高這個遊戲的公平性。瞕瞕似乎很感興趣，蓄勢待發。好，ready，go!

睇定d先。。。瞕瞕左望右望，心大心細，諗緊究竟攞邊件好呢？？比想像中好好玩，仔仔真係觀察過一輪先，佢唔係隨便攞一件架。

老公真心很了解個仔，佢話覺得佢會攞足球，瞕瞕諗左一陣，結果真的決定要個足球。

朋友話bb都鍾意圓形，所以多數揀波波。唔係囉，我幾個朋友的bb都不約而同地揀左枝筆，代表有藝術天份。

除左足球，瞕瞕都對個錢包幾有興趣，摸完又摸。阿嫲笑佢發錢寒$.$

 

其實我原先準備左個篩既，既然有喺度就物盡其用啦。於是我們將抓周物件整齊地放在篩上，讓瞕瞕玩多一次，也可以影多幾張相嘛。

黑板（教師），博士帽（學者），足球（運動員），咪（主持人），槌(法官律師），放大鏡(科研），算盤（會計財務），筆（作家記者），警車（紀律部隊），錢包（商人老闆)

出乎我們意料，瞕瞕並非直接從篩上抓取物件，而是一揚手就將篩打翻，小物件跌晒出黎，足球隨之滾呀滾，吸引了瞕瞕的視線，所以佢又再一次抓起足球^^＂

可能你真的有運動細胞呢。

第二次結果同第一次完全一模一樣，瞕瞕也對錢包感興趣，甚至愛不釋手。冥冥中好似有d預示咁。

另一個朋友估佢會抓架車車，連我也是這樣想的。其實我們曾經塞過枝筆俾佢，佢直頭反手撥開唔要，可想而知-__-...

老公驚穿著涼爽的瞕瞕會著涼，全程都緊閉門窗進行。玩左個幾鐘，我身水身汗，盡興完成任務。