男女有別的playgroup

因為一心送瞕瞕入托兒所，所以沒有再搜尋其他playgroup的資料。不過咁啱在Facebook收到邀請，人地會所試搞一個類似playgroup的活動，時間在瞕瞕入托前，我想以後會參加托兒所以外活動的機會其實不多，不仿趁機帶佢見識一下，於是便跟一位新相識的媽媽一齊報左名。

到場後人齊先發覺，20pairs家長bb裡面，只有我和那位媽媽的是男仔，其他都是女仔。很快地，我們就知道即使在這個年紀，男女也是有極大分別。

第一round是warm-up, 在playmat上放了一些軟積木和少少玩具。開始時瞕瞕都唔係幾吼，他更感興趣的是，不斷地周圍爬來爬去。當他摸熟了新環境後，才停下來開始把玩這些玩具。

叫到名字時，瞕瞕識舉手話到，表現醒目。

第二round Miss安排家長和bb一起坐在playmat上，播英文兒歌讓我們跟著裡面的人物做動作，例如：點頭，拍手。這時候問題來了，瞕瞕根本坐不定，佢唔要坐定，佢要爬出playmat去搵第二d野玩，另一個男仔的情況都係咁，而且佢已經識行，佢要自己行來行去，有幾遠行幾遠。

反觀其他女仔bb，不管她們是不是真的懂VCD的內容，即使惘然也好，混沌也好，但她們就是乖乖地坐定在父母身邊。

之前睇過本書，話男仔肌肉比較發達，紅血球也多30%, 因此好動是正常的，但男女bb行為之間的巨大分別，我還是頭一回親眼親眼目睹。我嘗試過將瞕瞕拉返playmat度坐低，佢馬上大哭大鬧，驚動了Miss，叫我唔好迫佢。我仲以為瞕瞕的心情不好，但佢逃離加鎖，爬開幾步後，竟向我露出了個頑皮的微笑，好像奸計得逞似的。

第三round是接觸小動物時間，Miss拿了一疊卡片給我們，有貓，狗，鱷魚，鴨仔等，上面有些特殊材質，如仿貓毛，鱷魚皮可以俾bb摸下。我又留意到，女仔的動作溫柔很多，那個小男孩好大力咁弄皺了一張卡片。瞕瞕又點？估佢唔到。。。佢係咁用張卡片遮住自己塊臉，博我見佢唔到，同我玩躲貓貓。

第四round, 茶點時間，散場。

是次活動給我的啟示，男仔女仔真係唔同教法，考k1男仔可能遜色少少。

PS. 單拖好難影到相，是以我拍了一段短片，有興趣可以入下面連結睇：

http://magis.to/OywnBFsBRwIsIX0EDmEwCXt9

過香港渡假

由於天氣不穩定（驚打風，驚有雷暴雨），所以出發前三日先決定真係會去，反正酒店價錢沒差。

對上一次帶瞕瞕去香港，是他六個月大的時候，而家一歲兩個月了，事隔半年，那時仲餵緊人奶，怎麼距離好像變得很遙遠，已追憶不到了。。。

瞕瞕愈大愈頑皮，不再像之前是一隻懵豬仔。坐船無一刻安靜下來，佢對新環境感到非常好奇，一時拿椅背本雜誌出黎睇，一時要掀開椅子上的毛巾，一時解自己的鞋帶，一時搶我部手機，一時拍打佢老豆塊面，拍返醒佢，哈哈。

搭船明明係一件令人昏昏欲睡的事，真係唔明點解佢可以毫無睡意架-___-

我們的目的地在大嶼山，在上環落船後，還要再從3號碼頭搭另一隻船去愉景灣碼頭。呢隻船闊落好多，大部份乖客都係外國人，坐得好舒服，瞕瞕繼續發揮佢搞搞震的本色。

到步了，可幸天氣不錯。此時還要再等酒店的shuttle bus, 我地周圍行下睇下。雖然此行在交通方面耗時甚久，不過卻有機會讓瞕瞕可以見識到不同的交通工具，我同老公仲想k1前帶佢搭一次飛機添呀！

等check-in時終於訓著。

個海景view勁得！前方無遮無檔，我還看到遠處有舊雲黑左，而我們近處的雲層卻是白色的。不一會那舊黑雲模糊起來，原來它正在分解，即係落緊雨，然後雲層逐漸迫近我們這邊，也下起雨來了。很有趣呀！我都係第一次咁清楚見到個天空這邊下一陣雨，那邊下一陣雨，不過這是個好現象，代表過雲雨，而非惡劣天氣。

我倆久違了的自拍照。

間酒店包埋遊樂場戈d，我覺得好好彩，帶親瞕瞕去邊度都無乜人，好似包場咁，玩玩下見到停左雨出返太陽。窗外陽光咁燦爛，不容浪費，因此我地只是在遊樂場陪瞕瞕玩左一陣，便轉移陣地去游水了。今次瞕瞕有件超人泳衣，回頭率100%。 

佢依舊一點兒也不怕水，這回還學識了蛙泳。

興奮過後，瞕瞕變左朱古力瞕，如果連防晒都無搽，佢更可能變做bb包青天。

 

游完水帶瞕瞕返房沖涼，這個夢幻的全海景浴室真係無得頂，瞕瞕仲好知性地擺左個嘆世界既post俾我影。

等到大家都梳洗完畢，已是晚餐時刻，我們book左酒店週日的BBQ dinner buffet. 餐廳的情調不錯，向海那面全是落地玻璃，享受了天空從日落的magic hour變成浪漫黑夜。

我在澳門也經常吃自助餐，對供應的食物沒有很深刻印象，反倒是有一道甜品吸引了我的注意，好靚又好食。

酒店提供的bb床是網床，很方便我做緊野時放隻魔b入去，難得瞕瞕又肯留在裡面，佢仲當左係自己張床咁訓。

第二天行程則沒有太特別，畢竟我們的主題是HEA。我們悠閒地享用了早餐後，在酒店附近散步和落腳架影全家幅。全程我們都沒有進入鬧市，卻又真的到過香港，也蠻特別和難忘的。

其實你更像誰？

小小工程師

我返緊輪班的工作，星期一是我的例假，而今個星期一有d特別，因為這是瞕瞕入托前，我最後一次放假單獨陪佢。

我內心掙扎了一日一夜，在臨出發前最後一分鐘，決定單拖佢去科學館（我一直好想帶佢去一個好玩，佢又從未去過的地方），但顧慮包括雷暴雨天氣；抱住佢搭巴士超過二十個站，佢係未識行的；如何錯開佢食飯和午睡時間。

一如我所料，這天非公眾假期，大人要返工，小朋友要返學，所以我同瞕瞕好似包左場咁，15蚊，真係抵，哈哈。

我地第一個探訪的場館是「兒童樂園區」，是一個模擬工地（我覺得有d似煤礦，黑沉沉的。內進要戴頭盔，著sharp顏色既制服，裡面有路軌，通訊亭，吊臂。。。etc，仿真度都幾高。

其實氣氛有些少尷尬，工作人員望住瞕瞕，狐疑的神情似在問：你咁細個，識玩d乜呀？

 

唔理佢啦，一場來到就梗係要玩轉佢，係咪先？雖然瞕瞕的確未識，不過我認為只要有媽咪陪住佢，玩乜都係咁開心的。

第一件事，瞕瞕好有主見咁揀左頂帽同件衫，著起上黎似模似樣喎。然後我讓他搬搬磚頭，推推鏟車，勞動勞動，感受下社會生活。

 

印象中科學館有個地方係玩水的，開頭瞕瞕唔敢掂，但我捉住佢隻手玩幾下就愛上左。事實上呢一part係比學生學習水的浮力和動力之類的原理，瞕瞕當然唔會識啦，佢只係知道追住水裡的波波。Oh no...結果玩到件外套濕到上手臂，好在冷氣不太凍，便將它脫了下來。

 

發現了一個很特別的舞台，其觀眾席是由很多個行李箱組成的，瞕瞕東摸西摸，可能佢想解鎖。

 

此行真的沒有白費。科學館還擁有一個全澳門最漂亮的麥當勞，坐向無敵大海景之餘，就連它的遊樂場也是最漂亮的。

 

經我在Facebook分享了科學館奇遇之旅後，很多人都問我，點樣自己一個人帶住咁細個小朋友去玩？帶佢去唔難呀，最難係帶佢走。離開之際我費盡九牛二虎之力，安撫了瞕瞕很久先平復返佢既情緒。