網頁

2012年9月23日 星期日

害怕頭暈感覺


昨天剛踏入第七週，又是時候上來寫點東西了。


以前常常看人家的懷孕日誌，都會想，為甚麼只是一週一週的紀錄，這麼興奮的時刻，應該每天都記下來呀！


但原來真的不是這樣。。。


這一週開始，很明顯地冇晒心機，因為時常會感到頭暈，然後一陣輕微的乾嘔，通常這種情況發生在家裡，我會馬上躺下來休息，平衡一下腦中那種旋轉。但如果返緊工就幾辛苦了，事關我們的前線工作，必須很耐心地聆聽客人的問話。我已經通過私人電郵知會了主管，讓她在接下來的輪值工作上作出相應安排。


睡眠佔了我一天中的很多時間，舉例若我返9am-3:45pm，在4:30pm返到屋企便開始訓，訓到6pm左右吃家人為我準備的晚餐，然後沖涼，看少少書和上少少網，9pm又要上床睡覺，一直睡至翌日的7am起身準備返工。這樣算一算每天最少訓左10個鐘呀。從來冇諗過自己可以每日都訓咁多的＝＝


另一樣令人不安既野就係冇晒胃口，唔係單單口味轉變咁簡單，而係幾乎咩都食唔落。從知道懷孕之後每日的一奶一蛋，到而家。。。聞到，甚至諗到就想嘔，食一啖嘔一啖咁滯。所以我叫老公暫緩煮蛋俾我食，我唔想真係嘔出來冇晒d營養。


好多野我以為想食，但送到埋口先知完全無法入口，就算咬左一啖都會馬上吐返出黎，就好似尋日粒牛肉丸咁，突然間覺得陣味好得人驚，嗚嗚><。同時我無意中發現對甜野幾有興趣，甜野較少令我反胃，前日老公過香港探佢舊老細，回程時在地鐵站買了一包切片的朱古力布朗尼給我做手信，我帶左返公司請同事食，佢地反映超甜超漏，聽佢地咁講開頭我都唔掂，後來食左一塊就差唔多俾我食晒。


咁鍾意食甜野，幾甜都唔怕，唔知係咪會生個女呢？^^"
  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2012-09-24 12:34:01
一開始真係超攰呀, 返工冇辦法, 星期六日我可以訓足一日, 淨係食飯先起身. 不過你份工都幾好, 返七小時 only. 唔好食太多甜野啦, 真係冇益的, 乜都盡量食少少, 但唔好勉強, 反正頭三個月原來 bb 係食自己的, 唔係靠我地供給營養 (即係你諗下雞蛋咁, 佢而家食食緊自己 d 蛋黃, 三個月後先係靠我地)
[版主回覆09/25/2012 10:12:25]睇左好多資料, 都知道頭暈同想嘔都係正常的, 原因是母體內分泌了大量黃體素, 有助於穩定胎兒. 前幾日我都仲好精神同好好胃口, 真係一踏入第六週, 就成個人變晒, 不得不概嘆生命的奧妙! 頭三個月唔想食野, 因為bb可以"食自己", 而驚媽咪亂咁食錯野, 所以先啟動呢個自我保護機制. 而家唯有飲d奶, 食d粥, 蔬菜鮮果咁, 一諗到bb有在成長, 我就心感安慰的了~
[版主回覆09/25/2012 10:07:26]真實黎講, 係返6小時only至啱, 因為中間1個鐘食飯唔計. 不過我份工一星期返6日的, 而且冇得放星期六, 日. 我自己就幾鐘意咁返法...遲d生左小朋友仲可以扣多1個鐘, 即每日返5個鐘咋, 為期一年. 但要醫生證明"母乳餵哺"至得, 所以我點都會試下餵母乳先, 因為對bb都好, 而且多d時間在家陪bb




  • 留言者: 檸檬BB女
  • Email: joyce81580@yahoo.com.hk
  • 網址:
  • 日期: 2012-09-24 10:28:06
生女好呀~ 似媽媽~ 又靚又可愛!
努力啊! 支持你!
[版主回覆09/24/2012 10:39:18]係真既? haha, 我都唔知哦. 我妹妹兩次都以為生囡架, 點知都係囝囝呢




  • 留言者: 傻婷
  • Email: g_annali@yahoo.com.hk
  • 網址:
  • 日期: 2012-09-24 09:58:01
休息多D....應該過左頭3個月..就會好好多架喇!!!!
[版主回覆09/24/2012 10:19:39]謝謝關心, 我而家真係盼望時間可以過得快d, 返工時真係望住隻錶一分一分咁過架...
張貼者： 於 沒有留言:
標籤：

2012年9月17日 星期一

照顧


我覺得要守著這個秘密並不難，只不過有時在行動上的改變，令我好想暗示俾對方知道：其實我係有d野。。。


以前的我，個心都幾向外，所以好多時朋友之間的活動都預埋我，而家成日要諗點樣婉轉地推托。


至少海鮮唔食得，酒唔飲得，重野唔拎得(單反相機，腳架戈d)，夜街唔去得 (因為一去就好夜先有得走)，旅行唔約得(等人地plan好晒先放飛機我做唔出)，真係乖乖地留在屋企穩陣d。


貼幾張相懷念下昔日既生活先，我諗有一段長時間都享受唔到lu。



















屋企人方面差唔多知道晒，根本佢地一直都會問，事關我同老公係整個家族唯一結左婚而未生小朋友既，其他小朋友平均一，兩歲左右，佢地都好期待我地生返個一齊成長。


奶奶同老公比想像中照顧我多好多，懷孕前後都有我至鍾意的花膠湯同車厘子，有一個做廚師而又超鍾意小朋友的老公，我真的很幸運，要感恩。






公司度我想遲少少先講，反正目前的身體狀況不會困擾到工作，到左第六週仍沒有不適，爭左d實在感，好想快d到第十週，預約左檢查呀。









  • 留言者: Winnie
  • Email: winjoetsai@yahoo.com.hk
  • 網址:
  • 日期: 2012-09-19 11:50:50
加油! 好好享受陀BB生活! 因為佢一出世你就會忙到不得了!




  • 留言者: 檸檬BB女
  • Email: joyce81580@yahoo.com.hk
  • 網址:
  • 日期: 2012-09-18 12:21:09
老公鐘意小朋友~ 真係會好幸福呢~
好好enjoy有BB既日子~
因為呢段時間係唯一真正同BB心連心既時刻!
BB出世之後就會好忙喇~
為咗BB~ 努力呀!
[版主回覆09/18/2012 12:25:30]我都好想快d feel到bb存在呀, 等緊19/10去衛生中心...
你都快d追返個啦, 我知大隻B都好鍾意小朋友ga^^




  • 留言者: 傻婷
  • Email: g_annali@yahoo.com.hk
  • 網址:
  • 日期: 2012-09-18 12:16:34
乖乖享受呢個階段...應該比起過往的生活更加新鮮和有趣的! 加油! 別忘繼續更新BLOG..
[版主回覆09/18/2012 12:22:11]謝謝! 有人咁快睇到, 仲留言比我, 真係好意外, 感動ing~!! 有你既支持我會比更多心機寫!!!
張貼者： 於 沒有留言:
標籤：

2012年9月13日 星期四

生命．．．由兩條紅線開始

原來，藥房賣到的驗孕棒比醫院的方法早知，淘寶賣到的早早孕試紙又比驗孕棒早知，回想起最初見到早早孕試紙上的那個淺印，心中只是半信半疑，現在，我真的相信，生命是由兩條紅線開始。


謝謝大家對我的關心，你們的疑問，其實也是我自己的疑慮，我非要看到醫生親手出的Positive的報告不可，所以最終我還是抽空在另一間私人化驗所，做返同一個試驗，為求得到一個令我甘心的答案。




老公很搞笑，當排卵過後的第六、七天時間，我告訴他：如果我們真的擁有這個bb，在這段時間應該著床了。


點知老公答我：係咪即係bb要訓教教呀？咁我地唔好嘈住佢啦。


哈哈，一聽到個"床"字，他便聯想到睡覺。


由於懷孕週數是以末次月經首日計算的 (雖然當時小生命尚未形成，但科學計算方法的確如此)，現時我的孕期已經踏入第五週了。除了肚仔偶爾有M come feel，和胸部漲痛之外，暫時還沒有其他別人說的恐佈感覺，touch wood。而M come feel和胸痛都是正常的，前者代表子宮開始擴張，後者代表乳腺發育，為哺乳作出準備。


數數日子仲有兩月個守著這個秘密，所有心情都寫在這裡了。


ps. 不寫下來是會忘記的







  • 留言者: Ruby_Kube
  • Email: paupau_bebe@yahoo.com.hk
  • 網址:
  • 日期: 2012-09-25 15:36:07
恭喜你呀




  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2012-09-15 11:36:54
大家一齊努力！
[版主回覆09/17/2012 08:43:43]sure!




  • 留言者: Snow
  • Email: suki_hkhk2005@yahoo.com.hk
  • 網址:
  • 日期: 2012-09-13 22:30:56
我地好願意聽你分享架, 加油!
[版主回覆09/17/2012 08:43:33]好丫, 得閒寫多d




  • 留言者: Shelley
  • Email: goldentabby2005@yahoo.com.hk
  • 網址:
  • 日期: 2012-09-13 20:11:27
恭喜你呀, 一計劃就有, 努力...!
[版主回覆09/17/2012 08:43:24]多謝, 你地都比心機加油呀!^^




  • 留言者: 傻婷
  • Email: g_annali@yahoo.com.hk
  • 網址:
  • 日期: 2012-09-13 17:01:37
YO!!!!!!!!! .........繼續努力!!!!!
[版主回覆09/13/2012 17:17:04]多謝你一直都咁關注我呀！
張貼者： 於 沒有留言:
標籤：

2012年9月11日 星期二

報告．．．就是未有報告？！


說好了星期一出既blog呢？因為同一日裡面太多野做冇時間寫，所以而家先補返。


當日八點鐘我上鏡湖醫院check，我以為仲好早，但已有十三個人掛左號。等等等．．．十點幾先輪到我見醫生，姑娘叫我留小便等化驗，又等等等，等多半個鐘先見返頭先個醫生。


點知醫生同我講，話驗孕棒另一條線好淺色，淺色到接近睇唔到，唔可以出陽性報告俾我喎。原因係可能時間尚早，著我兩個星期之後再返去驗過。


其實仲有另一個原因就係，等睇醫生的兩個鐘之間，我尿尿左五次，又飲左d水，沖淡左個結果呱。


就是這樣，我帶著一絲疑惑，一點擔心的心情離開了鏡湖醫院。在回程途中，我用手機查下附近邊間診所可以做同樣化驗，無意中睇到討論區有一主題關於"鏡湖醫院驗唔到孕"，詳情在這裡：


http://forum.cyberctm.com/forum/forum.php?mod=viewthread&tid=303121


真的想不到會這樣。但當我渣車去到工人醫療所時，卻發現中午休息，摸門釘。另一間澳門x光室也要下午才開門。


唔知點咁，我只是傻傻地買左條靚仔驗孕棒，回家自己驗。雖然另一條線真係比較淺色，但結果尚算明顯丫。


而且老公之前亦買左條可以顯示懷孕周數的電子驗孕棒給我(差唔多要一百蚊)。結果清晰地顯示週數已在3+week以上。OH。



最後我仍前往塔石衛生中心預約，原來佢地根本唔需要出示任何懷孕證明的，只要你經過自行驗孕便可。d工作人員都幾nice，幫我約左10月19日做第一次講座，屆時會被分配跟進的醫生和具體檢查時間。算一算，到時都10week了，還來得及做他們的檢查，便放心了。


只是這段日子便即將開始接近一百天的守秘生涯，身邊暫時得好少好少人知道，不過我仍會在網上繼續分享，因為我認為學習和跟別人交流意見是非常重要的。
  • 留言者: 小鄧子
  • Email: moodytang811@yahoo.com.hk
  • 網址:
  • 日期: 2012-09-13 07:18:05
生生不息.代代相傳
[版主回覆09/13/2012 16:04:19]




  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2012-09-12 22:43:32
好複雜，咁係咪即係得左？
[小小媽媽回覆09/13/2012 17:58:43]
[版主回覆09/13/2012 16:04:27]




  • 留言者: Carissa mama
  • Email: lau.carissa@yahoo.com.hk
  • 網址:
  • 日期: 2012-09-12 20:27:45
恭喜，恭喜。替你高興！
[版主回覆09/13/2012 16:04:14]




  • 留言者: Snow
  • Email: suki_hkhk2005@yahoo.com.hk
  • 網址:
  • 日期: 2012-09-12 10:46:20
替你開心, 加油呀!
[版主回覆09/13/2012 16:04:09]




  • 留言者: 傻婷
  • Email: g_annali@yahoo.com.hk
  • 網址:
  • 日期: 2012-09-12 09:20:44

[版主回覆09/13/2012 16:04:06]
張貼者： 於 沒有留言:
標籤：

2012年9月6日 星期四

加深

昨日是老公在酒店工作的最後一天，同事寫左封信俾佢，佢又俾左我睇，我節錄左幾段。。。







乜佢d同事淨係寫埋晒d衰野ga，haha


不過都睇得出大家都幾唔捨得佢既，但所謂天下無不散之延席，人生發展總會各有路向。為左將來理想的生活，老公都努力地考左份政府工，希望會有更多時間共同照顧家庭。


其實我的週期只有26天，正常應該9月5日M come，今日剛好等足28天，唔通呢位好親戚真的不來探望我了？而我又發現，兩隻牌子的早早孕試紙同時加深左。秀兒由weak weak positive變成weak positive，大衛也由水印變成weak weak positive。妹妹話，這回事真的跟顏色深淺沒有關係的，總之有就係有，咁又係，試紙說明書都話有線已經係positive，建議每天持續測試，直至兩條線變成同樣深色。




我已經同老公講左，老公一時又在youtube開d胎教音樂我聽，一時又坐在沙發上喃喃自語，話屋企多一個人嘞。。。

係咪好傻呢？

不過我呢幾日都返10am-7pm呀，最快都要等到星期一放假先有時間正式去醫院check。

即係話，我星期一會返黎寫blog報告的了，謝謝路過留言俾我既blog友仔。

  • 留言者: 小鄧子
  • Email: moodytang811@yahoo.com.hk
  • 網址:
  • 日期: 2012-09-13 07:26:08
生兒育女是女性大欲,二八經期至,直覺覓愛郎,愛郎濃轉淡,母愛大如天.




  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2012-09-07 14:50:53
你老公有D野喎.... 諗太多喇 hahahahahah , 佢會唔會連大肚衫都未買就買定 bb 床?




  • 留言者: 傻婷
  • Email: g_annali@yahoo.com.hk
  • 網址:
  • 日期: 2012-09-07 12:39:04
good! 加油!
張貼者： 於 沒有留言:
標籤：

2012年9月3日 星期一

唔知有無機會呢．．．

紅d除了用來預測排卵，聽講仲可以用來偷步驗孕。


(當然醫生係唔建議咁做的，畢竟HCG同LH係兩樣唔同既野黎。不過如果你仲有好多紅d，加上心急的話都可以試下)


*方法是在預計排卵日之後的第十天，而且有人為努力過的情況下，用紅d測試會否好似排卵前後咁，變返兩條線。


嗯，我就係無無聊聊地等到第十日，用左幾條紅d，竟然真係見到有兩條線。


於是我又補左條綠d，發覺出現少少水印。


我請教左同事，她說還是留待月經遲到了一個星期再算吧，現在這些根本不能作準，更何況是大陸牌子。


咁又係，事實紅d positive + 綠d水印都只能作為一個hints，而非結論。


但我去探妹妹時，她卻持相反意見，她提議我快d落去屋企樓下間醫院check，抽血便即時知有無。


我覺得又唔駛咁緊張既，亦都驚比醫生笑我好傻，我點都會等到period過左先正式地買條靚仔驗孕棒。心裡十五十六，因為我自己感到有少少谷M感覺。或者過一，兩日M come就真。






ps. 附圖實為另一個牌子的"秀兒"，上邊戈條係排卵，下邊戈條係驗孕，原理同大衛差不多，但就比較敏感，影相亦都易睇d。
  • 留言者: Shelley
  • Email: goldentabby2005@yahoo.com.hk
  • 網址:
  • 日期: 2012-09-08 18:31:13
有好消息咁喎..小秘密好野!




  • 留言者: Mrs Fung
  • Email: camyckm@yahoo.com.hk
  • 網址:
  • 日期: 2012-09-06 17:22:57
期待你有小秘密!!!!
[版主回覆09/06/2012 17:49:42]謝謝你！原來守秘密真的好難




  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2012-09-06 12:22:27
其實你平時 period 準唔準? 買支有牌子o既捧, 係有可能o係受精後幾日就驗到的. 不過始終唔好一開始就抱太大期望, 唔係棧自己(or老公)希望越大失望越大. (睇得出佢好想要)

我等到遲左成兩個禮拜先用捧驗, 我當時係諗 "遲咁Q 耐, 唔係唔中呀?"
我覺得等埋M come date 先 check 啦, 你太緊張, 都會遲的

希望你得到你想要o既消息啦 ^^
[版主回覆09/06/2012 17:47:45]謝謝你的留言呀，我會調整好心態的了。
我平時月經都好準時既，黎緊星期一放假，如果情況仍是這樣（見早早孕試紙有線），就會正式去醫院驗孕。不過到時月經亦只算遲左4日，唔知HCG值夠高比醫生驗到未呢？




  • 留言者: Snow
  • Email: suki_hkhk2005@yahoo.com.hk
  • 網址:
  • 日期: 2012-09-05 12:04:46
好大機會有呀, 不過都要平常心, 如果無都唔駛失望
[版主回覆09/06/2012 17:48:35]對呀，我地都要加油努力呢！




  • 留言者: 傻婷
  • Email: g_annali@yahoo.com.hk
  • 網址:
  • 日期: 2012-09-04 14:40:53
驗孕都有線..好大機會!!!! 快D用枝貴野驗下啦!
[版主回覆09/05/2012 07:23:06]試左啦, 但暫時真係未有野. 我同事堅持話市售的驗孕棒都是在period過後一週先睇到的, 佢戈時都係咁喎. 而家仲有兩日就M come la, ...好緊張le!
張貼者： 於 沒有留言:
標籤：

2012年8月27日 星期一

無底。。。

近日來，接二連三地見證了新生命誕生的喜悅，身邊的個案仿似不斷地提醒自已，是時候步入人生另一階段的準備。


好好朋友的老婆(當然我也認識)，在昨天清晨見紅和開始感受到陣痛而自行入院，但院方認為為時尚早，要"好痛好痛，痛到標冷汗程度"先可以收院。唔知係咪因為龍年既緣故，醫院唔夠位呢？


友人於是回家繼續在床上典來典去。。。


到左今朝同一時間，在痛得大汗淋漓的情況之下，終於比佢住院了。如此往返已有五次，幸而澳門僅有的兩家醫院之一，就在距離他們家大概十分鐘路程的位置。


只是這一刻，深夜十一點零八分，bb仲未係時候出世。據有經驗的人士透露，第一胎這樣是很正常的。


我地一直待在電腦前面，為佢打氣加油，bb既爸爸更加係等等等。。。而在這個相當漫長的等待過程中，頓覺思潮泉湧，幾乎將有生以來全部關聯的事情思考了一遍。


我在想，從出生到現在，雖然不是所有事情都能夠掌握其結果，但至少每件事情都會有個底。比如說，考試前我溫習了幾多，作答時發揮如何，派卷之前我會心裡有數；或者我遇見了一個男孩，從大家相處的態度，也會預見將來的發展；及至參加完一場應聘會，從剛才的表現，也可窺見獲得這份工作的機會。。。等等


但似乎只有一件事情，在未準確得到答案之前，無法預知它的變化。。。該怎麼形容？即使和老公在排卵期間有努力過，而最快得偷看到結果也至少在十日後，那麼，這些中間的日子裡，卻是完全不知道，也感受不到接下來的發展的，直至揭盎日。


這一種感覺很奇怪，有悖於以往憑經驗，憑感覺去推測下一步的經歷。簡單地講，即係做左都唔知有冇架。


我從來未試過這樣的，我亦首次地悟出了一樣東西：緣。對於一些無法掌握的事情，只能用緣這個字去解釋。


深信孩子的出現，是靠父母親之間的緣分去創造的。
  • 留言者: Snow
  • Email: suki_hkhk2005@yahoo.com.hk
  • 網址:
  • 日期: 2012-09-03 11:13:38
真係無錯, 呢樣真係唔到我地去諗去估, 全靠緣份, 希望大家都快d等到呢種緣份啦!
張貼者： 於 沒有留言:
標籤：
訂閱： 文章 (Atom)