名字緣起

話說在細佬個bb差不多出世的日子，他向我展示了幾個用來改名既iphone apps，仲話我遲d都可以用。


個apps原理係輸入姓氏，選擇男仔定女仔，單字或雙字，然後就隨機俾一堆名出黎。

我地都有試下，點知第一個名係：


黎壐蒲

驟眼看個名都幾儒雅，但廣東話的讀音好似”離晒譜”，老公話如果幫bb改呢個名，第時會嬲死我地。我估都係囉。


第二個名係：黎伊道

好似叫人黎e度黎戈度咁，哈哈，爭d笑死我地。我覺得個apps明顯唔適合用來改廣東話讀音既名，純粹娛樂。


不過說回正經，我心目中也已經想好了一個名字。其實名字是父母送給孩子的第一份禮物，真的需要花些心思。老公都認同改名好重要，尤其係男仔，因為佢深信名字會影響一個人的性格，將來與成就。佢話如果生仔，佢會不惜重金搵高人改個吉利既名，如果生女，就交俾我啦。佢既傳統想法係女仔唔駛太叻，驚佢變盛女。


這是一個未知的謎，如果真的生女，叫做黎憬憧(憧讀音聰，not童)，憧憬，就是未來的意思，憬憧，倒過來讀順口和好聽一點，這是媽媽為你改的名字。