28w6d：好多野學。。。

早已聽說山頂醫院有一些產前講座，可以在所屬的衛生中心報名，但因查詢當時未滿28週，所以白行了一趟。現在一等到28週，就馬上報左三個，分別為分娩之呼吸技巧、成功餵哺母乳、分娩的認識。

3月2日上第一個，約定老公一齊去。


但老公話政府既免費野，慢慢黎就得。結果差d遲到，比佢激si。


從講座了解到，呼吸法的目的是緩解陣痛的痛楚，畢竟痛楚會帶來恐懼，一些初產婦可能會因此慌亂掙札，致使換氣過度，將自己與bb陷於缺氧的危險中。而學習正確地使用呼吸法，則相對令產程順利。


宮頸開0-4度用緩慢式呼吸法（鼻深吸氣，嘴慢呼氣），4-8度用淺胸式呼吸法（嘴吸氣，嘴呼氣，連續一下一下，一分鐘50-70次），8-10度喘氣-呼氣法（4:1/2:2/1:1)，10度生得時要聽姑娘指示用力方向，胎頭娩出時則停止用力，不斷用哈氣法，避免大撕裂。


我覺得個講座幾有用，配合張小冊子的內容，整個過程就變得具體得多。加上之前看過外國的分娩實錄，留意到產婦們都有使用這個呼吸法，在我腦海中形成比了較清晰的概念。一有時間我都會練習一下，加深印象。

通常講座都係被動形式，主講者一直在講，聽眾專心在聽，但在答問環節都無乜人回應。出奇地得老公一個人回答晒姑娘抽問的問題，估唔到個傻佬都有認真聽書喎^^

---

• 留言者: kiki
• Email: kikit330@ymail.com
• 網址:
• 日期: 2013-03-17 17:50:19

hehe...我個人認為到時都痛到咩都唔記得....
我都有上過呢d班, 但到真正生果時...
我都覺得好似無咩用咁...
不過學左係好架~
[版主回覆03/24/2013 21:06:14]可能我會同你一樣，難逃開刀命運呢。。。
當我一同老公，同事講醫生話胎位不正可能要開刀，佢地都不約而同咁話我學左呼吸法都無用既= =

---

• 留言者: Mandy
• Email: mandy8355@yahoo.com.hk
• 網址:
• 日期: 2013-03-04 22:56:07

我沒有上過關於分娩時呼吸的講座，我生果陣姑娘叫我痛就出力，好快就生咗~
[版主回覆03/24/2013 21:04:48]希望我會好似你一樣，順順利利啦，我而家都未知要唔要安排開刀咋，因bb 32 weeks都無調頭迹象~