特色兔仔燈籠

你地有無睇激戰呢？呢套戲有兩個主要points吸引我，1）以boxing做劇情主龫，2）在澳門取景。

我比較有印象既一幕，在中秋夜，一群小孩提著燈籠，歡快地穿過大街小巷，背景是充滿葡萄牙殖民地色彩的建築，戈一幕係在婆仔屋拍的。

婆仔屋已有400年歷史了，而家係一個藝術創作園地，裡面既一磚一瓦都還原了當時的模樣，入內探訪就好似時光倒流四百年咁。

每年中秋節，佢地都會掛些傳統手作的兔仔燈籠出來，供人欣賞。我地在天兔登陸之前，趁天氣還好，決定帶瞕瞕睇下。

這個地方離我地屋企好近，所以直接推bb車過去就得。

沿途既夜景都幾靚。我同老公喺度影過婚紗相ga。

估唔到瞕瞕咁鍾意睇d燈籠，想擰佢塊臉過黎影下相都唔得。不過算啦，三七面又幾靚仔喎。

呢度有間葡國餐廳，叫做1601，個名用來紀念婆仔屋於1601年建成。

我同老公都黎過一次，戈時已經有左瞕瞕，但佢喺我肚入面只有一粒細胞那麼大。戈餐食左400蚊，餐劵在groupon買的，係正式西餐，係咪好抵呢？

眨下眼，咁就過左一年。瞕瞕也由一粒細胞變左一個bb, 不過泊埋爸爸度，依然好似一粒骰仔咁細。唔知你幾時先長到爸爸咁高大呢？