參加百日宴

隨著瞕瞕愈大愈懂事，我會比以前更樂意帶他出席gathering，能將他介紹給好友是一件極其開心的事。

今次帶他去一個小妹妹的百日宴，主人家是我小學+中學同窗，相識都成廿幾三十年了。

全程瞕瞕都無扭計，任抱唔嬲。平時八九點訓覺既佢，有得玩就十點幾仲龍精虎猛。。。噢，你無扭眼訓真係萬幸，比足晒面媽咪。

瞕瞕好鍾意妹妹髮帶朵花花，係咁伸手去摸，我都估唔到佢咁大膽。

席間我的小學老師都有出席，她現在做緊融合教育。她說以她的經驗，覺得瞕瞕並非有過度活躍症。相反，大家都認為瞕瞕很乖，很定。。。

由於瞕瞕不怕生，因此都幾受歡迎，個個爭住抱住，在一堆靚女中差點窒息，哈哈。