唔知係咪因為瞕瞕遲學行，識學行根本無幾耐，依然時刻渴望可以落地行，所以至今為止並沒有發生過其他家長口中的「扭抱事件」。
由我們家出發到瞕瞕就讀的托兒所，約需時二十分鐘，佢都算肯行，而且佢已經完全認得返學條路，願意拖住我隻手一齊行，但如果我放開手，佢亦會充滿信心地大踏步向前行，對沿途的一切皆感到十分好奇。
睇住佢人仔細細，孭住個大書包，感覺很滑稽。
平時帶瞕瞕返托經過這條街，佢見到人地開緊閘，會講「開門」，但今天可能是除夕休息又或者仲早，瞕瞕指住道閘話「冇開門」，佢識得組合個冇字去表達相反的意思了。
哈哈，肚B都係架，識行自己成日想自己行，加上有時響街扭抱我地唔主張抱，所以宜家行好耐都唔會扭抱架～
回覆刪除睇住瞕瞕行路個背影，感覺又大個仔啦（雖然書袋仲大個人仔咁）
瞕瞕其實都有試下行行下叫我抱，但這是因為有d野嚇親佢，例如迎面而來的一隻狗，或者被陌生人逗弄，咁我都一定會抱返起佢予以安慰，我知道佢並非係唔想行要抱，而係想向我尋求安全感。在我抱住行出十步八步放返低佢都沒有抗議。
刪除瞕瞕怕狗嗎 ? 我以為個個小朋友都唔怕啊.....
回覆刪除巨龍見到狗開心到不停指住隻狗狗、狗狗，仲想同隻狗玩......=.=""" (( BUT 我好驚狗囉......><" ))
瞕瞕平時好鍾意狗狗架，仲起勢係咁拖我追住隻狗添，又同狗狗say hello, say bye-bye, but某次迎面而來的一隻狗，遇上另一隻狗，好似冤家路窄咁，互相兇狠地吠對方，嚇到瞕瞕即刻飛奔埋我度
刪除