在晴朗的一天，出發了

有時覺得輪班工作都有某些好處。瞕瞕的學校星期六日放假，所以活動大多安排在星期一至五舉行，包括秋季郊遊，親子體能日⋯等等。正常情況下，家長都要返工，唯有請假或缺席，而我則可以事先調一個夜更，咁就咩活動都去得到。（當然，我陪仔參加完活動，還要直落返工到深夜，是有點辛苦但另作別論，不過我認為值得）


在得知學校有得去旅行之後，瞕瞕每天起床都問我是不是今天去旅行啊？我說不是，下星期才是，今天正常上課。佢就開始借d意扭⋯煩到痺，看來下次千萬別再提早太多通知佢：P


終於等到如期出發的一天，瞕瞕卻沒有期待中的興奮。首先在禮堂集合，佢見到咁多人聚在一起，即時感到侷促不安，緊繃著臉，完全擠不出絲毫笑容。只有我的孩子是這樣，開學已經兩個月，人家早已打成一片。佢大概係需要多一點時間，才能融入一個新的環境。


好不容易等到上校車，我們的目的地是黑沙水庫。車程頗漫長，沿途瞕瞕都是聚精會神地看著車窗外的風景。幸好佢唔似我，因為我會暈車，光是搭這趟車已消耗了我一半精力-___-


下車接觸到外面的清新空氣，精神為之一振，我感覺正常返。瞕瞕戴上自家的太陽眼鏡，係咁俾人讚有型，隨即佢就春風得意咁既樣。





過橋的時候，瞕瞕一點兒也不驚，仲帶頭行添。




遠足的路線比想像中長，開頭都仲有點新鮮感，但係行下行下，到處風景仍然一樣，瞕瞕開始有點兒納悶，佢自言自語咁講：「點解都唔好玩嘅？」看來，佢會對重複呈現的刺激很快地失去興趣。





好了，行完了，我地到了山下的休憩區野餐。我哋同同學仔交換了一些零食，瞕瞕得到一枝棒棒糖，這是佢第一次食糖，佢好開心好滿足。







可惜野餐的時間太短暫，只有15分鐘^ _ ^ 然後便玩集體遊戲 — 1, 2, 3木頭人，開始時瞕瞕不知所措，茫然地望著跑動的人群，而自己的腳卻像釘在地上，沒動過。情況有點詭異，人群從我地身邊急速穿過，瞕瞕竟然一動也不動。難怪老師話佢體育差。。。


在這個遊戲玩第二遍的時候，我忍不住拖著瞕瞕的手往前跑，還好佢雖非主動，但尚算肯跟我跑。玩到第三遍，第四遍，第五遍，瞕瞕小臉上終於綻放出笑容，嘻嘻哈哈地隨大顆兒跑動。我可以想像到，平時上體育課，是沒有人像我這樣引導佢，而佢又淨係識企喺度，真係會寧寧舍舍特出的。不過我又觀察到佢的運動機能應該沒問題，這孩子，非常慢熱，只是需要一些時間。