因為老公對這個pack page 感興趣，我們夾好時間後，決定在5月30日出發。
我們都想有個悠閒點的旅程，所以中午12點才坐車過去，等埋酒店2點check-in就剛剛好。
其實這天是我的生日，朝早我們在家中切蛋糕。瞕瞕第二年陪媽咪過生日，我同老公都無乜點變，唯獨是個仔長大了很多！舊年影相時佢只有十幾日大，不知世事，但而家識攪攪震，係咁督我個蛋糕。
從澳門去橫琴長隆非常之近和方便，猶如香港去深圳一樣，坐車連過關大概40分鐘。
讓我們來看看酒店環境。普通園景房，簡約之中加入了海洋元素，有熱帶魚、海星、海馬、珊瑚等作點綴。
瞕瞕好快就當左自己屋企，周圍走個不停-_-...
強烈建議去海洋王國要住返晚，反正張門票可以玩兩日，無限次進場，個樂園咁大，行到累累地又可以搭穿梭巴士返酒店休息下，路程只是5分鐘。。。最重要係住客有fast pass，完全唔駛排隊，加上酒店餐廳d野食好過樂園100倍。
雖然只是5月天，但太陽已晒到人間蒸發咁，真係好難想像7，8月點算。
入口是「海洋大街」，天花板是個巨型銀幕，有光、影、音、動畫，播放緊海洋主題影片。瞕瞕非常之入迷，不管個角度點轉，佢都𥄫實頭頂個芒，證明幾有吸引力。
跟住我地第一個去既館係「北極熊館」，見到熊熊浸在冰涼的水中，跟外面酷熱天氣成一極大對比，超梳乎呢！
有人話細路仔咁細個根本唔識野，不過我不同意。我同老公都覺得瞕瞕好開心呀，而且書話嬰兒頭三年所處的環境塑造了他的大腦，他早期經歷的事越有意思，越是富有連續性和趣味性，能引發神經突觸連接的發育，他的大腦就塑造得愈精妙。因此我地一定會俾瞕瞕見識多d。
最值得睇既館係「鯨鯊館」，號稱全球最大喎。值得一說的是，我地用八爪魚腳架，將相機固定了在bb車扶手上，變成自拍神器。
瞕瞕手指指，吚吚呀呀，原來佢發現山頂個玻璃洞有魚睇呀！我地仲帶佢睇左魔鬼魚、熱帶魚、鯊魚、鯨魚等等。
我自己也是經過這次才分得清楚海象、海豹、海獅、海狗、海牛。
館外不遠處有個噴泉表演睇，d水是會淋濕身的，哈哈。夜晚7點幾仲有煙花添，但我地book左枱返酒店食飯，早早就走了。
我地食dinner buffer間餐廳叫做「珊瑚」，200幾蚊/位，相對於港澳物價真係好鬼死抵。
橫琴最出名食蠔，他們的手藝不錯，有蒜蓉燒蠔、生蠔、芝士煙肉焗蠔、鐵板燒蠔、避風塘炒蠔，一蠔多吃爽歪歪。
侍應俾左份餐具瞕瞕，我在裡面放了些面包給他吃。
至於嬰兒副食點整，我帶了佢之前食開的雀巢米糊和亨氏baby food過去，就這樣解決。
第二天我地落泳池游水，行下花園，嘆杯咖啡，下午搭車離去了。
