2014長隆夏水禮

老公並不是一個喜愛旅遊的人，不過自從個仔出左世和逐漸長大，佢成日都想安排好多野比佢玩。

舊年聖誕節，住過迪士尼間好萊塢酒店覺得唔錯，今次放假又想去下，試另一間迪士尼樂園酒店，可惜full晒，因為踏住六一兒童節。

結果我地轉移陣地去橫琴新開的長隆海洋王國。其實重點係海洋王國，不過我地下塌既「橫琴灣酒店」亦不錯，今年1月18日才落成入住，又新又大又靚，打聽過現在夏天開放了室外泳池，所以我地帶埋泳衣去，同瞕瞕進行佢人生第一個下水禮。
 

 

由於我同老公都好鍾意游水，水上活動，浸溫泉。。。所以無諗過瞕瞕會驚，事實佢真係一d都唔驚，只有興奮無比。

 

呢度多謝姨婆從澳洲買過來送給瞕瞕的Thomas泳衣，還有同事的游水片片，而我就為他準備了一頂防晒草帽，和上水浴袍。
 

 

由於上水之際一冷一熱，極容易凍親，我有幾個朋友的bb就係咁奶左野，游完水晚上或第二天即刻發高燒，搞到要住院，因此這方面我特別注意，最佳裝束是俾bb著有袖泳衣，萬萬不能打赤膊落水，上水要即刻披返件吸水保暖浴袍。老公也很緊張，當晚和第二天都有幫瞕瞕量度體溫，托賴完全無事。

 

 

我地見到池邊有d bb救生衣，就幫瞕瞕著左上去，有型嗎？

 

 

 

 

 

 

但件衫都幾大，落水之後怪怪地，便無再用了。

瞕瞕心思思望住d水，好似好期待落去玩咁。

 

老公抱住瞕瞕在池水中行，行到一個洞入面，原來是個海龜洞，將水族館搬左幾隻大海龜過黎，等我地可以一邊游水一邊睇海龜。

 

 

 

室外泳池都有成四五個，有大有細有深有淺，有d特別啱細路玩。我同老公搵到個淺水地方，俾瞕瞕自己坐喺個梯級上面玩，佢好開心咁拍水。

 

 

打算返澳門之後既呢個暑假多d帶瞕瞕去游。

 

下篇分享我地在樂園玩的情況。