跟人口水尾

有幸地，我在瞕瞕未出世前，甚至是未有bb前，已接觸過嬰兒手語。隨著他長大，我也有序地實施在他身上。


但當日我睇緊相關資料時，老公竟然說覺得手語教學都是呃人，bb根本唔可能識呢d。而我一顆赤紅熱血的心，並未被他的一盆冷水淋熄，只有更努力證明俾佢睇，畢竟科學育兒是我追隨的理念。


從六個月大嘗試教，瞕瞕終於在九個月大時識第一個嬰兒手語啦，就是奶奶(milk)，佢會用這個手語表達他想飲奶奶。







嬰兒手語絕對唔會延遲bb開口講野，相反，如果佢用手勢表達，能夠令到大人明白佢既意思，其實鼓勵佢表達更多，包括講野。


回想起來，嬰兒手語給我的最大得益是，瞕瞕和我有眼神交流。透過手勢，佢會望住我，否則就咁叫佢，一定阿崩叫狗，愈叫愈走。每當有眼神交流，就係教佢學講野的最佳時刻，因為佢會專注地看我的口形，即使佢發音未夠標準，但識得模仿已是極好的開始。

奶奶，白白，街街，媽媽。。。真係好enjoy佢跟我既口水尾，我歸功於嬰兒手語。