網頁

2013年6月30日 星期日

白白豬有進步


在鏡湖讀陪月班的時候，導師除左教我地幫bb沖涼，仲有向我地講解初生bb的懼水心理，所以抱bb落水時，要用手掌拍下佢心口仔，或者用條紗巾仔舖0係佢個身度。


其實坐月我又唔信唔濕得水，只是傷口實在太痛，想不到痛足一個月，所以這期間沖涼一任務就交由99完成。最初幾次bb真係好驚，無論點溝通，交流，安慰，鼓勵。。。佢只管緊閉雙眼，握實拳頭，縮埋一團，博命咁喊。。。





後來唔知從邊一日開始，bb沖涼時沒有了喊聲，隻眼也打開了，個身都伸直了，但係拳頭依然握緊，不過已經算有了很大的進步。唔知仔仔幾時會識坐在盆中間玩水呢？到時媽咪買一套黃色鴨公仔陪你一齊玩啦。





ps. 對比兩張相，除左表情唔同之外，個size亦都好似唔同左，開頭只有半個盆咁大，而家裝滿一個盆了。
  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-07-04 21:54:19
好可愛！真係大個左好多




  • 留言者: 水太太
  • Email: tobi_tam@ymail.com
  • 網址:
  • 日期: 2013-07-04 13:59:50
好叻叻呀佢~~




  • 留言者: 傻婷
  • Email: g_annali@yahoo.com.hk
  • 網址:
  • 日期: 2013-07-03 15:19:51
好得意呀!!!!




  • 留言者: 香蕉妹
  • Email: chowangela1999@yahoo.com.hk
  • 網址:
  • 日期: 2013-07-03 00:44:33
BB真可愛:)
[版主回覆07/03/2013 07:07:20]thanks for visiting my blog :D
張貼者： 於 沒有留言:
標籤：

2013年6月28日 星期五

首一個月。。。的變化

記得第一次0係護士既手中接返自己個bb，我既感覺係點解咁瘦咁弱？稚子無辜，佢咩都唔識，我一定會盡自己所有的能力，處處保護佢，好似想籍此彌補返佢失落的體重咁。





但估唔到都未夠一個月，我已經再沒有這種想法。並非因為我無當初咁愛佢，而係在這短短的日子裡面，仔仔的性格，脾氣都出晒黎，佢算係急進型，事事識自己爭取，根本唔駛驚怠慢或者疏忽左佢。


就拿吃奶這件事說吧，開頭好擔心餓親佢，皆因啱啱出世既bb成日訓，自己也跟著倦極而睡，會唔會大家都唔知醒就咁食少左餐，搞到佢愈黎愈瘦呢？但原來我的想法太過天真，bb個胃仔咁細，人奶又容易消化吸收，每隔個半鐘bb就會自動喊醒，比鬧鐘還要準時，仲喊到好似湯左佢咁，根本無可能唔知佢肚餓。





乜唔係話初生兒條頸無力架咩？但當我每次訓低準備埋身餵的時候，佢條頸仔都會伸到好長，靈活地左右兩邊擰，探索食物的來源，一見到乳頭，佢更會急切地啊！啊！啊！大叫，遞到嘴邊了，佢會用盡全身既力氣，一下子就撲上黎咬住我，十足餓左半個世紀咁，然後一口氣地猛吸猛啜，周不時搞到自己濁親，噴返晒d奶出黎，除左老公親眼見過，否則誇張到無人信。咁暴力點會唔損？為求保護自己，我每次餵奶對後都搽定羊脂膏，將這種磨擦減到最低。


 

0係佢咁食得的環境之下，好快地佢塊臉仔明顯地發漲左，諗返起開頭皮包骨個樣就真係慘。





呢隻小惡魔好鍾意人地抱住拍佢，當然其他小朋友都好鍾意，佢既特別之處在於你一抱起拍下拍下，佢就即時訓。但其實邊有咁乖，只係扮訓咋。當你動作稍一停頓，佢便會單起隻眼視察環境，古古惑惑咁，到你真係停左，佢就開始喊嘞。







縱然佢係小惡魔，但佢有一樣野真係氹得人好開心，就係互動既笑容。每次一見到仔仔笑，我同老公的心中都像是綻開了一朵燦爛的小花。





就係因為每日佢都有d出其不意既野，對比返出世戈時，覺得佢識多左好多野，大個仔了。











  • 留言者: 大小姐
  • Email: wing_smallsammi@yahoo.com.hk
  • 網址:
  • 日期: 2013-07-04 13:11:05
望住自己bb成長真係好感動
[版主回覆07/05/2013 14:21:55]非常感動, 唔識形容了




  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-07-02 10:15:33
最尾一張真係笑得好開心呢！
[版主回覆07/02/2013 14:24:03]係呀一條線咁




  • 留言者: 水太太
  • Email: tobi_tam@ymail.com
  • 網址:
  • 日期: 2013-06-29 23:28:08
佢漲左，一定係媽媽悉心照顧佢既功勞喇﹗好叻女呀你﹗
[版主回覆07/02/2013 14:25:05]多謝你既鼓勵呀, 我會繼續比心機, 希望佢既生長線追返上去啦




  • 留言者: 妹豬
  • Email: laumuichu@yahoo.com.hk
  • 網址:
  • 日期: 2013-06-29 18:14:33
又識單眼，重要笑得咁甜，真係氹死人!
[版主回覆07/02/2013 14:26:24]講開又講, 出世戈時就係因為成日單眼, 嚇到嫲嫲以為佢另一隻眼唔識打開, 叫醫生幫佢檢查下




  • 留言者: 2San
  • Email: lcscis@yahoo.com.hk
  • 網址:
  • 日期: 2013-06-29 10:40:28
好叻仔呀~咁快識單眼~你仔仔好多表情, 好搞笑呀!
[版主回覆06/29/2013 15:38:58]我而家好返好多la,我會keep住寫仔仔的成長紀錄, 多d黎visit我地個blog丫
張貼者： 於 沒有留言:
標籤：

一次令人無奈的急診經驗

坐月期間我好小心，我好驚即使是普通的傷風感冒，都會搞到好似老人家咁講，體質從此變差，所以我隔日就食粒康鈣C，唔俾自己病。


結果無驚無險就到尾聲，但估唔到一出月子的第二天，依然病左。只是初起時不以為意，以為是宮縮，或者是飲得太多牛奶，個肚怪怪地，勉強地忍左幾日，到第三定唔知第四日變成劇痛同肚痾，終於頂唔順上山頂睇急診。


在前往醫院的途中，天空已是黑漆漆的一片，老公還幽默地說，我覺得同老婆上山頂睇醫生，已成為我們這一年來的拍拖節目。


在成人急診掛號的時候，我望左隔離婦產科急診大樓一眼，有點感嘆，而家我已經唔再係孕婦，沒有特權了。


其實我好驚睇急診，因為預左要等好耐。一如既往，掛號後等左半個鐘，先輪到我分流。分流護士問明我的病況，知道我有餵緊人奶，而且是全人奶，即時好緊張，話我這類個案可以睇婦科急診的，跟住幫我打電話，叫我轉過戈邊。


於是我同老公兜兜轉轉行返去婦產科急診，點知婦產科分流護士一聽完我個病歷，個樣驚愕到猶如親眼見到核爆現場(我一點也沒有誇張)，便失聲尖叫，痴線！你唔係孕婦，肚痛肚痾又唔關我地事，邊個叫你過黎？！


我同佢講我都知，我一開始都係自覺地去左成人急診度，係你地個同事叫我過黎，我先過黎。佢晦氣地說，鞋。。。是但你地鐘意啦，我唔知因間醫生肯唔肯睇你呀。


最討厭就是聽到肯唔肯這句，得就得，唔得就唔得，好似講到要視乎醫生心情咁。之前在衛生中心問過護士點申請餵奶鐘 (如餵人奶，公務員豁免每天提早下班一小時的福利)，佢又係答我，睇下醫生肯唔肯寫張紙俾你囉。


見到個醫生，佢態度超差咁同護士講話唔收，仲好大聲咁叫我走。然後繼續打電腦，理都無理過我。我知佢唔收症係合理，但佢真係極度無禮貌，完全唔似係一個高水平既人。護士比醫生好人少少，佢首先打返電話去急診鬧個分流護士一野，跟住叫個助理過黎，帶我返去戈邊同佢地理論。


在我地行開期間，頭先個護士已換左另一個男護士當值，我問佢而家即係點。佢竟然話無我既紀錄，要重新排過？！我超嬲咁話乜你個同事咁做野架？？好大件事喎！！佢可能驚我投訴，立即醒覺起來，幫我了解完成件事之後，俾返個順位我。


就係咁，前後搞左成三個鐘，我先真正見到一個正常既醫生。好在個醫生都算認真，知道我餵緊全人奶，就翻閱藥典，逐隻逐隻藥幫我查下有無影響先決定開唔開。唔駛我講佢亦留意到我隻左眼腫左，順便開埋眼藥水同眼膏給我，而且有問必應，解釋我背脊痛係由肚痛既神經反射痛引起，背脊本身是沒事的。嚇得我，仲以為呢幾日做咩背痛到挺直唔到條腰，痛到嘔。


本來痔瘡問題已好得七七八八，卻又因今次的肚痾而復發，流左好多血，都唔知戈餐食錯咩，一波三折。最後一共拿了9隻藥回家。好似係有生以來，第一次睇醫生開咁多藥的。。。












  • 留言者: 小魔怪媽媽－ＹＥＮ
  • Email: yenman_love28@yahoo.com.hk
  • 網址:
  • 日期: 2013-06-29 23:48:55
TAKE CARE~~我都明餵人奶又病個皇FEEL




  • 留言者: Mi Mi
  • Email: wong_ju_lee@yahoo.com.hk
  • 網址:
  • 日期: 2013-06-29 08:14:07
take care
[版主回覆06/29/2013 12:57:36]thanks~




  • 留言者: 水太太
  • Email: tobi_tam@ymail.com
  • 網址:
  • 日期: 2013-06-28 23:57:31
唉呀，要好好保重身體呀﹗早日康復~~
[版主回覆06/29/2013 12:58:20]多謝你呀




  • 留言者: samsamdandan
  • Email: samsamdandan@ymail.com
  • 網址:
  • 日期: 2013-06-28 23:15:20
你老公好攪笑，哈哈~~
小心身體，祝你早日康復呀
[版主回覆06/29/2013 13:02:29]其實佢好擔心ga, 為左緩和一下氣氛先咁講咋
張貼者： 於 沒有留言:
標籤：

2013年6月21日 星期五

產後痛上身

這篇充滿了痛苦與不愉快，可能有些負面，但畢竟都是屬於我生育歷程的一部份，我仍選擇將之記錄下來，提醒我母親生我時亦經歷同類似的，時刻都要孝順她。


生完之後真係有好多野想分享，有苦亦有樂。不過都係生完先知，仲有野痛過生仔，包括順產傷口痛，谷奶痛，乳頭破損痛，子宮收縮痛，痔瘡痛。。etc，而我不巧地全部痛症上晒身，令我成個坐月心情都麻麻地，寫blog都帶點困難。


我在討論區開左個post，忍唔住呻下產後痛，原來有好多同道中人。。。



主要想講傷口痛，雖然我可以好僥倖咁同人講，我生仔仔戈時只係痛左兩個鐘，產程算快，助產士由剪到縫針既過程，麻醉藥效仲未過，所以一d都唔痛。但估唔到之後既傷口痛簡直是一個噩夢。。。


被推到產後房，清醒後我第一次感覺到痛，是因為要落床去小便。我禁鐘叫人來，個助理目無表情地問我衛生巾，網褲同拖鞋0係邊，跟住機械式地命令我點換，但當我一移動身軀，下身便傳來一種難忍的撕裂般的痛楚，我坐在床邊冷汗直冒，一切動作戛然停止。個助理見我無即時依照她指示去做，語氣頗差咁話，都唔知係咪個個生完之後都變蠢架！她是在極度不耐煩之下陪同我去完廁所。回想我見肚後大部份人都很照顧我，但點解有人對產婦咁無愛心架。。。


"母嬰同室"的體驗很好，bb點心車會放在我床邊，我可以隨時望到佢，唔駛特登行去育嬰室，事關郁一郁都痛，好似根本郁唔到。而由於餵人奶關係，經常都感到口乾，有時來不及飲水，便乾咳起來，一咳就會扯動傷口，痛過一兩次怕死了，所以不斷飲水補充。


日間訓低在自己張床餵bb還好，但夜裡都係要行去哺乳室坐低餵，傷口一接觸到硬板是絕對的難受，不過低頭見到bb努力地食緊奶奶，卻又可以暫時忘卻這種痛。當親友上來探望時，我甚至企0係接待佢地都唔願意坐0係度，一係就訓低。至於在canteen食飯鐘數，都會見到好多其他喪屍，但同佢地傾計了解到，佢地未必有我咁痛，應該係大家縫針的方式不同有關，而我每次只會匆匆食15分鐘就起身返房。


記得縫針時助產士已跟我說，我的皮膚不好，所以大部份幫我縫外縫線（即實線），只縫內縫線（即溶線）的話一定埋唔到口，仲會爆線，另外產後第6日需自行回去衛生中心拆線，如果我想傷口好得快d，訓教的時候要夾埋雙腳。當時一來生完累到虛脫，二來我顧住望住心口個bb，還沒有意識到是怎樣一回事，其實好戲在後頭。。。


根據過來人的經驗，縫實線真係會痛過溶線，尤其是一坐低戈陣d線扯到好衡，仲要在一個咁敏感的部位。臨出院前同其他媽咪一齊排隊等見兒科醫生戈20分鐘，我覺得渾身都不舒服，在工作室門口坐也不是，站也不是，適逢產後房爆滿，要我在早上10點半就退房，令我見完醫生，被迫在哺乳室等足老公4個鐘，佢先收工來接我，我忍痛坐一陣站一陣抱著自己的bb，望向窗外下著陰霾的天氣，可謂百般滋味在心頭。卒之在住院部走廊會合了老公，還要分別到袐書處，出生登記站辦理一些手續，在醫院裡面撲來撲去，回到家已經奄奄一息。


然而回家後也並未有變得輕鬆，由於我埋身餵人奶的緣故，等於全天候親自照顧一個初生bb，無人可以施以援手。好幾次老公見到我就住就住d姿勢，痛到臉都青埋，連他也皺著眉心痛起來。在最初的一段日子裡，不論夜間或日間，我都只能訓低餵bb，佢食完一邊，我就將佢移到床既另一邊再餵，根本唔想，亦無力抱起他。誤打誤撞之下，bb直至滿月都很少扭抱，無意中訓練到佢食飽就訓，恰眼訓都係自己訓，除左肚餓同換片都唔會哭鬧，減少好多麻煩。


期間我有親力親為帶bb返衛生中心check黃，順便為佢預約第一次兒科保健。我印象深刻在掛號窗等待的幾分鐘裡，好像等了幾個世紀般，頭頂受著強力冷氣吹襲，雙腿也因傷口而痛得打冷震，那一刻的痛在我腦海中深深地烙了印，至今仍難以忘懷。


好不容易等到第6天拆線，在又痛又驚的情況下，血壓飆升至160。。。姑娘好驚我會暈，佢好好好溫柔地，不斷安慰我，又講下第二d野分散我的注意力。


拆左線痛楚的確減輕了不少，可是這時另一種痛卻冒了出來，就是痔瘡痛。其實它一直都存在，只是之前被傷口痛暫時掩蓋罷了。除非開刀生，否則這個問題很難避免，皆因胎兒通過產道時壓力太大所致。痛起上黎都幾係野，連直腸裡面也感覺到痛。請教過醫生，開左一枝藥膏俾我，話要搽7個星期至好。痔瘡痛猶如傷口痛，一樣令我在床上動彈不得，無誇張，因為我爆左7粒呀。

　
一日一日咁數日子，呢兩種痛維持了18, 9日有明顯好轉。然而在出月子前的一兩天，我感到傷口又重新痛了起來，多希望那是我心理作用，不是真的。但我確實摸到，照鏡見到生左粒粉紅色既野，好似一粒紅豆般大小，我隨即聯想到生了肉芽，心涼了半截。等呀等，等到老公夜晚10點幾放工，上山頂睇婦產科急診，唔知咩問題，但都要盡快處理好。


好在當晚急診一個人也沒有，我即時見到醫生。起初醫生都以為我生了肉芽，在經過佢細心幫我檢查後，發現原來是有兩針內縫線被身體排斥，完全吸收唔到，搞到要緊急拆線，估唔到我皮膚真係咁差，溶左一個月既溶線都溶唔到。我抵受過勁痛的實線，無端端拆線之後又再拆多次線，講真，咁搞法使我對刀刀針針很恐懼，已成為陰影。


縱然如此，有一樣野我還是覺得萬幸，就是我不用開刀生。開刀個傷口大咁多，況且我這種不易癒合又會留疤的膚質，若然要開刀，後果真是不敢想像。這是整段經歷裡我最感恩的地方。









  • 留言者: 周師奶
  • Email: cmchau27@yahoo.com.hk
  • 網址:
  • 日期: 2013-07-01 16:40:18
睇都覺得痛




  • 留言者: 小魔怪媽媽－ＹＥＮ
  • Email: yenman_love28@yahoo.com.hk
  • 網址:
  • 日期: 2013-06-28 19:12:16
睇到都覺得痛，可能我係自己爆所以無剪咁痛~~
但乳頭破損痛我深深感受到，因為bb唔識啜搞到我一面不停流血，
都忍住痛比佢啜，佢一路啜我眼淚一路流，我老公見到都話好心痛~~
[版主回覆06/28/2013 19:52:45]其實相似的經歷, 我都間唔中在人地的blog度睇到... 係.. 睇到都覺得痛. 雖然樣樣都有心理準備, 但上左自己身先知真係好好好好好痛.
你既情況應該泵奶出黎, 等乳頭休息下, 2,3日就好返架嘞. 如果真係損到流血戈種痛... 我估.. 見到bb個口已驚.




  • 留言者: 水太太
  • Email: tobi_tam@ymail.com
  • 網址:
  • 日期: 2013-06-28 13:07:09
嘩，個經歷真係好恐怖，針針都痛入心呢... 而家係咪捱過左架喇？
[版主回覆06/28/2013 19:50:01]keep住搽藥膏, 有好到... 但坐完月無端端肚痛肚痾, 不幸痔瘡復發, 又要痛多一段時間囉. 你千祈唔好學我呀.




  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-06-28 09:34:18
睇到都覺得痛！可以吃止痛藥嗎？真的媽媽真偉大啊！
[版主回覆06/28/2013 12:01:13]有, 我吃了差不多一個星期的止痛藥啊




  • 留言者: kiki
  • Email: kikit330@ymail.com
  • 網址:
  • 日期: 2013-06-25 10:20:09
睇到你既分享，切切實實咁感受到你既痛楚，c琪，你好偉大呀，做媽媽真係一d都唔易，希望你之後咩痛都無，只有同bb開心既時間：）
[版主回覆06/25/2013 13:50:23]放心la, 一定會慢慢好返ga
張貼者： 於 沒有留言:
標籤：

2013年6月18日 星期二

全人奶這條路(下)


我上奶的那天，正好是出院回家那一天。人地話谷奶仲痛過生仔，我都有幾分認同。雖然我未至於硬到好似石頭咁，但兩邊梗住梗住痛，真係極度難受，我仲摸到腋下同鎖骨位置有幾粒結節，腦海頓時閃現一種不祥預感，唔通我咁樣就係塞左乳腺？千祈唔好呀，超驚囉。。。


好在我在鏡湖陪月班學過谷奶時的按摩手勢，加上山頂產後護士囑咐一上奶就要加緊餵bb，於是我雙管齊下，戈晚隔一個鐘就整醒bb，塞佢食一次奶，見到bb每次只夠力吸10零分鐘，就倦極而睡，睡不了多久又被我弄醒，迷迷糊糊再食下一餐，我係咪有d變態？但痛起上黎時唔顧得咁多，但求佢快d幫我通返d乳腺。


經過一整夜的勞役，翌日早上即刻見效果。兩邊唔痛了，咩結節亦都消失了。最重要的是，bb有了自己第一次的大便，典型的人奶b的大便，黃色稀稀水花樣的，不同於之前排出的墨綠色油漬狀胎糞，很明顯地bb已吸收到了。不幸的只是，由於我經驗不足，換一條片又搞到周圍都係。99堅持bb的衫要用人手洗，辛苦晒佢老人家了~


不過這頭剛放心，那頭又擔心了。。。自從見完bb第一次便便，連續兩日都唔見再有任何便便。99比我更加憂心，佢唔係驚我會餓親佢個孫，佢係直頭驚我會餓死佢。大便都算了，可能兩三天才有一次，但有乜理由連小便都無？到底係我無野俾bb落肚，定係bb腸胃功能有問題？佢係咁催促我老公帶bb睇醫生，老公夾在中間，係咁叫我快d去解決問題。


於是我向四周求助，其中一個係香港母乳協會，得到既答案係因為人奶容易吸收，bb兩三日無大便都屬正常。至於小便，可能係我地唔識睇呱！我係新手媽媽，唔知條片點樣先算濕左，而99個年代係用尿布的，佢都唔知。後來知道而家的尿片係做得好靚的，唔會摸到濕，其實要睇片片出面戈條變色指示。真係符碌。


餵人奶的挑戰又點止於此？很快地我又遇到第二個難題。開頭一，兩日bb吸啜純粹為左練習，所以我定時3個鐘餵一次，但當bb一開始有食慾上的需求，3個鐘一次當然唔得！佢每隔個零鐘就醒，醒來就因肚餓而哭鬧。夜間佢的哭聲不僅響徹成間屋，仲爭d響徹成層大廈。99走進我房間睇下咩事，我地3個人點安撫都唔得，乳頭遞到佢嘴邊都沒有進食的意思，到佢漸漸哭累了，才抽搐著食返奶。我從而得知bb一肚餓就要即刻俾佢，否則等到佢哭鬧，又要安撫佢安靜下來先肯食，對誰都沒有好處，盞麻煩。


對於此事99不禁發出疑問，點解餵奶粉可以準時3個鐘餵一次，餵人奶卻要不斷不斷咁餵，係咪人奶唔襟飽？定係你d奶有問題？我也感到有些沮喪，仲感到壓力滾滾而來。為此我查左好多資料，問過好多人，原來咁細個bb係難服侍d，人仔細細，胃量亦細。人奶是按需要餵哺的，唔需要跟書所說，限時限候去餵，更不能跟奶粉b去比較。自此每當bb發出一點掙札的聲音時，也就是大概每隔個零鐘左右，我就準備餵他，bb的哭鬧情況已大大減低。不過我自己就辛苦到暈，始終埋身餵人奶無人幫到手。直至bb接近滿月，大個仔左可以一次食到多d奶時，才開始連續訓超過3個鐘，我也跟住休息多左了，頻臨產後抑鬱的我亦不藥而癒。


對上一個難題已耗盡了我所有精力。想不到後來又出現了第三個難題，令我想即時放棄餵人奶，那就是乳頭破損，是由bb吸啜得太密而引起的。那種痛像是有千枝針刺在乳頭上，跟陣痛又有所不同，後者是痛到即使簽張開刀同意書都無力，前者則是好忟憎，幾近崩潰，我估試過既人都會明我講咩。


好在有個叫做Medela牌子的產品救了我，我用了它們的羊脂膏和乳頭保護膜。先說羊脂膏，它是一種極粘調的潤滑膏，求其在藥房都買到枝，不過Medela出既係最有口碑。用法是餵奶前後塗在乳頭上，可以將bb嘴仔吸啜時的磨擦減到最低，從而起到預防乳頭破損的作用。羊脂膏沒有有害成份，bb食落肚都ok。我開頭買細枝裝試下，90幾蚊，而家已轉用大枝裝，130幾，有排用，抵好多。





另一樣就是乳頭保護膜，或者叫乳頭盾，能真正醫返好乳頭破損，誠意推介，詳細資料在：


http://www.medelabreastfeedingus.com/tips-and-solutions/112/nipple-shields




它的用法好像乳頭膠布，餵奶時套在乳頭上，bb吸啜時能將痛楚程度大大地減低。你知啦，當乳頭破損一旦發生，痛到發顛，對於要餵bb就會感到好恐懼，無晒心機餵。當我一查到有呢樣野就即時落樓下間bb店買，用左第二日已好得七七八八。但乳頭盾有個好大缺點，就是始終隔左層野在乳頭上，bb可能唔鍾意而唔肯啜的。相當幸運地，當bb第一口接觸到硬硬的乳頭盾時，佢小臉上雖然閃過一絲疑惑的神色，但佢反而更加落力啜，博命啜，啜到自己食到奶為止。就這樣，我無痛地餵bb，bb又繼續滿足地食到奶，皆大歡喜。其實在那一刻，我多少看出了仔仔非常進取的個性，內心流淌著一種莫名的安慰。


而家每次睇見阿仔食飽後個陶醉樣，真係幾辛苦都值得我埋身餵你。









期間我地帶bb去衛心中心做左第一次保健，所有野都正常，增重甚為理想，99先至相信人奶係好吸收d，少左d聲氣。加上bb還在此時長出了雙下巴仔，同啱啱出世時皮包骨個樣比較，真係有好大進步。儘管99一直都不太放心我餵人奶，但見我決心堅持，唯有煲多d上奶湯水給我，對此我是非常感激的。




除左木瓜魚湯，為求迫自己多d奶，我仲有努力嘗試其他的上奶東東，包括：


有機多奶茶
打開個盒係一包包的茶包，沖泡方便。我阿妹介紹的，聽佢講效果好好，我都覺，飲左即刻見谷奶。我上網查過，茴香係一種香料，外國用來餵詞乳牛刺激造奶，它的作用機制是將身體的水份變成奶。可惜成份主要係茴香，99嫌濕熱，成日叫我唔好飲，的確，我飲食已好清淡，但無端端又出返d濕疹，再加上有產後痔瘡問題，便很少飲了。





雞精
雞精是由嫩雞提取的精華，含豐富營養。事實上任何有營養的食物都可以幫助造奶，只不過雞精係濃縮版，能在短時間內迅速補充。另一個好處是雞精可以令人休息得好d，講真，奶量同休息多寡直接相關！有人話雞精好腥好難入口，還好啦，不過我也發現了一個好飲d的方法，就係加落d湯度一齊飲，嘿嘿。。　





媽咪奶粉
呢樣野係我試過咁多樣最好，最安全的。我飲開美國雅培喜康素，它的配方是專為孕婦和哺乳婦女而設。餵人奶這回事，我地食乜，bb就食乜架嘞。我飲奶，相對地bb同樣吸收到奶粉裡面的營養。我推崇媽咪奶粉，因為飲完後d奶唔單止多左，而且仲杰左，bb應該會飽左。




保利純牛奶
保利牛奶都幾好，佢最好就係唔駛雪藏，但亦不含防腐劑。炎炎夏日要沖一杯媽咪奶飲都幾熱，無溫度的盒裝奶超方便，我啱啱生完bb戈期，係一路餵住bb，一路渣住盒奶飲架。





記得d母乳講座話，餵母乳其中一個優點係慳錢喎，我就話唔係嘞。以上咁多營養品加埋加埋，仲有專門既哺乳bra呀，乳墊戈d都未計咋，餵人奶成本分分鐘貴過奶粉添囉。


bb出世後6個鐘食過第一啖人奶，至今36天了。事實上，我有無補過奶粉？有架，補左兩次，都係被迫。要澄清唔係99迫我，而係我本人突然間要睇急診，行開得太耐，無辦法。屋企有一罐私人診所送的後備奶粉，99只係開左2安比bb食。畢竟奶粉並不是bb的主要食糧，我亦不是兩溝，所以bb仍是一個全人奶b。








 

  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-06-28 10:07:31
我覺得你好叻好堅呀！特別係老公同奶奶都懷疑時你仍然堅持，乳頭痛又挨到！而且bb都好合作去啜，真的好encouraging 呀！
[版主回覆06/28/2013 12:00:18]thanks, 我覺得同阿仔好夾




  • 留言者: 中謙
  • Email: mulalam123@yahoo.com.hk
  • 網址:
  • 日期: 2013-06-27 18:55:23
先見你的樣，再見這堆屎......

我不禁想問，你是否跟生產前般若兩人？

來我誌我很歡迎！故多來！

我......很羨慕。
[中謙回覆06/28/2013 22:15:22]你那就表示沒有看過我的網誌了。

不過，沒有就算了吧，至於出擊，現時我只能等。
[版主回覆06/28/2013 19:53:38]仲等? 快馬出擊啦!
[中謙回覆06/28/2013 12:10:59]你到過我處,我正在等一個人,我也很希望跟她一起,如有那一天,這些學習就很有用。
[版主回覆06/28/2013 11:59:48]原來是這樣, 那我真的誤會了你的意思了. 難怪你說羨慕呢. 是羨慕我老公娶了我嗎?
這篇是餵人奶分享呀, 一個男人.. 學什麼嘛, haha
[中謙回覆06/28/2013 08:09:35]而且，我也會從中學習。
[中謙回覆06/28/2013 08:09:13]？？？？

c琪，你是否有所看漏？如反感，何用羨慕？如反感，不看便算，這是你的地方，你愛如何我管得著？

你別誤會，我的意思是你生產前後應該有著很大的改變！看你的樣子，像個公主，屎尿處理，婚前應該不能想像......我要說的只是這些。
[版主回覆06/28/2013 01:14:50]其實我都是從其他媽咪的blog, 看見各自小朋友的便便, 才學習到正常的又該是什麼樣子.
不過既然惹來了反感, 那就不post好了, 抱歉呢. 反正已放了這麼多天, 要知道的已知道了.




  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-06-25 07:20:24
你同BB都好叻！母乳係比BB最好的禮物，加油呀！
[版主回覆06/26/2013 23:26:57]大家咁話la




  • 留言者: samsamdandan
  • Email: samsamdandan@ymail.com
  • 網址:
  • 日期: 2013-06-23 14:39:38
嘩.....原來人奶b 便便會咁架.....
你好叻呀，繼續加油
[版主回覆06/26/2013 23:26:39]見到你放緊產假了, 即係日子臨近la,好期待見到你的小bb呀 ,你係咪都打算餵人奶呢?




  • 留言者: 水太太
  • Email: tobi_tam@ymail.com
  • 網址:
  • 日期: 2013-06-22 12:44:38
見到你為BB，真係付出好多呢﹗但再辛苦都值得既~~ 加油呀﹗
[版主回覆06/26/2013 23:24:45]多謝你成日入黎探我個blog呀!




  • 留言者: 柑柑
  • Email: helloiris@yahoo.com
  • 網址:
  • 日期: 2013-06-20 17:31:25
終於追曬你d blog 啦~
真係好感動, 我覺得你好叻 ~
相信你篇blog 對所有打算餵人奶o既mama都好有幫助架~

同BB食完奶奶個樣真係好滿足, 好可愛呢XD
[版主回覆06/21/2013 11:36:04]估唔到你會追我既blog, 好感動呀, 我會加油




  • 留言者: Oi Yee
  • Email: oiyee_uc@yahoo.com.hk
  • 網址:
  • 日期: 2013-06-20 14:31:34
好勁呀～
餵人奶真係少啲恆心都唔得架，加油
[版主回覆06/20/2013 15:16:32]多謝呀，咁你而家又餵成點呢？
我等緊你update新內容呀。。。不過我都知湊b其實好忙




  • 留言者: Mi Mi
  • Email: wong_ju_lee@yahoo.com.hk
  • 網址:
  • 日期: 2013-06-20 10:19:48
C 琪：咁想請教埋你，初生bb一日要埋身喂幾多次架？每次要喂幾耐，怎樣才知bb飽未？我好似聽人話吾媽媽吾好飲牛奶，話會都bb皮膚敏感，吾知係咪真。唉！我依家未上路已經覺得好大壓力，吾知自己可吾可以成功喂到人奶，成日驚自己冇奶
[版主回覆06/20/2013 15:23:56]個個bb情況都唔同個喎，有d好懶食，有d好恨食。以我bb為例，佢啱啱出世戈段時間，個零鐘就要食1次，所以我1日餵成10幾次架。但記住每次餵唔好超過30分鐘一邊呀，太耐乳頭會損。個個都會有奶，唔駛驚無，只係多或少的問題。如果媽咪飲牛奶bb都敏感，咁bb飲奶粉仲慘，奶粉係牛奶做的。




  • 留言者: Mi Mi
  • Email: wong_ju_lee@yahoo.com.hk
  • 網址:
  • 日期: 2013-06-19 17:51:47
羊脂膏每次都要搽？咁個乳頭盾也是每次喂也要戴？你有冇買手泵？聽人講其實再好吾好用手泵。好似有分前奶同後奶，我也不太明白
[版主回覆06/19/2013 19:37:15]你上一胎點解無餵人奶既？係一開始就餵奶粉，定餵餵下人奶覺得困難而放棄左呢？
[版主回覆06/19/2013 19:36:10]人奶有分前後奶，前奶係開頭幾分鐘流出來戈段，主要成份是水和葡萄糖，幾分鐘之後流出來的是後奶，主要成份量脂肪，蛋白質，用作提供熱量。所以餵奶一定要餵足至少15分鐘，咁bb先可以同時吸收到前後奶，既不怕缺水，又夠飽肚。
[版主回覆06/19/2013 18:42:35]我無買手泵呀，同事借左個電泵比我，同樣係Medela. 我只用過一次，因為而家放緊產假隨時可以埋身餵，無需要泵奶。同時我追緊奶，恐怕愈泵會愈少，都係埋身餵好d。
[版主回覆06/19/2013 18:37:08]至於乳頭盾，我不單餵的時候戴住，直頭24小時都戴住。它有透氣孔的，放心，其實原理就好似你整損手指，用膠布包住一樣，無咁痛之餘又快d好返。我戴住兩三日左右好返嗮，無再用了。都無限制話要戴幾耐既，痛咪戴囉。
[版主回覆06/19/2013 18:31:09]羊脂膏是一種lotion, 對乳頭破損有預防作用，如果我有時間，真的每次餵之前之後都會搽。因為bb不斷地啜個乳頭，戈頭好返又好易復發，唯有要做d預防工作囉。反正買左咁大枝放喺度，每次用好少架咋，有排用。
張貼者： 於 沒有留言:
標籤：

2013年6月14日 星期五

全人奶這條路(上)


懷孕期間，關於"母乳餵哺"這個主題，我分別在山頂醫院，鏡湖醫院同塔石衛生中心聽過總共三次既講座。而不論講者是誰，講義的內容為何，餵人奶的好處都是不會改變的，也使我決心要餵人奶這個信念無容置疑。加上在臨產的日子裡，我更不斷地睇人地的blog，吸收了過來人各種各樣的經驗，使我對點樣先可以成功餵人奶的概念，了然如心。


不過以上只是軟件，講得再多都是紙上談兵，最重要的還是在一間有母乳推廣的醫院裡生產，作為硬件配合，以求達成心愿。所以即使鏡湖同山頂一樣免費生仔，我都係揀左山頂。我覺得他們的idea很好，分娩一完成即把握黃金30分鐘，讓bb伏在母親心口嘗試吸啜，在留院的幾日，又實行"母嬰同室"，讓bb可以一直在身邊，這才是最符合人類親子關係的自然做法。


現在記憶回到了產床和產後房，我就是在這裡開始我的全人奶之路。當我在產床上待產的時候，助產士已問我會不會餵人奶，我很肯定的答：會！儘管這時我仍未想像到乳汁是怎樣分泌的，相對其他同齡產婦都說臨產前的一個星期，甚至一個月，發現到自己有少少乳汁流出來，但我卻完全沒有這種體驗。


我經歷過的陣痛時間雖短，但想不到生到最後差點唔夠氣生，吸左好多好多氧。曾經幻想過無數次同bb第一次見面的時候，應該好感動，流晒眼淚，事實上bb伏在我心口的那一刻，我全身力氣已用光了，只感到奄奄一息。在完成了縫針程序後，bb被抱去清理和穿衣服，轉眼間便放在我身旁的bb點心車上。我視線循著他響亮的哭聲望過去，見到他的小嘴不斷地重覆吸啜動作，是多麼明顯的尋乳反應！令我的精神為之一振，便問助產士可否讓我餵一下佢。她們說我身體太累了，產床又這麼窄，還是等我睡醒一覺再教我。可能是滿足不到吧，留在產房觀察的兩個鐘，bb便歇力地喊足兩個鐘，他只能吸啜到空氣，怪可憐的。





在我被推進產後房，與生產時間相隔了6小時後，產後護士首次從育嬰室，將bb抱回我身邊教我餵人奶。她讓我和bb面對面側卧，捏著我的乳頭點一下bb嘴唇，趁他張開嘴就塞了進去。bb滿有觸覺地吸啜起來，護士觀察了一會，轉身便在紀錄表上剔左 "有效吸吮" 和 "母親需要協助" 兩項，又去忙其他的事情了。





除了臍帶，這是我和bb身體上的第一次親密接觸，這種不痛不癢的感應很奇妙。我低頭看著bb，留意到他每吸啜五下，又停下來小休五下的律動。有時他停頓超過了五下的時間，我輕輕地搖一搖他，他又醒覺地繼續吸啜起來。大概吸了15分鐘，才倦極睡去。


側卧式是我最初學會的餵人奶姿勢，也是我最受落的方式，後來還有坐式，斜躺式等。我出院後傷口仍是很痛，痛足了18，9天，所以在家大部份都是側卧去餵的，不怕觸動傷口之餘，我還能用一隻手攬著bb，騰出另一隻手來玩手機，餵下餵下雙雙地入睡了，輕鬆得多。



上面個表仲有一項資料顯示我的乳汁分泌為(－)，代表一滴奶也沒有。但我並不擔心，因為我在canteen吃早餐的時候，從醫院播放的教學片得知，bb頭1，2日的吸啜只是為了滿足其口感，第3天開始才是真正有食慾上的需要。不過為了快些上奶，我還是做足一些準備工作，每次餵bb之前我都會在洗手間用毛巾濕熱水，打圈按摩，並且叫99煲木瓜魚湯帶上來，又叫老公買保利全脂牛奶給我，每天飲兩盒，另外一天至少飲3公升的水。當天晚上就見到一些效果，我在其中一次熱敷時，從鏡子的倒影見到心口多左幾條血管印，相信係乳汁即將來臨。


有人話在山頂生仔好辛苦，除左生完俾返你自己湊，餵人奶的話，仲要你半夜12點，3點，6點起身行去哺乳室餵bb。對此我是有不同的詮釋觀點，初為人母的我興奮蓋過了疲憊，同時我很清楚初乳的重要性。初乳含有非常豐富的抗體，能在初生bb腸道形成免疫保護層，為將來打好基礎，是奶粉無論如何都製造不到的。而我並不知道初乳在哪一刻會分泌出來，應該就在這一兩天。為此我很希望趕在bb補第一次奶粉之前，就食到這麼珍貴的初乳，不管代價是怎麼累，我都會博命埋身餵。


5月是出生高峰期，估唔到成個產後房有成40個初生bb，更估唔到半夜哺乳室只有3個產婦出現，已包括我。bb們一肚餓就會呱呱大叫，好像上演大合奏一樣，做到d護士同助理踢晒腳，少不免有些怨言：唉，d太太又唔肯起身餵，我地都唔知幾時先餵得完，如果佢地知道自己個bb咁喊法，一定心都痛埋。


那一刻我低頭看著懷中的孩子，真心覺得他很幸運，唔駛等戈枝水奶，否則30幾個bb，得3，4個工作人員做野，每個bb餵15-20分鐘，仲要掃風5分鐘，都唔知幾時先輪到我個bb。而我不論哪個鐘數去餵bb，都見到他是張開眼仔，好像很期待食奶的樣子，乳頭一接上，他便順暢地吸啜起來，一點難度也沒有。唔知點解其他幾個媽咪，d bb督極都唔醒，護士教佢地掃風整醒佢，但真係整左半個鐘都唔醒喎，唯有下一輪再餵過，搞到d媽咪有些氣餒。梗係啦，捱眼訓半夜起身幾次，可惜bb只顧住訓教，一啖都唔啜。雖然係咁，但其實佢地個個都上晒奶，調返轉頭令我羨慕添。


聽講以前半夜是不用起身去哺乳室的，自會有人將bb抱到你床邊，等你餵完又抱返走，但後來發生過意外，而家已經唔會再咁做了。但我覺得去哺乳室餵好d，因為一來個人精神d，二來有人睇住，三來護士會趁著這個寧靜時刻，真心同我地講餵人奶的訣竅，四來我地幾個奶媽又可以互相交流下心得。


有一樣野真係生完先知，就係子宮收縮痛，而且餵人奶既話，這種痛症會特別明顯。每當bb吸啜一下乳頭，肚子深處便會傳來一下刀割般的痛楚。點解以前無人話我知既？護士解釋說這是催產素在起作用，能加速子宮收縮復原，罹患相關疾病的機會亦會降低。子宮收縮痛大概最遲一個星期就會好了。


護士仲講左幾樣餵人奶的正確觀念，都深深地印在我的腦海中。


1. 佢話人奶開頭一定要埋身餵，皆因bb會辨認乳頭，有d bb啜過奶咀後就死都唔肯食返人奶，好惡搞。而且咀仔的吸啜動作最能刺激泌乳，就算泵奶只是負壓原理，初乳就只有那麼幾滴，好似倒汗水咁少，泵出來都唔知去左邊了。


2. 勤力d，半夜都要起身餵。因為夜間哺乳能啟動造乳機制，日間才有足夠的奶。如果夜間不哺乳，日間追奶就好難。


3. 有心餵全人奶就唔好補奶粉，水亦唔駛。開頭一，兩日或者會無奶，好驚餓死bb，但bb的身體其實儲存了從母體吸收的能量，可以頂得順兩，三日，直到母親有奶為止。生命的奧妙就是這樣。


4. 上奶當天會谷到好痛好痛，但不要驚慌，這個時候反而要餵bb多d，通返乳腺，1日就會無事。千祈唔好愈痛愈唔餵，乳腺一塞左就好大件事，再處理得唔好，變成乳腺炎的話，最壞的後果是要做外科手術排膿，跟住食回奶丸收奶，咁就唔會再有奶。


頭1，2點於我都比較容易做到，但第3點卻是一個大考驗。因為我上奶遲，bb第二日呈現缺水面黃，曾經心軟想補奶粉，我請教護士怎樣做。她們的意思是叫我等多一日先，無謂浪費了我的初乳。但當老公中午上來探我的時候，見其他家屬從育嬰室進進出出，都拿著一枝水奶返房餵bb，他好奇的問我餵左bb未。我說我是全人奶唔會補奶粉，他隨即狐疑地問我，我都未上奶，咁bb食甚麼？對於我轉述護士所說的，他都是半信半疑，係咁催促我去問個究竟。剛巧有位護士從我們身後經過，聽到我們的對話，耐心地解答了我們的不安與疑惑，說會幫我密切監測住bb的大小便，以評估bb身體的代謝情況，從而知道有無餓親，要我對她們有信心。


老公走左返工之後，我又餵左bb幾次，一喊就餵佢，一喊就餵佢，但依然放心不下，傍晚時份終於忍唔住行去育嬰室搵護士。點知我見返母乳講座個護士，佢都好似有少少認得我。我將我個情況講俾佢知，佢斬釘截鐵地答我唔會無奶。佢問我有無飲足夠既水，我話有，佢問我有無食錯野，白鴿豬腰紅棗桂圓，我話無。佢答應一陣過黎幫我，結果不到10分鐘，佢已來到我床邊，真係好讚嘆佢地既辦事效率！佢按左我個胸幾下，一捏住我乳頭，便已見到有一滴乳白色如露珠的液體冒出來，好驚喜！佢話：呢d咪奶囉！不過佢話有d杰，囑付我要飲多d水，多d埋身餵，繼續努力云云。這時我相信即使量不多，仍是足夠給bb食的，心情即時轉為晴天。


在一間行母乳推廣的醫院餵人奶真的事半功倍，一切都進行得很順利。然而回家之後個環境完全唔同，步步都係挑戰，下篇再講。


ps. 臨出院前我仲0係呢間哺乳室餵左bb一個鐘，很懷念在這裡的日子。







  • 留言者: 艾利絲
  • Email: irischow_2000@yahoo.com.au
  • 網址:
  • 日期: 2013-06-28 09:50:55
好詳細呀，但真心的唔係好多人可以做到你的堅持，如果係我都好有可能會補奶粉
[版主回覆06/28/2013 12:03:48]我最多只可以堅持到返工, 到時一定要補奶粉, 但我依然會餵到6個月




  • 留言者: 水太太
  • Email: tobi_tam@ymail.com
  • 網址:
  • 日期: 2013-06-22 12:34:29
做媽媽真係好偉大呢﹗堅持餵人奶真係唔易﹗加油﹗
[版主回覆06/28/2013 12:02:56]thanks, 以前的我都是想像不到, 但生完之後對住個骨肉就自然咩愛心都流露晒出來




  • 留言者: 小小媽媽
  • Email: tamhiumei@yahoo.com.hk
  • 網址:
  • 日期: 2013-06-22 12:20:52
「真心覺得他很幸運」係呀!!! 你好叻 !!! 加油 !!!
[版主回覆06/28/2013 12:02:41]你都叻呀! 互勉之~




  • 留言者: 傻婷
  • Email: g_annali@yahoo.com.hk
  • 網址:
  • 日期: 2013-06-19 12:24:16
好SWEET呀!!!!!!!!! 為你打氣呀!!!!!!
[版主回覆06/19/2013 17:08:25]多謝你呀。其實我每次上網都有探訪你既blog架，希望你密d update la




  • 留言者: Mi Mi
  • Email: wong_ju_lee@yahoo.com.hk
  • 網址:
  • 日期: 2013-06-18 20:26:25
謝謝分享，我都後悔上胎喂奶粉，希望今次可以全人奶，我都好驚到時未上奶期間，家人不斷勸我補奶粉拉，否則餓到bb之類等說話，咁你出院後，依家人奶路如何？祝一切順利
[版主回覆06/19/2013 17:07:22]屋企人既壓力當然係有的，尤其係d老人家，至驚餓親個孫。好在老公同我一齊聽過母乳講座，亦有同我一齊聽姑娘話，所以佢事事支持我，處處保護我。雖說盡量唔好補奶粉，但都要睇實際情況而定，想知bb有無餓到，要留意1)有無面黃 2)有無大小便 3)有無哭鬧．．．如果三樣都過唔到關，係真係要補奶粉的，因為有可能無奶，唔可以勉強。我最新既情況寫左在續集篇裡，也預祝你順利～
張貼者： 於 沒有留言:
標籤：

2013年6月11日 星期二

bb measurment

為bb做了一個詳細的進程記錄




2012/08/11 (六)   末次月經首日    


2012/09/04 (二)   早孕試紙弱弱弱陽(水印)  


2012/09/10 (一)   上午在鏡湖醫院驗孕失敗，但依然去了塔石衛生中心排期產科，下午在澳門x光室再驗    


2012/09/11 (二)   4w2d    clearblue電子驗孕棒顯示3+   


2012/09/12 (三)   4w3d    澳門x光室確認懷孕    


2012/09/21 (五)   5w5d    傍晚開始輕微妊娠反應    


2012/09/24 (一)   6w1d    妊娠反應明顯進入高峰，毫無胃口，乾嘔    


2012/09/27 (四)   6w4d    流啡和血絲上山頂掛婦產科急診，陰超發現bb心跳，五日病假休息  


2012/10/08 (一)   8w1d    妊娠反應開始減輕，回復胃口，經常感到肚餓    


2012/10/19 (五)   9w5d    塔石衛生中心登記個人資料，聽產前衛教講座    


2012/10/22 (一)   10w1d 塔石衛生中心第一次產檢，驗尿，量血壓(120/70)，磅重(39.5kg)，見醫生度子宮高度，預產期推算2013/05/18    


2012/10/27 (六)   10w4d 腰圍由24吋變成28吋    


2012/10/29 (一)   11w1d 塔石衛生中心留小便和抽血，驗生化，血常和免疫部份    


2012/11/05 (一)   12w1d 山頂王強醫生度頸皮，NT值1.1mm，鼻骨可見，心跳165/m，磅重(40.5kg)認為bb大左一週，預產期改為2013/05/12   


2012/11/19 (一)   14w1d 塔石衛生中心第二次產檢，睇驗血報告，聽bb心跳158/m  


2012/11/27 (二)   15w2d 山頂抽血做唐氏篩查    


2012/11/28 (三)   15w3d 山頂鄭力行醫生骨科覆診    


17/12/2012 (一)   18w1d 塔石衛生中心第三次產檢，磅重(43kg)，聽bb心跳150/m    


24/12/2012 (一)   19w1d 初始胎動    


15/01/2013 (二)   22w2d 山頂照結構，鬼佬醫生告知性別是男仔    


21/01/2013 (一)   23w1d 塔石衛生中心第四次產檢，磅重(48kg)，醫生話月內增重超標，聽bb心跳150/m    


28/01/2013 (一)   24w1d 飲糖水，做糖耐量測試，結果7.1  


29/01/2013 (二)   24w2d 一天內突然嘔吐逾廿次，住院治療，被告知是胃炎    


01/02/2013 (五)   24w5d 住院四天後自行出院    


18/02/2013 (一)   27w1d 塔石衛生中心第五次產檢，磅重(49.5kg)，聽bb心跳145/m


23/02/2013 (六)   27w6d 劉雁華照4d，再次確認性別是男仔   


02/03/2013 (六)   28w6d 山頂講座：分娩時之呼吸技巧    


09/03/2013 (六)   29w6d 山頂講座：如何成功餵哺母乳       


16/03/2013 (六)   30w6d 山頂講座：分娩的認識    


18/03/2013 (一)   31w1d 塔石衛生中心第六次產檢，磅重(51kg)，聽bb心跳145/m    


11/04/2013 (四)   34w4d 塔石衛生中心b超，頭位，第三次確認性別是男仔    


15/04/2013 (一)   35w1d 塔石衛生中心第七次產檢，磅重(54kg)，聽bb心跳135/m，醫生摸肚時有明顯宮縮    


20/04/2013 (六)   35w6d 晚飯前後感覺完全沒有胎動，上山頂做了40分鐘胎監，儀器紀錄有5次明顯宮縮，醫生話有早產傾向，寫3日假    


22/04/2013 (一)   36w1d 塔石衛生中心第八次產檢，磅重(55kg)，聽bb心跳140/m    


29/04/2013 (一)   37w1d 塔石衛生中心第九次產檢，磅重(55kg)，聽bb心跳132/m    


05/05/2013 (日)   37w6d 鏡湖醫院b型鏈球菌報告(－)，PASS  


06/05/2013 (一)   38w1d 塔石衛生中心第十次產檢，磅重(55kg)，聽bb心跳145/m    


12/05/2013 (日)   39w0d 10:00上山頂評估是否做催生，未有動靜，預約19/05/2013 09:00入院催生       


13/05/2013 (一)   39w1d 22:00在家發現見紅，搭的士上山頂婦產科急診，胎監後醫生內診開了3-4度，即入產房    


14/05/2013 (二)   39w2d 03:51順產2.78kg男嬰


  • 留言者: 水太太
  • Email: tobi_tam@ymail.com
  • 網址:
  • 日期: 2013-06-13 19:46:50
好詳細，係好獨特既記錄呢！見你經歷咁多，懷胎都真係唔容易呢！能夠順利誕下bb，可見造物主既奇妙〜!
[版主回覆06/14/2013 05:27:36]每次一檢查完，返屋企我就會開電腦寫低，唔經唔覺寫左咁多呢~




  • 留言者: 檸檬BB女
  • Email: joyce81580@yahoo.com.hk
  • 網址:
  • 日期: 2013-06-13 16:58:55
好厲害啊! 好詳細!! BB未出世已經同你經歷好多野呢!!
[版主回覆06/14/2013 05:25:50]係呀，成個過程都有bb陪住，真係好開心！
張貼者： 於 沒有留言:
標籤：

2013年6月9日 星期日

酷似c琪的餅印


同一件事，說的人多了，自己也會信以為真。


從一張4d相開始，99一口咬定肚子裡面的bb似十足我，直至出左世，再有99.9999%的人認同此事。





其實這麼小的bb我不懂看，但我也忍不住好奇地問，bb哪裡似我？從家人，親戚，朋友，舊同學，同事，網友，得到的答案是整個輪廓，包括臉型，下巴，眼睛，鼻子，嘴巴，耳朵。。。咁你有邊樣是似爸爸的？除了那個高高光光的額頭，還有一股惡死的脾氣，其他暫時還看不出來。哈哈，真係好似唔似XD


翻出一張父親抱著我的襁褓舊照，oh, God，原來是一模一樣！連髮型，眼神，身型，手手腳腳。。。都似。





那一刻，很敬畏造物主奇妙的安排。明明你是男的xy，我是女的xx，基因都可以像倒模一樣copy去另一個性別度。


但你舅父又話，未夠半歲，都唔好咁老定話似邊個喎，因為bb的樣子日日都在變化中。期待你的長大喲！我會拍好多好多照片，為你見證這一個過程。

  • 留言者: kiki
  • Email: kikit330@ymail.com
  • 網址:
  • 日期: 2013-06-13 23:45:57
影多d相，bb真係日日唔同樣架^^
[版主回覆06/14/2013 08:45:26]係呀，話變就變了，我而家整緊個iPhone 365 project, 一日幫仔仔影一張XD




  • 留言者: Gen
  • Email: genienie@yahoo.com.hk
  • 網址:
  • 日期: 2013-06-11 16:35:55
恭喜呀。。好好休息，加油湊B
[版主回覆06/14/2013 08:41:52]多謝你呀，我會俾心機架嘞~




  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-06-11 04:23:08
真係好似！餅印一樣！
[版主回覆06/14/2013 08:48:24]暫時都係。我抱住佢，個個都話似我，我老公抱住佢，從來都無人咁講：P




  • 留言者: 水太太
  • Email: tobi_tam@ymail.com
  • 網址:
  • 日期: 2013-06-10 18:39:53
真係勁似樣﹗主真的好奇妙~~ 哈哈﹗
[水太太回覆06/17/2013 00:24:22]其實都有打算，但應該會遲多兩年先喇~~ 真係好羨慕你地已經經歷呢個階段，好溫馨呢~~
[版主回覆06/14/2013 08:52:28]你都快d生返個啦，自己經歷下又係唔同d架




  • 留言者: 傻婷
  • Email: g_annali@yahoo.com.hk
  • 網址:
  • 日期: 2013-06-10 17:04:52
我都未照過BB 4D / 3D , 唔知似邊個呢?
[傻婷回覆06/11/2013 16:22:09]我BB次次產檢都趴係度!!!! ><''''''''
[版主回覆06/10/2013 17:13:45]28週照係最好, 我照左一次咋
記得照之前同bb溝通呀, 叫佢好好合照, 等醫生幫佢影張靚靚相喎:D




  • 留言者: 檸檬BB女
  • Email: joyce81580@yahoo.com.hk
  • 網址:
  • 日期: 2013-06-10 15:52:09
見到你BB真係好開心~好感動！　ＢＢ似你都好呀～　大個一定係叻叻仔！！　
[版主回覆06/10/2013 17:12:57]我第一眼見到佢, 係有些茫然, 因為覺得兩個都唔似...
但過左廿幾日, 佢d輪廓特徵開始出晒黎, 全世界都知佢似我, 但如我細佬所說, bb個樣每日都在變化中, 半年後又唔知似邊個呢? 式目以待~
張貼者： 於 沒有留言:
標籤：

2013年6月8日 星期六

3日人仔，我在產後房的經歷

Day 3 2013.05.16

今天是出院的大日子，於我心卻有戚戚焉，皆因我覺得時間太匆匆，身心雙方面都未ready好。回想起之前胃炎入院，其實無乜大礙，只係醫生驚我無胃口，唔食野餓親bb，迫我住左4日。但而家生仔咁大件事，先住得戈2晚，對比之下，有d唔知點咁。


如果澳門都有好似台灣的月子中心就好啦，感覺同bb會去到一個安全的地方。有專人照顧你的生活起居，幫你教你湊bb，加上營養師設計坐月料理，仲有心理醫生輔導產後情緒，何來產後抑鬱？我認為花多少少代價都值得。但在澳門，甚至唔會請到一個有保證的隌月，我自己讀過陪月課程都知。


無奈床位真的太緊張，一大早就有人通知我10點半要出院。下！我以為至少可以留到中午？咁邊有人可以接到我出院？？諗起99雖然可以幫手，但實在太唔方便，因為我地有4袋行李要拿回家(走佬袋，出院袋，月亮枕，探訪者送的bb禮物)。如果我抱住bb，佢攞住咁多行李超辛苦佢老人家，說不過去；但如果調返轉佢抱bb，要我攞d行李一樣唔掂。老公就唔同，佢一個壯丁應付有餘，仲可以陪我去醫院寫字樓辦理埋d手續，住院證明，出生證明。。等等交返比公司。


但老公2點先放工，我便同院方講2點半先有人接我。佢地話，唔會趕我走既，我亦可以留低食完中午飯先，但要我空返張床位出黎。我答應之後，佢地便安排人手準備執床。




轉頭又有個男人自我介紹，佢係兒科護士，話安排bb出院前見兒科醫生，叫我抱bb去哺乳室(日間暫時充當作一個工作空間)等佢。哺乳室門口已有幾位媽媽同bb等緊，佢地同我一樣都會在今日出院。那一刻我很感觸，在這裡的bb都是白紙一張，佢地來到世間是沒有分別的，但在這一天之後，便會回去各自不同背景的家庭，在家人的影響下，開始完全唔同既人生。然而我是很享受將一張白紙，描繪成一幅圖畫的過程，我希望在往後的日子裡，能好好教育自己的小朋友，讓他成為一個對社會有用的人。


原來我一天裡面的大多數時間，都係躺在自己的床上，所以在等待的十多分鐘裡面，我感到身體不適，傷口是前所未有的痛。bb輪住一個個讓醫生檢查，到我的時候，醫生很直接說了一句，呢個好瘦喎！當堂有d失落，仔仔你真係好似係成個產後房最細既bb喎。跟住醫生仲要講多句，有d蒼白，懷疑貧血。。。隨即在手冊上寫上mild paleness，令我更加唔開心。


失暈落魄地檢查完畢，有個姑娘將一大堆資料交返俾我，包括bb的針簿，產後需知。。等等。佢吩咐我第6日即回去衛生中心拆線，並且幫bb預約第一次兒科保健，以及自己的產褥檢查。


午飯之後便是漫長的等待，由於我已經無床位休息，唯有在另一邊廂同bb等爸爸放工。兩個鐘裡面，我餵奶餵左足足一個鐘，傷口一直都很痛，坐又唔係，企又唔係，都唔知道係點樣捱過去的。望向窗外的天色，灰暗陰霾，猶如我的心情一樣。








好不容易等到2點9老公才出現，見到佢如同見到救星一樣。我們分別在秘書處和大堂辦理了一些手續，便call姑丈車我們回家了。


回家以後，自然又是另一段故事的序幕 (待續)。。。






  • 留言者: 柑柑
  • Email: helloiris@yahoo.com
  • 網址:
  • 日期: 2013-06-20 17:25:06
其實柑b 出世都好細粒~
不過好快就吹波仔~ 到依家10個月又瘦番~
[版主回覆06/21/2013 11:35:08]但柑b係全奶粉b, 其實我見好多全奶粉b都漲得好快, 而自己揀左全人奶, 只係啱啱追到生長線, 再過多1個月仲唔知追唔追到, 唯有盡力啦
柑b10個月大唔係瘦左, 而係拉高長... 既錯覺




  • 留言者: 檸檬BB女
  • Email: joyce81580@yahoo.com.hk
  • 網址:
  • 日期: 2013-06-10 16:24:09
係喇...香港同澳門有月子中心就好喇...不過好似月子中心都幾貴..台灣都要1-2萬左右...不過有人第一個月睇住真係唔同D!
好彩醫院無趕你走~ 不過原來澳門床位都咁唔夠呢! 真係估唔到..
[版主回覆06/10/2013 21:13:13]你決定左去邊度坐月, 同邊個湊bb未呀?
澳門床位緊係唔夠啦, 得2間醫院... 人就愈黎愈多




  • 留言者: 傻婷
  • Email: g_annali@yahoo.com.hk
  • 網址:
  • 日期: 2013-06-10 10:13:39
BB 好似你呀!!!
[版主回覆06/10/2013 11:42:37]係呀, 99.9999%的人都係咁講
張貼者： 於 沒有留言:
標籤：

2013年6月2日 星期日

2日人仔，我在產後房的經歷

Day 2 2013.05.15


由於初為人母太興奮的關係，訓在床上無乜睡意，見凌晨12點都未有人黎叫我起身餵奶(佢地係逐間逐間房，逐張逐張床叫，只係未輪到我姐)，我便自行走到育嬰室對面的哺乳室視察環境。


日間姑娘教我在自己張床躺著餵奶，但到了哺乳室則要坐著手抱餵奶了。正確姿勢是背脊挨住椅背，雙腳腳板撐住地下，手臂托著bb的後尾枕但腰不能彎，所以膝頭應該搵d野承托著，於是我又返入房攞個枕頭墊住。


成個產後房有成40個媽咪生左，但哺乳室卻只見3位出現，已包括我。咁即係其他30幾個媽咪都選擇夜晚唔起身餵，交俾姑娘。bb一餓就會呱呱大哭，嘈到咩咁，做到d姑娘同助理都踢晒腳，少不免有些埋怨。個助理邊做邊嘆氣：唉，d太太又唔肯起身餵，我地又唔夠人手，都唔知幾時先餵得完，如果佢地見到自己個b喊得咁凄涼，一定心都痛埋。


那一刻覺得自己懷中的寶貝很幸福，可以埋身食到媽媽奶。然而傷口貼著硬邦邦的坐椅真的超痛，加上bb每啜一啖，個肚便那住那住痛，姑娘解釋說是子宮收縮痛，由催產素定催乳素引起，但有助子宮迅速復原。。。可謂痛楚的雙重體驗。但儘管如此，母愛的流倘使我能暫忘這些不適。


聽講以前係唔駛出哺乳室餵的，會有人抱個bb去你床度，但後來好似出過意外，所以院方唔會再咁做了。而我就覺得出哺乳室比較好，一來有人睇住，二來個人精神d，三來姑娘又會教下我地野，我地幾個奶媽又可以互相交流下心得。


每次餵奶時限是半個鐘，下輪是凌晨3點和6點，當然我還有繼續出現，另外兩位媽媽也是。我餵完6點戈輪就放心訓一教等8點食早餐。


昨天因為仲吊緊針無出canteen食早餐唔知，原來早餐時份是會播放一些教育片，包括點樣幫bb換片，洗臍帶，沖涼，著衫，辦理bb出院手續，預約兒科保健和產褥檢查。。等等，我好有心機睇，從中都學到唔少野。





一食完早餐，姑娘便會催你認領返自己個bb，自行照顧。呢一樣就係山頂同鏡湖最大唔同既地方，山頂差不多要你全程自己湊返，如果驚辛苦一定要去鏡湖生，鏡湖會在你出院先俾返bb你。我本人就很buy母嬰同室，見bb第一面之後根本一直掛住，我好享受同bb獨處既時光，醫院有人睇住我地，我又可以專心學習同熟悉點照顧你。


不過唔係個個都頂得順，試過有人在山頂生完，先至知道竟然要自己湊返bb直到出院，完全接受唔到，結果翌日便急不及待要求出院，起碼屋企會有人幫手。其實我都爭d頂唔順架，畢竟傷口真的很痛，上床落床都要就住就住，活動能力好似喪屍咁，超可憐。但我也深深地明白，出院之後都係要靠我自己，否則怎會堅持到。


10點幾，鬼佬醫生又黎巡房，他觀察完我傷口說明天可以出院了。意料之中，而家床位咁緊，如果無乜事又點會俾我住得耐？但佢就同隔離床個太太起左d爭執，內容大概係個太太谷奶要求止痛藥，但醫生認為谷奶既解決方法當然就係餵奶，除非唔餵，咁佢就直接開回奶丸，總之唔會開止痛藥。姑娘翻譯醫生的說話，俾太太兩個選擇：一)餵人奶，而且一定要埋身餵，佢地會開始吩咐育嬰室不再給予水奶(即奶粉)；二)不餵人奶，開回奶丸唔駛煩。


但我聽得出個太太既不想服食回奶丸，但又不想埋身餵人奶，佢調返轉向醫生提議：育嬰室繼續給予水奶，而佢會等出院唔痛嘞先開始餵人奶。醫生聽完勃然大怒，若谷奶無法及時排清的話，最壞既後果係乳腺炎，要做外科手術排膿。佢裝一裝個病歷表，鬧個太太諗野太天真，"30 years old already, but it seems nothing ready to be a mother!"　


最後個太太死死氣答應餵返人奶，醫生即時了斷話，咁我落命令叫育嬰室唔再俾水奶你。佢地行開後，太太走埋黎我度呻，d醫生護士都痴線，係咁迫人餵人奶，山頂鬼死咁孤寒，連枝水奶都唔捨得俾。我自然好言相勸，佢地都係為你好姐，谷奶都係要快些清空好，唯有努力d餵bb，否則一旦搞到乳腺炎要做手術就大件事嘞。後來一個產後護士親自幫佢按摩通返乳腺，仲一面讚佢d奶幾好，唔餵極之可惜。反而我到這個時候仲未上奶，有少少羨慕佢。


午餐係魚尾飯，整得好腥，令我胃口持續不好，好在中午99攞過黎既湯水好味咋，補返。今日係嫲嫲第一次抱bb，bb眼仔碌碌望住嫲嫲，好似識聽佢講野咁。跟住仲有舅公舅婆，公公婆婆上黎睇bb，大家一致認同bb個樣似我。隔離床太太d親戚都過左黎吹水，仲無心咁問我bb係咪早產，sigh。。。我都唔係好明，點解bb明明有6磅1，但睇落咁細粒，似隻5磅的貓仔。









連續兩日，老公都一個人陪我，留到保安清場趕人先捨得走(其他探訪者最多來打擾半個鐘)，佢對這個小生命真的感到非常疼惜。佢見到人地從育嬰室出出入入渣住枝水奶，便問我有無問佢地攞一枝餵bb。我話我係全人奶，唔補奶粉的。佢很疑惑既然我未上奶，又唔補奶粉，咁bb食乜維持生命？關於這一點我同樣充滿問號，因為我雖然有埋身餵，但事實上我一滴奶都未有呀！老公焦急了，係咁催促我問姑娘。咁啱有個姑娘在身後經過，主動地解答左我地。佢話bb係帶住能量從母體娩出，開頭可以幾日幾夜唔食野都得，直至媽媽上奶，佢會幫我地監察住bb的大小便，以評估這種能量是否消耗完。





下午又發生同尋日一樣既事件，打開條片發現有胎糞，今次我可以自己搞得掂嘞，不過我同時有個疑問，人仔細細，痾左兩次咁大pat既野，腸胃應該清晒喇呱？體內仲可有能量剩低？係咪要叫姑娘開始補奶粉？諗下諗下都係好唔放心，便行下入育嬰室搵姑娘問過究竟。





點知我見到母乳講座個姑娘呀，佢都好似有少少認得我，事關戈日落住雨比較少人上去聽，加上我老公又捉住佢問左好多問題。我同佢講我無奶驚餓個b，唔知點算，佢反問我有無飲足夠既水，一日3公升，餵奶前後各一杯，我話有呀；佢又問我有無食錯野，豬腰，白鴿，紅棗，桂圓是但一樣，我話無呀。佢話ok轉頭黎幫我。


一分鐘後佢就去到我床邊，按左我個胸幾下，就擠左滴好細既乳白色液體出黎。佢理所當然咁話，呢d咪奶囉！而且係好珍貴既初乳。好驚喜！不過佢話有少少杰同埋份量未夠，叫我再飲多d水，繼續努力俾bb啜，啜下啜下就有架嘞。覺得呢度d產後護士都好專業，好感激佢的幫忙。


皆因大部份會探我既人已上過黎，所以這天晚上無人探訪，我也樂得清靜。我慢慢地完成了晚餐－菜心炒飯，算係咁多日以來最好既一餐。我sent左張相俾老公睇，佢都話唔錯。跟住既時間就上網同老公傾左陣，佢匯報一下執拾屋企既情況，bb床已送來放了在哪個位置等等。反正住院期間有人照顧我同bb，老公決定呢幾日照常返工，等我出院先用佢d侍產假，前後連星期六日有10日。





唔知係咪精神鬆懈左。凌晨3點戈輪助理入黎叫我起身餵奶，我第二次至知醒。我聽到佢問我一句：係咪唔餵喇？我拿拿聲仆起身攞住枕頭奔去哺乳室。人多左，有5個媽媽，仲有個姑娘好好心機同我地分享餵人奶的成功要訣。佢話埋身奶係好緊要好緊要的，特別是半夜，半夜餵奶能刺激造奶機制，日間都會多d奶。如果可以，最好唔好泵奶，因奶泵只是負壓原理，可能會愈泵愈少，bb個嘴仔先係最強而有力的吸奶器。


相對起其他幾個媽媽一路餵bb一路訓，即使掃風風都唔醒而要停止，其實我個bb好勤力不斷博命吸，只係遺憾我仲未有足夠既奶餵佢，我有d懷疑佢係咪吸緊空氣。

















  • 留言者: 黎生黎太
  • Email: py_chung1030@yahoo.com.hk
  • 網址:
  • 日期: 2013-06-11 04:44:39
你好叻啊，你果間医院都好支持母乳，good! 有母乳知識同医院医生護士幫忙好重要啊，記得第一胎頭果幾日我都擔心冇奶比BB，所以有補奶粉，今次就唔埋咁多勁埋身，暫時都做到全人奶，好開心！
[版主回覆06/11/2013 12:38:11]好開心聽到你話今次成功左, 我在生產的醫院裡面的確學了不少哺乳知識, 可以行到全母乳這條路有賴他們幫忙. 目前也餵了短短一個月, 希望能繼續下去, 至少到3個月! 甚至是WHO的6個月啦! 其實bb是帶著母親10個月的能量先出世, 唔食野都可以頂得順2, 3日, 一般的產婦亦要第2, 3日先上奶, 時間配得得剛剛好.
[黎生黎太回覆06/11/2013 04:48:13]我地一齊加油，餵母乳有時真的好累呢！




  • 留言者: 檸檬BB女
  • Email: joyce81580@yahoo.com.hk
  • 網址:
  • 日期: 2013-06-10 16:09:44
睇你篇ＢＬＯＧ真係令我明白多Ｄ餵母乳既知識！
我都想全人奶。。。不過放完２個月產假返工就真係擔心之後餵唔到。。。我８月尾聽母乳講座喇～希望到時認識更多，　可以下定決心喇！！
[版主回覆06/10/2013 16:19:09]記得有母乳講座, 分娩知識, 分娩呼吸技巧.. 一定要去聽, 真係有幫助
如果我唔係分別在唔同既地方聽左3次母乳講座, 都唔知母乳係咁好架, 可能亦未必會咁落力
其實返工之後唔係話餵唔到人奶, 而係未必可以全人奶, 我既計劃係補奶粉, 放工再埋身餵,唔知得唔得呢??
遲些少我會另外寫篇blog,關於我餵母乳既心得, 多謝支持呀




  • 留言者: 傻婷
  • Email: g_annali@yahoo.com.hk
  • 網址:
  • 日期: 2013-06-08 18:38:23
人仔細細JJ仔貢勁既
[版主回覆06/08/2013 23:21:44]哈, 乜成篇野你淨係留意到呢樣野ga, shy shy




  • 留言者: Mi Mi
  • Email: wong_ju_lee@yahoo.com.hk
  • 網址:
  • 日期: 2013-06-08 08:30:11
多謝C琪分享，我也想成功喂好人奶，請多多分享
[版主回覆06/08/2013 16:00:33]當我完成＂3日人仔，我在產房的經歷＂，就會開始寫我既全人奶經驗架嘞，多謝支持
張貼者： 於 沒有留言:
標籤：
訂閱： 文章 (Atom)