表哥仔峻峻的生日會

峻峻係我阿妹個大仔，我的姨甥仔，我個仔的表哥仔。

我印象中他有不止一次到我家樓下的麥當勞參加別人的生日會。通常被邀請參加生日會的小朋友同家長都有種衝動，就係他朝自己都想搞返個。

於是我便問妹妹有無打算幫峻峻搞返個，點知又真係有喎。佢地揀左筷子基戈間麥當勞，因為可以包埋個遊樂場。不過如果係我，應該會揀家樓下戈間，假設收到禮物都易d運返屋企丫嘛。

於是趁住某日放早，我便揹埋仔仔出去旅遊塔個玩具反斗城揀禮物。睇左好耐，曾經考慮過的有大富翁，angry bird, Lego, 超人，激光槍等。。。最後揀左架滑板車。呢樣我肯定佢屋企無，希望佢鍾意啦！

在回程的巴士上，撞到Grass姨姨，瞕瞕仲係咁同佢笑，證明佢同小朋友幾有緣，但願早日聽到你既好消息。

 

我之前僅有的一次參加人地M記生日會已經係十幾廿年前，我仲好記得當時我自己一個悶悶地坐在角落，睇住其他小朋友玩，但我卻不加入，因為性格唔埋堆。沒錯，小時候的我既內向又孤僻，無諗過今時今日已經變左另一個人，真的不可同日而語。

好了，要講返正題。峻峻既生日會五點半開始，我、老公同瞕瞕五點鐘就出門口。去到清緊場，未比入，吹陣水先。

阿妹請晒所有親人出席，而我地呢代唔知係風水關係，定基因關係，全部生左男仔。加上峻峻讀的是男校，現場所見清一色都是男仔。

其實包埋個遊樂場都幾好，等小朋友玩得開心d, 包括瞕瞕，玩到唔捨得走添。

因為我幫手影相，所以老公全程揍住瞕瞕。瞕瞕竟然突然伏在老公膊頭上訓著左，哈，咁奇怪佢在屋企唔訓，呢度咁嘈竟然訓得著。

以下既內容。。。就自行看圖解讀啦！