有日，在Facebook 媽媽group見到有人提問如下：
我個仔一歲兩個月大，每日已經食三枝奶每次5安，同兩碗粥仔，體重都仲係唔達標，點算？
此話一出，即被其他媽媽狂插：乜你以為你個仔咁就食好多？？應該咁樣咁樣咁樣。。。
的確，瞕瞕現在十個月大，每日固定食三枝奶每次7安，同兩碗爛飯仔（不是粥），有時食飯後會再補返4安奶俾佢，還有一粒笑牛牌芝士，一份果蓉。
比較之下，瞕瞕睇落好似食多好多？但瞕瞕都係僅僅夠重咋！而且我尚在不斷想怎樣可以令他吃多些。所以我好肯定那位媽媽的仔仔一定算食得少，好在佢問一問人，也有很多人教佢點做了，相信她會努力的。
你地既bb情況又係點呢？而家食野食得幾好嘛？
PS. 泊埋爸爸度真係好細粒，竟然被問是否ps過張相，原來我喺人地心目中係咁無聊-__-
瞕瞕單手嘆奶張相好正， 成個濶少咁呀
回覆刪除蛇仔明每日3奶2粥， 奶飲8安， 一份水果， 有時食少少麵包
我覺得每個bb吸收力唔一樣， 而且身型呢啲嘢， 同遺傳有莫大關係， 所以都唔需要被體重同食幾多去困惑自己， 去比較， 只要make sure bb 飲食均衡就ok
我同蛇仔爸都大隻型，
所以可能因此蛇仔明都大件頭啲 :-p
其實bb幾大個，應該食多少，本保健手冊有寫架，瞕瞕食緊最低既份量。by the way, 佢而家識自己渣奶樽，我覺得好方便
刪除瞕瞕歎奶果張相好鬼梳乎呀~~
回覆刪除我覺得BB重唔重真係控制唔到，肚B不嬲都大食，之前曾經上到95%生長線，跟住宜家一路跌，有幾個月直頭冇重過添。但佢仲食緊3餐8安好，2餐碗幾杰粥，餐中間仲食咁食野架！
其實BB發展有太多野可以擔心，所以佢健康活潑的話，體重就唔洗太擔心呢
重點係個媽媽以為自己既bb 點解食咁多都咁瘦，係咪唔吸收？但原來比較之下佢bb食得太少了，吸極都係得咁多，所以佢要努力增加bb食量囉
刪除水晶梨食得仲少呀, 佢病之前, 3奶裡面, 有兩餐係180ml, 一餐係100ml, 加一糊一粥, 每次約一碗咁咋; 我好肯定比其他BB食得少, 但BB唔食都無辦法逼; 有其他方法令佢食多D嗎?
回覆刪除瞕瞕仲衰呀，佢通常食60ml就想玩。。。係我用左汪培珽老師的方法，邊食邊講故仔氹佢，先至不知不覺食到210ml咋，詳情你可睇返我上一篇blog
刪除我有睇呀, 但講故事對佢唔WORK, 我呢一個月以嚟, 每晚都抽少少時間同佢講故事, 但佢完全冇理我, 不斷拍本書D公仔, 有時又想反轉本書.....
刪除可能我在瞕瞕好細個時就開始同佢講，所以佢聽故仔都比較唔抗拒。。。那時他剛滿月，我就拿一些黑白的圖片給他看（聽說能刺激新生兒視覺細胞），其中有一張係太極圖，我就借題發揮，同佢講下張圖片既淵源，又同佢講下媽咪中學時真係學過打太極，而家政府部門做野又成日耍太極，仲有呀，大家樂戈個鴛鴦飯其實都係一個太極圖來的。無乜所謂，難得瞕暲肯聽。講故事一樣，其實成個故事好簡單，但中間我加插左好多野入去，包括動物叫聲既配音，每次去到呢d位，瞕瞕都係咁笑。
刪除哈哈~~~我忍唔住笑左!!點解會問得出張相係咪PS過架!!!!!好搞笑呀~
回覆刪除就係囉，我覺得好無奈，苦smile 😌
刪除暲暲歎奶個樣好大少呀﹗呢D相真係睇極都唔厭，大個就影唔返﹗
回覆刪除其實個個BB都有唔同嘅飲食要求，佢哋食得多都唔代表會重得快，不過唔肯食而食得少的話又的確係幾令大人擔心
我包包都係食得少，厭奶中，每次只飲4-5安奶，所以我唯有加多一餐畀佢，少食多餐。其實依家訊息發達，做媽媽嘅真係要留意多啲bb info啦，無理由食幾多都唔知！
回覆刪除暲暲食既份量ok啊！只要肯食，又食晒就得啦！
回覆刪除一仔個小表姐讀三年级，食成個鐘，又要催先食晒碗飯，所以，我对一仔能又乖又快食晒，但体重只在50%缐，絕对無怨言！