發燒記

bb六個月大開始，母乳中的成份會有所改變，脂肪含量減少，最有價值的依然是抗體。

自從斷奶之後，話口未完，瞕瞕就即刻病左，是流感。早上佢不斷打噴嚏，中午流鼻水，傍晚在家探熱37.5度。

表面上好似只係少少傷風，但跟家人商量後，都係決定帶佢睇醫生，因為覺得佢會繼續黎料。

分流姑娘話37.9度，是低燒。見左醫生便到藥房取藥，有一枝抗過敏收鼻水的藥水，一枝洗鼻液，一盒塞肛。

果然不出所料，半夜兩點聽到瞕瞕叫喊，佢扶住bb床圍欄企起身，兩頭望，係咁搵我。

我幫佢一探，40.1度，不得了！高燒喎。塞左肛，貼了退熱貼，飲水。。。做完呢d野我訓唔返，我終於明點解人地話bb發燒阿媽無得訓，每隔一陣又要再探熱，睇下佢點，原來徹夜照顧一個小朋友真係唔容易。

好在見住d燒半度半度咁退，加上瞕瞕好生性，生病都照顧自己，不斷餵自己飲水，終於臨天光，37.2度退晒燒了。

近期好多人流感，大家都要保重呀！