石村湖公園看夕陽櫻花

上個月先從首爾回來，點解好似事隔久遠咁既？？其中一個原因可能係四月時我仲著住羽絨，但見d朋友仔五月過去已經可以著T恤短褲，不可思議耶。

我同櫻花好有緣份，櫻花期咁短都讓我地遇上，而且我地仲去左三個不同地方賞櫻添：石村湖，汝矣島，梨大。

 

中午時份出發，都唔知轉左幾多條線，搭左幾多個站，黃昏前一刻先到達石村湖公園。

 

我以為呢個時間d人都會歸家去，點知原來好多人都特登黎睇夕陽櫻花。對住個湖睇櫻花真係特別靚，加上陣陣微風，不斷灑落櫻花雨，景醉人醉。