瞕瞕試駕綿羊仔

細佬生左個囡，湊成一個好字，恭喜恭喜，羨慕羨慕。如果我再生個囡，情境應該會係咁。

舅父屋企有很多玩具。處於探索期的瞕瞕，這個摸摸，那個敲敲，反轉人地個地盤。

直至佢發現客廳一角有部電動單車，完完全全將佢吸引住。佢的舉動引來兩個表哥一齊圍住架車，不住打量。由表哥仔做司機，載住瞕瞕轉了幾圈。

後來舅父提議不如抬部車落樓下公園玩，空間更大。d表哥一到公園，興致就去晒滑梯和千秋度。瞕瞕意外地可以獨霸部車一陣子。

阿公好好心機地教瞕瞕操控部車，瞕瞕也很快地學會了。不過佢在第一次嘗試轉彎的時候，由於力度過大，加上速度仍快，人便呈拋物線般跌出車外。

嚇我一跳，我仲諗住瞕瞕會驚左唔肯玩添。點知佢急急腳爬返起身，若無其事地繼續開車，盡顯男兒好勇狠鬥的本色。

瞕瞕非常高興地玩左成個鐘，幸好是在傍晚時份，有點微微涼風，否則我一定會熱死。

到瞕瞕出現疲態的時候，兩個表哥剛好玩完公園的遊樂設施，要攞返架車。瞕瞕也正想交返部車俾佢地，時間真係夾得啱啱好。