戒片之路

因為一場pat pat濕疹風雲，所以推前了幫瞕瞕戒片的時間。

其實兩歲三個月都算係適齡戒片，只不過我唔覺得瞕瞕準備好，就唯有等佢順其自然。

幸而瞕瞕就讀的托兒所在戒片一事上幫了極大的忙。瞕瞕升班後一個月，班主任就同我講，話佢識去廁所，去得好好，但我只是半信半疑，聽左就算。

後來她們留意到瞕瞕的pat pat正在受濕疹之苦，遂強烈建議我們在家不要幫瞕瞕包片，因為佢在托兒所時也根本不用包片。可能看出我有猶豫，她們就一再説瞕瞕真的可以，總之就是不斷地給予信心與支持。

之前買落一些「戒片褲」，實則比「學習褲」和尿片更厚，一直無俾佢著。咁當然又不會讓佢真空，於是重新買了一些普通男童底褲。

每次同佢一齊穿上底褲時，我都會講「瞕瞕大個啦，著底褲，唔駛包片。你急尿時記得講要痾尿喎，因為你無包片，如果唔係就會瀨落地下，濕晒。知道嗎？」當然，我的語氣是溫和的，戒片一事也必須溫和，才有助順利過渡，即使佢真係賴左，我地都唔會怪佢架。

佢實答我知架-__-"

由包片突然變成不包片，我的心情也有些緊張。我在思量，我會因為這件事，每天得要拖幾次地？並且換洗多少套衣服呢？

然而我多慮了，誠如托兒所說，瞕瞕是識去廁所的。佢生理上有足夠的成熟度，識得控制肌肉如何排尿，毎次帶佢去廁所，很快（數秒）就能排出來，我見佢仲會谷下谷下個肚仔，將最後幾滴都排清。

佢還學識了忍尿，當廁所有人，叫佢在門外忍一陣（5至10分鐘）唔係問題。

而且佢仲識在尿尿後，要求由佢自己沖廁所，搓梘液，洗手抹手。證明佢對如廁一事是有充分概念的。

如果能夠全天候戒片，好似一個k1學生咁樣的話有100分，我覺得瞕瞕目前有50分。因為

1）佢很少很少會主動話急尿，唔會叫人帶佢去廁所，只是我準時45分鐘至1小時叫佢去咋，否則仍會瀨尿。這一個星期以來，總共瀨濕了三次。

2）訓覺一定要包片，每次訓醒條片奇重無比。其實有無需要半夜叫醒佢，帶佢去廁所呢？

1）& 2）係咪繼續等佢長大，大個仔就會識表達架？

早前我淘了幾本與戒片相關的故事書。雖然有家長話戒片無可能跟書去學，好似學游泳一樣，就咁睇書邊會識。兩睇囉，瞕瞕就係爭心理戈關，要佢同時明白去廁所的「重要性」，想佢主動表達。因為佢而家似乎唔認為瀨尿有乜問題，甚至瀨左都若無其事，不為所動咁-__-...

專家教路，如果我地想指正小朋友一些行為，直接去指責佢地並唔係一個好方法。比較好的做法是通過故事繪本，例如 "No, David"咁，話佢知David這個曳曳的小朋友，唔食飯，唔收拾玩具，搗亂。。。係唔啱架。咁樣既保護了佢地的自尊心，又可以有空間俾佢地思考是非對錯。

戒片書都係同樣道理，《我不穿紙尿褲啦！》説的是這樣一個故事：有一日鴨仔去豬仔屋企搵佢玩，敲門時豬仔話我去緊廁所唔得閒呀，你自己開門入黎啦。鴨仔就自己入左去，攞豬仔的玩具玩，突然間佢覺得凍冰冰，濕立立，原來瀬左尿呀！此時豬仔從廁所出黎，同鴨仔講我地都大個，要學去廁所，唔駛包片啦！最後鴨仔在好朋友豬仔鼓勵下，也學識了去廁所，佢得到成功感，一腳踢開了尿片，高呼yeah我唔駛包片lu!!!

這是一個相當激勵童心的故事，瞕瞕非常鍾意呢本書。當中情節亦深深印在佢幼小的腦袋裡。每次佢成功去完廁所，佢都會自豪地說「我唔駛包片lu～」每朝早訓醒換條片出黎，佢都會踢開地下條片，扮嫌棄咁話「踢走尿片呀～」

有這種心態是好事，我相信你很快就會真正成功的。