「唔係呀！」「知呀！」

瞕瞕炒翻了隻馬仔，我問係咪你曳曳呀？佢即時否認「唔係呀！」

第一次從他口中聽到這個音節，是一歲一個月，我覺得很神奇。當晚食飯時，99同我講：今朝你個仔幾搞笑呀，我以為佢瀨左屎，自言自語話bb係咪瀨左屎呢，佢好緊張咁答我「唔係呀！」

當時我是不信的，但瞕瞕一聽到阿嫲講緊佢朝早單野，即刻搭嘴，一輪嘴話「唔係呀！唔係呀！x10」

後來我們發現佢一聽到「係咪呀？」呢句野，就會插嘴話「唔係呀！」，哪怕即使唔係同佢講，例如老公問我：「冷氣好似唔涼既，係咪你無關窗呀？」點知瞕瞕代我答：「唔係呀！」笑死我們了XD

一如其他小朋友，這個年紀成日特登掉d野落地，包括餐桌上的餐具，茶几上的搖控，bb床上的毛巾被等等。

由於張被多少有d重量，所以佢努力整左多次才成功將它掉出bb床，一旦得逞他馬上發出奸笑聲。我故作驚訝地說：「唔係呱？」佢又係咁答我：「唔係呀唔係呀」。

呢個仔真係幾活躍，除了喜歡掉東西，還有不停搞搞震整估我地，佢可以推走張餐椅block our way，推走部風扇唔吹我地。。。之類。99會抱起佢叫佢唔好亂搞，一陣整親呀，話要乖呀，知唔知呀？？

雖然可以同bb講少少道理，但我真的萬萬沒想到佢會大大聲答返我地「知呀！」當然佢可能只係跟口水尾，因為答完「知呀！」隔唔夠一陣又會再繼續搞。

不過瞕瞕又好似明明地「知呀！」是肯定的意思。我問佢係咪瀨左ke ke, 係咪想咁樣咁樣，佢都會答我「知呀」。其實「知呀」對佢來說，就是YES的意思。

瘦人的煩惱

這個煩惱應該九成的女性都沒有，不過卻是我心底的痛。咁誇張？係呀。。。其實都壓抑左好多年，不如今日寫出來抒發下。

從邊度開始講起？尋日在Facebook 的媽媽group，有媽媽話自己個bb十個月大只有6.6kg，64cm重，保健醫生認為奀瘦得有點不尋常，需要轉介上山頂醫院做評估，或再搵營養師跟進。

想當年我十個月大時，也是個只有6kg和60cm的bb，我母親一定為此承受了不少壓力。

我將自己的瘦小歸疚於小時候的營養不良，讀書時總是被安排坐在第一排，師長也不客氣幫我改哂d花名「奀滋妹」，「奀滋滋」等等，我內心是非常介意和不開心的。為此我發誓他朝一定要找個高大老公，有了孩子，首要任務就是要讓他吃得好，長得壯，行出黎都自信d。

可惜瞕瞕在這方面也似乎遺傳了我，他食量和睡眠都正常，但一歲保健時卻只有8.4kg，76.5cm，生長線的10%不到。醫生認為唔係幾理想，約我地一歲三個月再覆診（其他bb是歲半）。

這件事又再一次地傷了我的心，一時之間充滿了懊惱，沮喪的心情。

但醫生又覺得瞕瞕幾精靈，反應迅速，聽佢咁講我都有返少少安慰，起碼佢唔係發展遲緩先。事隔一個月，在全家人更努力調配寶貝瞕的餐飲下，我自行在家幫瞕瞕測量，係9.2kg，78.5cm，有少許進展，希望再見到醫生時達10kg吧，這不算貪心了。

講返自己先，我一直懷疑而家比有bb前仲瘦左。結果，一磅上去，唔駛懷疑了，真的瘦左，37.5kg，但我未有bb前是39kg架。

成日都俾人話我無食飯，不過我真係食極都唔肥，而且從來不戒口，無需忌諱血糖、血壓、血脂戈三高。我曾試過在正餐外以加營素增肥，飲左足足一年，先重到1kg，死未？

點解想肥少少都咁難？我真心發誓唔想自己咁瘦的，老公有時會打橫抱起我玩下，有時又話我既背影一d都唔似生過，只有佢先會氹下我開心。

新買蠟筆與瞕瞕的第一張畫作

以前成日在BB店見到，曾以為是疊疊高那一類玩具。

原來是蠟筆來的。

這種造型特點是安全，易握，不像傳統蠟筆那麼容易折斷。

也不會甩色在手，即使吃進肚子也沒關係，是日本製造的，安全程度很高。

上個月攞過出黎俾瞕瞕玩，教他在畫紙上塗鴉。但即使示範了多次，他仍未明白筆與紙的關係，只識得督隻手指落個窿度，或者抓著它在空中揮舞，甚至丟落地下。

事隔一個月，我又巢返出黎，睇下佢今次識唔識畫一條線。如是者，便產生了他的第一張畫作。

我讀過一些相關的兒童繪畫研究，指出幼兒時期塗鴉特徵跟其性格關係。

如果畫出來的線條轉折處尖銳，代表幼兒傾向理科思維發展；

如果畫出來的是圓曲線，則代表富於感情及情緒化的個性；

如出現眾多點結構，是富於理財和精算的特質；

還有就是同時出現曲線，轉折，直線，點結構的塗鴉特徵，此類乃是可遇不可求的多元才華人格，並具有高度協調能力，有眾多比例的外交官和參議員，在幼年期塗鴉作中都呈現了這樣的特徵。

有興趣都可以參考下面這個網址：

http://www.dancingcolor.net/page6.html

大家又覺得瞕瞕幅畫係咩結構呢？請不吝給予一些評價，哈哈。

其實瞕瞕尚年幼(才一歲一個月)不能作準，不過我也有睇定教小朋友畫畫的書，所以我幸運地接觸到<<走進孩子的塗鴉世界>>一書。

真的很佩服日本民族，他們不僅別出心裁地設計了這種蠟筆，就連他們在幼兒繪畫教學這條路上，也有相當多值得參考的心得。

從這本書中，我得到一些新思維和啟發，在這裡分享一下。

1)幼兒塗鴉是一個肢體協調發展的過程，首先是軀幹與肩的協調，然後是手肘的協調，才到手指。讓嬰兒多些機會練習爬行，對日後的繪畫發展很有幫助。

2)不要過早地讓幼兒認字，以免使其產生刻板思維模式，扼殺了他的創意，也不要教他畫形狀，或者叫他照住d咩去畫，這樣等於copy。大人需要做的，只是多為他講故事，讓他腦海產生畫面，再將心中的畫躍然於紙上。

講到底，都係任你自由發揮。

那些重要moment

終於體會到，小朋友每識一樣新野給父母帶來的歡樂。未做父母之前我是不明白的，覺得係時候就自然識轉身，行路，講野。。。架啦，無乜特別。但原來擁有了一個小孩子之後，他的一舉一動，一顰一笑，都佔據和充滿了我們的空間，著實叫人難忘。

我知道我不寫下來的話，始終都是會淡忘，現在就從過去影過的照片當中，尋找一些蛛絲馬跡，來做一個簡短紀錄吧，完成就可開始寫「成長歲月13至15」了。

10d   微笑

11d   食手

2M   趴0係度抬高頭

50d   笑出聲

3.5M  轉身

4M   捉實d野

5M   自己渣奶樽

6M    坐穩

7M    叫「媽媽嫲嫲」，揮手byebye

8M     腹爬，坐變爬，自已食星星餅

9M    叫「姨姨」，扶住企起身 

10M   跪爬，爬變坐，叫「爹爹，哎吔，奶奶，mum mum」

11M   扶住周圍行，搖頭，give me five，塞圓形入洞，扮大笨象叫聲

12M   放返好d野，拍手掌，認香蕉，鴨仔卡片，比，臭腳，講「duck duck，白白，波波，花花，街街」

13M   推車仔行，拍心口代表驚驚，飛吻，頭，分別明白牙刷（放入口），電話（放耳仔邊），梳（放頭上）的用途，講「唔係呀，弊啦」

但至今未識放手企和行 (其實點解咁遲既?有教佢，不過佢唔係好願行，捉住佢行十步左右就縮起腳)

請你食粒糖

你d動作唔好咁浮誇啦，笑si我啦，hahaha。

博命擺甫士同道具影相，每一個表情都係咁可愛。

一歲一個月的小男孩

好同事在瞕瞕出世的時候送左套靚衫俾佢，因為是標準80碼，所以真係要到一歲先啱著，而且而家先得閒影低留念。

以後我每個月都會幫瞕瞕影一輯寫真，以此來紀錄他的成長是我的拿手好戲。希望佢快d識行，咁我地就可以移師室外，暫時我仲未有機會帶大機出街影。


攝影地點依然是我間房，我張床，我鍾意呢度採光比較好。今次輔以一套「字母金剛」作為道具，68蚊人仔淘返黎的，每個都可以變身做超人，俾男仔玩一流。

一落場，首先踩下d玩具先。。。真係頑皮又粗魯-_-"

跟住彎低身執起睇下有乜好玩。

Hihihihi

大家覺得我個表情點？有人話好成熟，有人又話似女仔。

其實條帶好鬆，後面已用扣針扣住都係咁跌落黎。

唯一影到一張有笑容的相。

叻仔~竟然自己識拉機械人隻手出黎。男仔始終係男仔，天生鍾意波波，飛機，車車，拆裝既野。。等等。

佢有佢玩，我有我影，唔望鏡頭都有另一種感覺。對小朋友既攝影應該是全方位不設限的，這樣才夠自然，真實。

壞壞的笑，為甚麼你經常流露這種笑容？說不定日後係泡妞高手。

故作驚訝，演技一流。

吋嘴樣。

Last shot. 謝謝觀賞。