托兒所升大班

七月的某個早晨，瞕瞕起床時喃喃自語地說「托兒所，托兒所，托兒所。。。」

我忍唔住問佢「托兒所咩先得架？」

估唔到瞕瞕一口氣答我「托兒所，朋友多，一齊遊戲，一齊學唱歌。」

我乘勢問佢「咁邊個係你既好朋友呀？」

瞕瞕話「趙芷悠」。

但後來我得知「趙芷悠」原來係一個男仔，所以應該係「趙子由」。

有幾次，接放學時，去街時，遇到趙子由，兩個小朋友見面份外高興。據其家長說，趙子由特別喜歡瞕瞕，經常在家裡提住瞕瞕個名。

瞕瞕又何嘗不是呢？真好，瞕瞕有自己的好朋友了。

托兒所跟幼稚園的學制其實很相似。九月開學，六月學期結束；七、八月是暑假，沒有課程，只有唱遊，學習自理和團體生活，或者簡單點説，而家返去就係玩、玩、玩。

攝於返托路上，瞕瞕每天都是抱著愉快心情上學，邊唱邊跳。

然而在同一時間，我們又被通知，瞕瞕要升班了。讀左一年「小小班」的瞕瞕，適齢升「大B班」了。大B班比原來的小小班多左「美勞」和「手工」兩個科目。期待以後派多d勞作返黎：）

大B班亦要求有更多的自理能力。已經兩歲的小朋友，不能再讓人餵飯了，也開始如廁訓練。日間有托兒所的幫忙，放學後我們主動配合，戒片一事都算有少少曙光。

升班後有不少趣事。新班主任投訴瞕瞕上上下堂成日走左去第二個課室，又八掛去裝下人地課室搞緊咩。不過以我對瞕瞕的了解，佢唔係一個坐唔定的小朋友，所以我找了個機會問他：

「你係咪掛住梁姨呀（舊班主任）？」

瞕瞕率直地答我「係呀，好掛住梁姨」

「所以你走去搵梁姨呀？」

瞕瞕沈思兩秒「嗯。。我調左班」

我覺得很難向瞕瞕解釋調班和新班主仼是怎麼一回事。幸而新班主任會帶他未來一整年，相信瞕瞕會逐漸適應，對新班房產生歸屬感。