走出學認顏色的誤區

關於小朋友幾大識認顏色，其實沒有一個定論。書話2歲半，但很多媽媽都反映自己個小朋友1歲半就識，而我阿妹更加話大仔1歲3個月已識講red and yellow.

本來我一直唔係幾緊張呢件事，直到瞕瞕2歲這一天。2歲的他已識晒26個字母，0至9數字，形狀。。。甚至五邊形、六邊形都識，卻唯獨顏色係完全唔識。就連要佢指認紅色都做不到，問親佢咩色都答你黃色。

學其他野無問題，如果你係我，你也會覺得奇怪。

首先要排除佢係咪色盲定色弱。

參考了艾菲教燒腩仔分顏色的方法。

我改良一下，用疊疊杯+穿鈕，這些都是家裡的現成玩具，而且幾乎沒有色差。我將紅黃藍綠四種顏色的疊疊杯排成一列，再將一堆紅黃藍綠四種顏色的鈕交給瞕瞕，示意佢分d鈕去相同顏色既杯度。

瞕瞕完全明白個遊戲係點玩，佢準確並快速地分了一次又一次。證明佢視力正常，不過佢仍然講唔出咩顔色。

為此我又找來很多其他輔助教具，包括：掛圖，分類卡，地板書，顏色筆。。。等等。總之能試的我都試了，可惜結果還是一籌莫展。

終於我捜尋到一篇關於幼兒顏色認知的學術性文章，我先知道原來一路以來用錯方法，帶瞕瞕陷入一個學習顏色的誤區。

這篇文章使我得到莫大裨益，所以在這裡與大家分享一下。

首先從腦神經科學說起，幼兒對顏色的認知是有規律發展的：紅-黑-白-綠-黃-藍-紫-灰-啡。只要遵循這套規律，學習的效果將是事半功倍，而且不易忘記。

剛開始教小朋友認顏色的時候，要注意的一定是方法。以第一種顏色「紅色」為例，應當盡可能地從生活中找來紅色相關的東西，加深認知。其他不相關的顏色不要提。

配合蒙特梭利「三段式」教學法，steps如下：

1）「瞕瞕，呢個係紅色」prefer 佢會觀察。

2）「邊個係紅色？」prefer佢會指出來。

3）「呢個係咩色話？」prefer佢會講到紅色。

「呢個」可以係紅色的蘋果，紅色的花，紅色的衣服。

當呢3個steps都做到，接著就用「是非強調法」。話俾小朋友知，呢個「係」紅色，呢個「唔係」紅色。通過「係/唔係」來強調一個知識點 -- 紅色。等佢不論看見甚麼，一眼就可以分辨出紅色。如此類推，就係用呢種方法，再教另一種顏色。

千萬，千萬不要用填鴨式，一股腦兒地教小朋友，呢個咩色，戈個咩色，根本一下子接受唔到咁多，只會混淆。最糟糕的是，顏色概念一旦混淆，非常難去糾正。

當時我就係犯左同樣愚蠢的錯誤。我對住疊疊杯d鈕，一次過同瞕瞕講呢個紅色，呢個黃色，呢個藍色，呢個綠色。。。佢似乎撞手神答到咩色，但往後再問起，又答錯晒，模棱兩可咁。諗起都痛恨自己用錯方法，白費時間心機之餘，仲愈教愈模糊，把瞕瞕向誤區愈推愈深。

幸好發現到真相後，我立即調整了新方法，為時未晚。頭三天我只俾佢認「紅色」，確保佢鞏固了，再一種一種顏色去教佢。

佢現在能夠準確地描述顏色了。問佢波鞋係咩色，佢答「有d藍色，有d橙色」

由於學會了分辨顏色，我也見到瞕瞕在油顏色方面有顯著進步。畫冊左上角有提示用色，瞕瞕識跟住在盒顏色筆中揀啱戈種顏色，同時，佢亦逐漸成為「生活中的觀察者」，佢有意識地將葉子油綠色，提子油紫色。

剛過去的父親節，托兒所派回一份勞作，是一張父親節卡。對於一個只有兩歲多一點的人仔，我覺得油得幾好。佢識得頭髮油黑色（我第一眼注意到的是頭髮），小朋友件衫油佢最鍾意的橙色，daddy件衫油藍色，份禮物油紅色！I love you三個字油得特別有意思：）

由瞕瞕點學都唔識，到之後在極短時間內熟練掌握了十種顏色，真的要歸功於科學方法。