而為了欣賞這個奇景，我在凌晨六點才捨得睡去，九點多又自動醍來了。我也不知道孕晚期為什麼可以只睡那麼少，也許是為了下一個月無得訓做準備？
等到十二點半出門，雨還未停，但要動身前往衛生中心，做產前的最後一次b超檢查。原來呢個時間係無咩人的，等左十分鐘，第二個就輪到我了。見到前面個媽媽神情愉快地從掃描室走返出黎，想必一切很順利吧？唔知一陣醫生又會同我講d咩呢？
傳說中的林果醫生一臉孩子氣，她從掃描室探頭出來喚叫我的名字，我還以為她是護士。她示意我將手袋放在椅子上，褲子退到胯部，然後她親自拿過一條薄毛巾蓋住我的腿。
她輕輕地坐在我床邊，語氣溫柔地向我解釋今天的b超檢查，目的是睇胎兒和胎盤位置，羊水深度，還有預估嬰兒出生時的重量。
"bb已經調左頭仔了。" 醫生宣佈著，哇，這竟然是真的。
因為這幾天都感覺bb努力轉動身體，可能佢想調頭，而此刻的b超結果證實佢已成功，YEAH。
接下來她都是全神貫注地望住屏幕畫面(我訓低的角度是看不到的)，逐樣逐樣地對我說，頭仔，手仔，腳仔的位置分別在我肚子裡的哪一方。她主動說bb剛剛張開了嘴，清楚看到顎間沒有裂縫，再一次確定了不是兔唇，並且再一次確認了性別。
"哎呀，bb隻腳仔踢緊你喎~" 她半掩著嘴笑說，目光流露住一種孩童般的純真，探頭順帶移動到我肚子的右上方，哈，就是這裡了，經常被踢到飛起的，我也回應了她。不知道交的是甚麼好運，經常都是遇上這麼好的醫生，雖然為了約佢，而搞到返工有d趕頭趕命，但我覺得都是非常值得的，感恩。
目前bb有2300g，5磅左右，醫生話唔駛特別去食d咩野谷肥個b，預計出世時有6-6.5磅，是正常的，對我的體型來說也比較好生。
起碼可以試順產了，內心的壓力一下子釋放了不少，仲差d開心到連交返公司既醫生紙都唔記得寫。我將此一好消息在facebook分享，馬上收到73個讚好，各方好友都替我
。- 留言者: 黎生黎太
- Email: py_chung1030@yahoo.com.hk
- 網址:
- 日期: 2013-04-20 06:08:34
- 留言者: Mandy
- Email: mandy8355@yahoo.com.hk
- 網址:
- 日期: 2013-04-17 18:01:54
[版主回覆04/17/2013 19:00:08]哇, 真係足晒月喎~
- 留言者: 大小姐
- Email: wing_smallsammi@yahoo.com.hk
- 網址:
- 日期: 2013-04-15 13:43:42
- 留言者: Oi Yee
- Email: oiyee_uc@yahoo.com.hk
- 網址:
- 日期: 2013-04-15 09:25:17
香港冇乜特別都冇ultra sound 照架
我都係訓得好少又好差....不過距離bb 出世日子不遠喇, 一齊加油
[版主回覆04/15/2013 14:20:19]oi yee, 我3次在政府既免費b超都用到, 只因為我早book咋, 我4-5weeks時就book定晒架嘞. 好多人都仲以為我識人添, 其實唔係呀. 不過澳門用唔同既區份, 分左好多間衛生中心, 的確唔係間間都有醫生個喎, 我覺得呢方面我就真係幾好彩既.
[小妹回覆04/15/2013 13:58:08]oi yee, 我好你小小, 結構政府有期俾我~
不過去健康院, 姑娘用手摸2下就話bb size o岩, 真係好不可意議~
[Oi Yee回覆04/15/2013 12:15:00]3 次好好呀
我政府幫我照咗一次咁大把咋, 就係度頸皮, 結構佢要我自己出去私家俾錢照添呀
平日檢查, 都只係見姑娘, 冇醫生見, 調頭都係靠姑娘用肉眼睇完講架咋
日子越嚟越近, 我開始好緊張喇
[版主回覆04/15/2013 11:10:39]係啦, 我都覺得而家的醫療進步左好多. 我地都唔會成日做ultrasound ga, 整個孕期就只有3次而已. 第1次度頸皮, 第2次照結構, 第3次睇下bb調左頭未囉. 因為醫院方面一直都計早左我1週, 所以佢地當我而家36週, 仲同我講37週(即下星期), bb有可能隨時出世. 你話我幾緊張呢~ 到時再post產經上黎啦, 加油加油!
沒有留言:
張貼留言