37w1d：驗b鏈

一早都知道有呢樣危害到bb嘢既存在，但因為我跟開衛生中心並沒有把它作為常規檢查，需自費去另一間醫院或私人驗至有，感覺程序上有些麻煩，而且有又點無又點，都唔知山頂是否會幫我跟進，所以唔係太緊張（緊張都無用。。。）



但尋日晏晝一個大學同學打俾我，同我交流陀b心得，傾開呢樣野。。。最後我都決定自己出去驗。無事由自可，一旦不幸中左，bb就有機會通過產道感染腦膜炎或肺炎，後果非常嚴重，每年都有幾單致死率。

反正我而家仲有時間走去驗，如果我唔盡力做晒所有可以保護bb既野，我個心始終會唔安樂。



於是今朝6點鐘就要起身，同時睇衛生中心產檢和鏡湖驗b鏈，搞到成11點幾先走得。份報告需時4，5日至一個星期，希望咩事都無啦，就算真係中左，原來都可以叫山頂在生之前幫我吊針預防感染bb架。不過萬一bb呢個星期突然出世，咁都黎唔切等報告同吊針消菌，只可。。。怪你太心急了。

---

• 留言者: 大小姐
• Email: wing_smallsammi@yahoo.com.hk
• 網址:
• 日期: 2013-04-29 16:14:33

其實呢隻菌可以時有時無架..你驗果刻無唔代表生果刻都係無..相反..你驗到有生果時又可能無左...所以真係睇彩數..我寧願佢話我知有..到生之前打定抗體呀...我8/5先睇報告
[版主回覆05/06/2013 20:16:03]我個b鏈報告passed左LA，放心晒，你都ok ga，唔駛太擔心~
[大小姐回覆04/29/2013 17:59:37]唉..健康院響我35week時已經驗左
[版主回覆04/29/2013 16:50:19]醫生都係同我講時有時無, 不過一驗到有, 是會存在兩個星期, 咁我兩個星期內是一定會生的, 所以先在37週驗, 老公仲成日問我點解上星期唔驗, 戈時我先36週, 佢甚至問我點解未有bb戈時又唔驗, 戈時驗有鬼用咩! 其實隻菌對我地大人一d影響都無, .. 總之我覺得而家驗就最合適嘞!