即使預產期遇上母親節，但很顯然bb並不打算在這天出來。而我聽從衛生中心醫生指引，就算沒有任何動靜，都要照上山頂醫院做胎監檢查。
姑娘話我肚仔好細喎，祝愿我能順產。我都相信我得架，多謝你先
綁好胎監帶後，平躺在婦科急診張床度，為了保障各人私隱，四面拉起左布簾，不過依然可以從對話中，探聽到隔離床發生既事。
個案一
醫生正準備幫隔離床戈位太太做內診，護士在旁宣讀出她的孕育史，"第一胎在鏡湖生，開刀，而家第二胎，己足月。"但她似乎扭扭擰擰，使醫生因此失去耐性，"乜見紅唔做得檢查架咩？乜見紅唔生得仔架咩？咁你入黎做乜架？" d語氣好似好惡咁，好在我唔係跟呢個醫生架姐，事實上跟邊個醫生又無得揀。
個案二
另一位隔離床個妹妹仔由救護車送上來，原來她在進行公職考試期間，因M痛而昏倒。我身邊都有唔少人參加今朝這個考試，是政府有史以來最大的招募，但可惜她就因為這樣，而失去了一個千載難逢的好機會，突然覺得做女仔都幾唔著數。我都試過讀書時因M痛而提早交了卷，否則會更高分，所以都頗同情佢既處境。
講返自己先，事實胎監一做就至少三十分鐘，有少少無聊，所以先會八卦下人地d野。
我今次自行學識睇部機的紀錄了，上面那行顯示bb心跳，下面那行則是宮縮。三十分鐘內，bb的心跳都在150咁上下，每當有胎動時就升到160；至於宮縮方面，從峰值看來，有2次比較明顯但強度一點都不大的宮縮，距離十分鐘有3次痛感宮縮的收院標準真的還差很遠，無限遠。。。
胎監完成後就是醫生親自內診，我覺得還好吧。之前講座姑娘教過我地，要張開腿，深呼吸，過程得10秒左右，其實無乜野咋，愈驚痛先會愈痛。醫生話我宮頸未消(未變短)，宮口也半度未開，只是做過內診有可能會導致一點點的落紅，為此佢寫左一日假比我休息，但佢又叮囑我放假都唔駛卧床，反而要行多d喎。
既然都完全未有要生既跡象，當然係歸家等待。接住落黎既安排係下星期日9:00am再上去做催生，要執定少少行李，即個人護理用品戈d，不同於走佬袋，因未能預計催生過程會係幾耐，幾多個鐘，一日定兩日，最後究竟會唔會開刀。。。
- 留言者: 周師奶
- Email: cmchau27@yahoo.com.hk
- 網址:
- 日期: 2013-05-13 16:56:33
- 留言者: 傻婷
- Email: g_annali@yahoo.com.hk
- 網址:
- 日期: 2013-05-13 10:29:42
- 留言者: Oi Yee
- Email: oiyee_uc@yahoo.com.hk
- 網址:
- 日期: 2013-05-12 21:13:14
我最返唔敢太熟睡， 怕BB 半夜要來， 係咪好低B？
[Oi Yee回覆05/13/2013 21:23:05]我有時不時追你個BLOG 架！！！
有啲差唔多時間生嘅媽媽交流吓感覺真係好好架
不過都預咗生咗後大家都會疏啲UPDATE。。。。。但我都唔會放棄BLOG 嘅
加油努力， 期待你嘅好消息
[版主回覆05/12/2013 21:35:25]多謝你仲有留意我既存在，留言比我呀！近日我已同好多5月媽媽失去聯絡，因為佢地都去左生bb。。。令我相對之下有d失落
我一晚都至少醒兩三次，急尿去廁所。
不過我又唔驚半夜作動自己唔知喎(事實大部份都係半夜作動)，我而家最有可能面對既係催生。你都唔怕啦，一出現3大產兆去醫院檢查咪得囉，唔會話一作動就即生既。
沒有留言:
張貼留言