39w1d：沒有產檢的星期一

為了預約到一位好的醫生，在這十個月裡面，我刻意選擇了星期一作為定期產檢日 (因為我知道該天有我心目中的醫生當值)。所以雖然星期一是我的例假，但很多時我都是犧牲了這天的自由去做檢查。


連續工作六天才換來每次的星期一休息，你說代價是不是很大呢？


而自從在上週被通知，那是我在塔石衛生中心做的最後一次產檢，之後我都是要靠自已作動生bb，若逾越預產期就自行上山頂醫院評估做催生。結果就是山頂認為我可以等多一週，吩咐我時刻留意產兆和胎動，便差遣我回去了。


於是今天星期一又未生得，又無產檢做，真係有d唔慣，有一種失落的感覺，唔知可以同邊個傾訴。。。


朝早一起身我獨自一邊食早餐，一邊用iphone狂睇人地的生仔經驗blog，同時認真研究一下餵母乳既事項。一直等到11點bb店開門，我動身去買左枝羊脂膏，同埋一盒有機多奶茶，為我的母乳之路做好準備。跟住又去左便民藥房買薑精洗頭水。究竟我仲有咩要買呢？係咪一旦生左bb，我就真係度度都去唔到，咩都要假手於人呢？


到了下午，終於破戒在小泉居買左杯珍珠奶茶，之前好驚呢d台式飲料會影響到bb仔的性器官發育，而家仲有幾日就要生，應該唔怕啦呱？


幾日之內，bb又會㨂邊日出世呢？若然真的時候到，希望bb你會給我強一點的暗示吧。

---

• 留言者: BY
• Email: ricky3846@yahoo.com.hk
• 網址:
• 日期: 2013-05-23 18:15:49

點解飲台式飲料會有影響？
[版主回覆05/24/2013 21:21:23]驚有塑化劑嘛~