我QQ加入左一個叫做 "5月媽媽群" 的群組，可以同同期媽媽分享孕育心得，而d媽媽係來自五湖四海既，大部份係國內，都有香港同深圳。
而因為5月差唔多過左一半，其實已有多位媽媽生左。今日就聽到一位媽媽講述佢既故事，我覺得超級無敵勁搞笑，佢亦唔介意，所以我在這裡分享下：
話說佢3日前生左，而家開始上奶，但佢既b仔因為黃疸而要繼續住院照燈，所以佢需要泵奶出來交給院方去餵。
佢人留在家中坐月休養，買泵奶器一事便交託俾佢老公做。佢同老公商量，因為bb已出世，開支會愈來愈大，樣樣野都要慳d，泵奶器有分電動同手動，買手動就得嘞。佢同老公講泵奶器除左部機，另外仲要買d一次性既袋既。
跟住佢老公買左返家，佢一睇就激到喊左出黎。。。
哈哈，我都唔知點解會咁。佢老公分別買左一個漏斗，一個吹塵用既泵，同埋一疊保鮮密實袋，如下圖：
呢堆野點樣用黎泵奶喎？？！！自制泵奶器咩？囧。。。
其實佢心裡面都知老公係自作聰明，但佢老公堅持話係去到店裡面，店員賣俾佢既，產婦生完好累好辛苦，好易有產後抑鬱，於是兩個人就吵架。
第二次佢老公又出去買錯左d唔知咩返黎，要個媽媽第三次自己出去買先買到。
就係咁，坐月只有幾日便喊左幾次，另一位媽媽回應：男人懂買個屁。。。
餵人奶既媽媽真係好偉大架，中間亦可能有唔少既挫折，而家位媽媽已解決左問題，回頭想想都算笑話一則，佢講出黎同我地分享下，輕鬆下，鼓勵我地都餵人奶。
PS. 我好肯定佢老公根本無去bb專門店，而係去左雜貨舖之類啦，男人真係識買個屁。。。haha XD
我老公都有買錯過ga，其實係個sales比錯佢，但如果我有在場一定唔會錯。佢講到明要買樂活枕枕套，個sales都比左另一個牌子佢，仲話淨返最後一個。事實佢地樂活枕枕套根本無貨，所以亦無得換，只能用同樣價錢換返第2 d野囉。。。
沒有留言:
張貼留言