正當我的大腦不停地運算著這些時分秒，突然傳來輕微的卜一聲，下身有股細細的暖流。我馬上禁鐘，頭先個姑娘連同助理以9秒9的速度衝進來，緊張地問我甚麼事，我說穿左水。她們檢查後證實是穿水，幫我換上成人紙尿褲做內診，原來開到5-6度了，隨即下令：現在開始你唔可以落床，如果想去大小便都要禁鐘叫我地，會給你一個便盤躺在床上解決。
此時bb的胎動非常活躍，我輕輕地撫摸著肚皮，一種唔捨得既感覺湧左出黎。果然，在之後的數個夜晚再沒有那習以為常的胎動，心中帳然若失。曾經老公問我，點解會有穿水呢樣野？係咪因為bb心急想出黎，踢爆左個胎囊呢？哈哈，都幾佩服他的想像力。
根據很多人的經驗，穿水後痛得特別明顯，連我也不例外。陣痛來得這麼急這麼密，單單深呼吸已經不夠用了，於是我嘗試呼吸法中的"吹蠟燭"，哈-呼-哈-呼-哈-呼。。。又有很多人說，到時根本痛到咩都唔記得，只會慌亂地大叫大喊。我覺得不是這樣，呼吸法的運用必須持之以恆，集中精神轉移注意力，起碼能有效地減輕7-8成的痛楚。真心很慶幸自已學過這一套系統的"拉梅茲分晚呼吸技巧"，否則如果甚麼也不懂，都不知道怎樣去克服那劇痛時刻。
雖然說得輕鬆，可是我還是有一定程度的害怕。真心覺得很痛，至於要痛多久，我心裡面也沒底。我感到前所未有的孤單，這是我識左老公以來最想念他的一個晚上，為甚麼bb是我們共同製造，但到最後關頭卻要我一個人去面對？我不禁向天花板發出這樣的疑問。這一刻整個產房都好像沒有了人影，隔離床產婦沉沉入睡，聽到她的鼻鼾聲更加顯得我在孤軍作戰。
然後我唔知道自已係真係急尿，定係想搵個人睇下我，我禁鐘叫左姑娘入黎話佢知我要小便。轉身她便給我一個便盆，叫我完成後再叫佢地。我努力左好耐都解唔出，耐到姑娘主動地入黎睇下我搞掂未，她按壓我的肚子說真的有一泡尿，需要完全排空，否則膀胱會跟子宮對搶位置，延長產程。於是我再試下努力下，又係好耐都唔得，我甚至抬起身望下便盆，睇下有無可能已排左自已都唔知。哇！便便就無，竟然痾左好多血出黎，嚇到我暈暈地，最後都係由姑娘幫手插導尿管解決。
小便事件搞左一輪之後，我繼續用呼吸法同陣痛抗衡，我眼尾描到部機的宮縮指數密左超多，平均1分鐘有一次宮縮，每次持續60秒。我的哈-呼-哈-呼-哈-呼要數夠60下，才能迎來1分鐘的歇息。請問這就是陣痛的極限嗎？我幾乎把持不住，不斷地幻想從醫院個窗口跳落去解決一切。
這種鑽心的痛使我的手指忍不住狂禁鐘，另一個姑娘入黎問我乜事，她是臉帶點方，鬈頭髮，樣子很有威嚴的那種。我求其答佢急大便，唔通答佢好痛唔知點算所以禁鐘睇下可以點咩，實俾人鬧死。幸好她按照常規幫我內診，才發現開左9度！！
她說：好啦，俾你痾下啦，一肚痛就大力痾，唔痛既時候就停，唔好晒晒自已d力。於是每當那要命的陣痛一來襲，我便抱緊自已的大腿，使勁地痾幾下，我發覺陣痛配合這種痾的動作，很快就變得唔痛，但當然，要姑娘話痾得的時候至好痾，否則太早用力宮頸就會水腫，仲會夾親bb個頭。
這個姑娘的語氣裡有一種命令色彩，很神奇地你又會完全信任她，按照她的意思來做。她很滿意我的表現，不停地讚我乖和好叻，畢竟我完全無亂嗌過。誘導左一陣間之後，她說：我-等-你。我一時也意會不到她強調等我是甚麼意思。但見她走到隔離床，對另一個產婦說：如果你等陣覺得驚，可以出去外面迴避一下架。她剛說完那個產婦便急急腳走了。我才知道她等我是指不會離開這間房，會一直守在我身旁，直至我完成分娩為止。其實我好驚開到10度時，周圍都無人睇住我，痾左個b落地下。那一刻我充滿了安全感，十分十分感激她告訴我這個，令我覺得自已要爭氣不能辜負她的期望。
終於10度開全了，要來的終於要來了，開頭戈位姑娘同助理亦都走返入黎幫手，成間房有3個人對住我1個。張產床即刻變身多左個鐵柄扶手同腳踏，她教我借助每一次宮縮的機會，用力拉緊扶手和撐住腳踏，深深地吸一啜氣，緊接屏氣數10下必個b出黎，同時要我下巴貼緊心口，目光望住她的方向。
開頭戈兩次宮縮我照住佢講既做，但我好快就知道自已唔夠氣，盡力都只能數到6-7下。姑娘說本來能見到bb的頭髮，但我未數到10下就停，又縮返入去了。我非常沮喪，不停地自言自語，唉我唔夠力生呀，點算呀。。。說的時候眼角已泛起了淚光。姑娘很好仍在不斷地鼓勵我：唔係呀，你做得好好，好叻，好叻。。。說罷她幫我插了鼻管，讓我吸到清新的氧氣，才得以繼續發力。唔知道在古代咁樣唔夠氣生算唔算難產？
她走開再拿著手術剪刀過來，被剪的𣊬間已沒有感覺，我指生理上感受不到痛楚，心理上又感受不到害怕，都折騰了這麼久，只想快點與bb見面。
另一位姑娘則站在床頭幫我擦掉臉上的汗，同時間一大團東西從我身體滑了出來，在緊接著的一秒聽到很響亮的啼哭聲，我放心了，是肺功能健全，有氣有力的孩子。
幫我接生的姑娘衷心地說了句：恭喜你呀下。隨即剪斷了臍帶，交給另一位姑娘抱給我看，問我仔定女呀，之後就放在我心口上，話bb暖笠笠，係咪給你很多溫暖呢？
之前我成日都以為，同bb見面的第一刻一定會感動到喊，但原來真係好累，而且我仲吸緊氧咋，奄奄一息就真。
若說產程的第一步是陣痛，第二部是分娩，那第三部就是排出胎盤。在胎盤自然娩出後，姑娘將成隻手伸晒入去巢，又從肛門檢查了一輪，說我還要躺在這裡觀察兩小時，看子宮的收縮情況，有沒有大出血之類。
就這樣，bb伏在我心口上，我倆的體溫與呼吸緊貼著，轉移了注意力再完成縫針等程序。姑娘對我說我的皮膚不是很好，需要用外縫線才能讓傷口癒合，亦即6天後我要自行回去拆線。
bb被抱走了一會，沖涼著衫同埋打針針，然後放進bb點心車裡靠在我床邊。在這兩個小時裡，bb的哭聲未停止過，他的手腳也在不住地揮舞，小嘴吧一吸一吮的，這是嬰兒的自然本能，有見及此，我問姑娘可唔可以俾我餵下佢？姑娘說頭先你又話好累？而家已是凌晨4點了，等陣推左落產後房等你訓醒，先教你餵啦。
臨推落產後房之前，姑娘幫我打俾老公通知佢我生左嘞。時間配合得剛剛好，老公剛好趕到出現在產後房的走廊上，雖然我是躺著的角度，但仍能清楚地看見老公如此真切的笑容。他是那麼緊張，期待，興奮。。。此時我們三人的心是連在一起的。
- 留言者: Gen
- Email: genienie@yahoo.com.hk
- 網址:
- 日期: 2013-07-22 12:39:48
- 留言者: Mi Mi
- Email: wong_ju_lee@yahoo.com.hk
- 網址:
- 日期: 2013-07-20 15:11:14
[Mi Mi回覆07/20/2013 22:21:44]12個鐘???..ok i will try try
[版主回覆07/20/2013 17:28:18]係呀我行好多ga, 比一個唔係懷孕的人行得還要多，因為我係行路返工，放工的。生之前戈2日，我更行左12個鐘，就係特登想行到bb易出d，醫生叫我咁做的。
- 留言者: Carmen
- Email: carmen23770@yahoo.com.hk
- 網址:
- 日期: 2013-07-09 18:09:48
[版主回覆07/09/2013 21:15:05]最痛當然是陣痛啦! 講明是10級痛楚嘛.. 你既問題令我諗返起當晚, 在家樓下等的士的時候, 全然不知自己已經開到4度. 因為對很多產婦來說, 痛左1日1夜先竟然開得1度, 甚至1度都未開
- 留言者: Carmen
- Email: carmen23770@yahoo.com.hk
- 網址:
- 日期: 2013-07-09 18:08:37
[晶素貝回覆07/25/2013 17:54:51]我都覺得睇完呢篇好感動呀!! :)
請問呼吸法可以點樣去開始學呢?
[版主回覆07/10/2013 01:08:05]趁而家仲有時間, 快d學習, 練習呼吸法啦, 對順利的順產來說, 真的好好好好好有用. 講真我戈時最驚就係在生產過程中, 有意外情況, 助產士突然同我講, 要捉你去開刀. 所以無論點痛我都頂住, 我張床隔離有個窗, 在最痛戈時, 我有d意識分亂, 不斷幻想跳下去解決一切的.. haha, 希望唔好嚇親你
- 留言者: 柑柑
- Email: helloiris@yahoo.com
- 網址:
- 日期: 2013-06-20 17:15:40
[版主回覆06/20/2013 17:20:51]thanks
- 留言者: Shelley
- Email: goldentabby2005@yahoo.com.hk
- 網址:
- 日期: 2013-06-15 23:51:17
[版主回覆06/18/2013 15:50:33]多謝你呀, 係真架, 希望都快d聽到你地ga好消息啦, 一齊分享下嘛~
- 留言者: Snow
- Email: suki_hkhk2005@yahoo.com.hk
- 網址:
- 日期: 2013-06-11 11:33:41
你好叻呀, 希望我都忍受到呢d痛楚!
[版主回覆06/11/2013 12:10:10]如果你打算順產, 真係建議你學習下呼吸法, 同時多d在屋企練習, 真係work ga!
- 留言者: 水太太
- Email: tobi_tam@ymail.com
- 網址:
- 日期: 2013-06-10 22:47:12
[水太太回覆06/13/2013 19:42:41]咁我多啲黎撐下你啦！新手媽媽要加油喲！
[版主回覆06/10/2013 23:07:57]好多謝你不斷咁留言比我呀，我本身有一班同期既blog友，但而家個個都忙於生產同湊bb, 已好少再上黎交流，有d失落。 多左你黎探訪，即時有返d心機：）
- 留言者: 檸檬BB女
- Email: joyce81580@yahoo.com.hk
- 網址:
- 日期: 2013-06-10 16:35:25
睇到我好緊張..同埋好似好感受到你果種痛...
我希望到我生果時都順順利利喇!!!
[版主回覆06/10/2013 21:05:21]時至今日為止, 我已經忘記左當天大部份既細節啦, 好在我有即時寫低我既心路歷程咋, 就係為左比自己將來回憶一下
我祝愿你都順順利利丫
- 留言者: 小小媽媽
- Email: tamhiumei@yahoo.com.hk
- 網址:
- 日期: 2013-06-02 12:05:31
[版主回覆06/04/2013 12:20:45]haha... 無嚇親你呱
- 留言者: 艾利絲
- Email: irischow_2000@yahoo.com.au
- 網址:
- 日期: 2013-05-29 17:39:39
[版主回覆06/01/2013 16:13:08]thanks for visiting my blog
- 留言者: 黎生黎太
- Email: py_chung1030@yahoo.com.hk
- 網址:
- 日期: 2013-05-29 08:04:52
[版主回覆06/01/2013 16:13:48]唔會啦, 我知你一定捱得到既, 我幾乎睇晒你成個blog嘞, 覺得你係一個既溫柔又堅強的媽媽
- 留言者: BY
- Email: ricky3846@yahoo.com.hk
- 網址:
- 日期: 2013-05-26 23:08:13
BTW解婭笑氧螹？
[版主回覆05/26/2013 23:34:29]尾2小時觀察，
[版主回覆05/26/2013 23:33:32]係呀我都估唔到痛左2個鐘就生左（我在產房6小時，頭2小時訓教，尾2小時訓教，真正痛只有2小時）
聞笑氣同打無痛分娩針都係主動要求至有，但我阿妹話佢聞左笑氣並沒有止痛，只有頭暈，在又暈又痛的情況下生仲慘，而且後遺症係戈種頭暈感覺直至坐完月先消散。。。聽落幾恐怖，所以我堅持無用。
[BY回覆05/26/2013 23:09:23]BTW，點解冇笑氣聞？
- 留言者: 傻婷
- Email: g_annali@yahoo.com.hk
- 網址:
- 日期: 2013-05-26 21:53:02
[版主回覆05/26/2013 23:06:46]我被剪時有注射麻藥，縫針時藥效還在所以不痛。但因為我用的是外縫線，傷口超痛，好幾次老公留意到我面青，我話傷口太痛。今日產後十二朝嘞，仲痛緊。。。
[傻婷回覆05/26/2013 21:53:26]係加油！
- 留言者: 周師奶
- Email: cmchau27@yahoo.com.hk
- 網址:
- 日期: 2013-05-26 20:59:34
[版主回覆06/01/2013 16:14:10]謝謝你有一直追看呀
- 留言者: Oi Yee
- Email: oiyee_uc@yahoo.com.hk
- 網址:
- 日期: 2013-05-26 14:54:09
恭喜晒
[版主回覆06/01/2013 16:14:36]我都等緊你篇新blog, 希望快d有得睇~
[Oi Yee回覆05/26/2013 21:20:43]字裡行間都好感動呀， 因為睇到你好堅強， 為咗BB 乜都唔驚排除萬難咁
真係好感動呀
我但願我有你一半咁堅就好喇
今日逾期第一日，我開始等到好心急喇， 個人成日胡思亂想
希望快啲到我有分享啦
你要保重呀
祝湊B順利
加油
[版主回覆05/26/2013 16:13:53]多謝你又來visit我呀！post左呢篇野上forum之後，好多人都留言話感動同眼濕濕，其實我想問下，你最有感觸係邊part呢？
每個母親都係咁偉大的，遲d你都會經歷到，加油呀！
沒有留言:
張貼留言