可怕的疹

半夜瞕瞕突然喊左幾聲，跟住山泥傾瀉般嘔，嚇到我傻，全部枕頭，床單，衣物都有，整張小臉也被埋沒在嘔吐物中，一家人緊張得不得了。瞕瞕看來也受了驚嚇，眼神透露著恐懼和無辜。。。可憐的瞕瞕。

接著第二日他失去了胃口，半夜如是再嘔一次，我又要照顧他，又要清理現場，做到人都顛。

由於他滴水不沾，我本來諗緊有沒有需要帶他到觀察室打點滴補充營養，幸好第三日他回復了精神，不過開始肚痾，痾水。

期間當然有睇醫生，幾乎每天轉一個醫生，山頂，鏡湖，私人都睇勻。而醫生們均認為瞕瞕沒有發燒，精神狀況良好，認定沒有大礙，開左d消化酶之類就打發我們走。

但瞕瞕變得好凍，量度體溫果然得35度，同一時間係咁出冷汗，唉，原來35度同40度一樣咁令人擔心。於是又拜訪急診，醫生竟然話「凍就著多件衫，盜汗就睇中醫調理」。連日來睇了咁多醫生，我都覺得無咩用，莫非生病這回事，只能自求多福？

好不容易過了一個星期，瞕瞕終於好返晒。但此時卻發現佢隻手出左幾粒疹，初時以為是蚊叮蟲咬，怎料愈出愈多，層層疊疊，觸目驚心。唔知既真係以為佢有嚴重皮膚病，會傳染。

由於我了解佢成個病程，又觀察到佢d疹只出在手腳部位，不痕不癢，所以我覺得似病毒疹。如果是病毒疹，其實無乜大礙，因為出疹已是最後排毒階段。

但99覺得似水痘，因為痘痘入面有水泡，所以我唯有帶瞕瞕睇一睇醫生。（即使有打一歲水痘針，依然有機會出水痘的，只是症狀輕微些罷了）。那天掛住八號風球，我險些俾街上一塊飛起來的鐵皮打中，加上天雨路滑，我突然跣倒。。。天呀，我仲陡手抱住瞕瞕添。

我用盡全身之力平衡身體，好在只是單膝跪地，瞕瞕毫髮未傷，但都嚇si我了T.T

到達醫院，兒科醫生一口咬定不是水痘，亦不是手足口，唔知係乜，便轉介我們睇皮膚科。皮膚科醫生一樣話唔係水痘，解釋我知水痘會出在軀幹上，而非四肢，話係俾野咬，開左「爐石甘洗劑」搽皮膚（粉紅色類似熱痱水）

眼見d疹咁多，點搽都唔係辦法，於是又睇左另一間醫院。急診醫生跟兒科主任都認為是一種過敏反應，建議食藥去控制蔓延。我都同意咁做。總之用左過敏藥之後d疹真係停左，又或者d疹出到咁上下自己停左。

講起過敏，我決定幫瞕瞕做個過敏測試。我找了間設備齊全的私人診所，承惠1000元，抽血化驗後，報告話12類食物中，瞕瞕只有1類唔過敏，其他11類都過敏，即豆類，牛奶，花生，堅果，雞蛋，深海魚，蝦蟹。。。等等，全部都唔食得或少食為妙。講真，個結果比我想像中嚴重多了＞＜

寫到呢度，瞕瞕d疹差唔多好返晒，現在留下了深色的印，等時間退去。