第一次派手冊，瞕瞕在托兒所表現

我份工要輪班架，呢期夜晚十一點先返到屋企，但朝早八點就送左瞕瞕去托兒所，計落每日同佢相處時間半個鐘都唔知有無。

坐在機場巴士上，經過幾個急速建設中的地盤，望著月隱星稀的夜空，我都會想，唔知今日瞕瞕點呢？乖唔乖呢？有無長大到呢？

莫講話瞕瞕，每當我踏進家門口的時候，連99和老公都訓了，所以沒有人能回答到我的問題。

而不論幾夜或幾累，我都要幫瞕瞕執拾書包內的東西，如換上乾淨手巾仔，補充尿片和食水等，for佢第二朝返學用。同時也會留意下有沒有些通知書的回條要我簽名。

也就在某個深夜，我從瞕瞕的書包裡發現派左手冊仔，解答了我這段日子的疑問。它紀錄了托兒所正式開課以來的教學內容，還有最重要的，瞕瞕的表現。原來每逢星期五都會派手冊，讓我簽名知悉情況後星期一再交回去，往後亦如是。

瞕瞕表現相當不錯，全部評分都是「佳」，唯獨有一項「排隊，走路」暫時未評分，我估係因為瞕瞕現時仲未行得穩陣，但我相信佢應該都會乖既。

當我將這張相片放在Facebook 分享後，又有很多朋友告訴我，佢地的小朋友只得一兩個「佳」，話全佳真係好叻好乖。如果係咁，我又覺得有點意外，都要感謝班主任咁俾面咁欣賞佢。

其實班主任和阿姨也曾這樣口頭評價過瞕瞕，「適應力強，乖，易教，靜下心來可以吸收到很多新知識。」初探校門就能受到導師們如此包容與疼愛，希望瞕瞕會一直做個好孩子，不負她們所望。