練習坐

所謂三扑六坐，即係正常來說嬰兒三個月大識轉身，六個月應該可以自己坐。而瞕瞕真的在三個多月時識得轉身，證明古訓有效，但現在只有五個月，所以我一直都沒有刻意讓他坐著，我認為到時候便會自然識。

但昨天行街時，見到個鬼仔一樣只有五個月，已經坐喺架士的車度，雙手穩穩扶住前面的欄杆，條腰不知伸得幾直。最重要係人地一點兒也沒有扭計。

這令我反思係咪對瞕瞕過份呵護，bb車指定要有避震功能之餘，佢一唔肯坐就抱，搞到要一手抱佢，一手推bb車。

本身想買張學坐既椅子俾佢，但鏡湖個物理治療師話唔好，因為學坐係人類成長既一個自然過程，總唔會一日就學識，如果佢坐唔穩向前仆，雙手應該要識得同時向前面撐住，如果向側邊仆呢，又要識得在側面撐住。反而用學坐椅就沒法訓練小孩子的肢體協調動作了。

佢建議我地用一些軟墊，如梳化，枕頭，讓瞕瞕靠住坐，慢慢就會學識。

而家一有時間就俾瞕瞕坐下，佢由一開頭只能坐幾秒，到一分鐘，到幾分鐘。。。甚至坐住都訓得著添，哈哈。