熊貓館之旅

起身嘞，爛訓豬~ 

自從瞕瞕識轉身後，便習慣扒喺度訓，好似一隻燒乳豬仔咁。開頭我地都唔太想佢咁樣，驚有危險，試著反返轉佢，但一係就醒左訓唔返，一係就令佢大發脾氣，無佢辦法。上網查過資料話嬰兒咁訓會聰明些，加上我地知道瞕瞕識擰側面訓，又識擰去第二面，所以便允許佢咁樣訓了，不過要成日裝下佢。

由於今次瞕瞕被整醒陪我地飲茶，佢個樣係嬲霸霸的。

知唔知爸爸媽媽今日帶你去邊度呢？係熊貓館呀，一個對我地有紀念意義的地方，一陣再解釋你知。

熊貓館在路環石排灣郊野公園，又等車又轉車，山高路遠，成個鐘先至去到。架車開左無耐，兩父子已迅速進入夢鄉，瞕瞕更緊緊的依偎在爸爸懷裡。

黎到大門口，當然要影返張留念先，以證明到此一遊：D

其實天氣都幾酷熱，爸爸買左罐汽水消暑。

原來瞕瞕咁細個都要持票入塲，不過票價係零蚊。

熊貓最佳生存環境是20度，因此塲內塲外溫度相差有如一天一地。好在我地有幫瞕瞕帶多件衫仔姐，否則凍瓜佢。

瞕瞕起勢咁尋覓開開心心的蹤影，你地見到在哪裡嗎？

但瞕瞕睇左一陣，就掛住食手指，乜都唔理了。

好啦而家開估了，熊貓館係我同老公第一次拍拖的地方，那天我是沒有想過他會從此成為我生命中的另一半，回看這張合照，開開和心心同時出現在我們身後，牠倆甜蜜地靠在一起，其實就是一個很好的兆頭。更想不到的是，在拍下這張照片的三年零八個月後，瞕瞕降臨在世間已經五個月了。

這回帶探訪了開開心心，來年還會繼續探訪安安佳佳（香港）、團團圓圓（台灣）。

回程的時候，本身想同老公影張合照，點知瞕瞕突然伸個頭過黎搶鏡，哈哈。