認人爆喊

幾個月大的bb腦部尚未發育成熟，但已經有自己的情緒。不過他們的思想是單純的，所以表達情緒的方式是直接的。

我的意思是，如果他見到喜歡的那個人，會高興得手舞足蹈，反之就。。。我們從瞕瞕的反應，很容易知道佢諗乜。

相處了五個月，瞕瞕認得我和爸爸和嫲嫲是正常的，那亦是我們感到心甜的時刻。當然他也認得奶樽，認得屋企。

而在最近，我們發現瞕瞕動不動就喊，原來佢開始認生了。陌生人聊佢都會笑下，俾少少面，但抱佢就唔得。佢會扁嘴，繼而爆喊，仲要喊好耐先平息。

因為咁樣會搞到人地有點兒尷尬，老人家就會叫你多d帶bb出去見人，等佢無咁怕＂生保＂。

通常我地個個星期六日都有家族飯局，我地唔單止帶埋瞕瞕出去，仲會俾其他人輪流抱添。對眾人黎講，瞕瞕每次出現都長大了一點，變左樣（我日日見住唔係好覺），於是便好奇地包圍佢。。。包到父母都被摒離在他的視線範圍以外。

抱住瞕瞕的是表姑媽，你睇佢個樣幾驚，佢既眼神在發出求救訊號：媽咪！唔好俾人拐走我。

影完呢張相之後，瞕瞕再忍唔住，爆喊喊喊喊喊，好大滴眼淚，淚流成河咁流哂入耳仔裡面。

老公見狀便接手抱返瞕瞕，隻喊包仔在爸爸懷抱中仍顯得猶有餘悸，狂啜手指自我安慰返弱小心靈。

親戚都好體諒，話bb認人係一種本能，再大個少少自然又唔怕的了。唯望到時考入學試千祈唔好咁呀。

各位blog媽，你地既bb認人情況又係點架？點樣開導佢唔好咁驚人呢？