開啟繪本之門

記憶中，我最初接觸到繪本，是在剛上小學的年紀，因為上了小學就可以使用學校的圖書館。

我到現在仍記得，第一本繪本帶給我的震撼和感動。

講一個一歲的小朋友，爺爺教佢行，在後面捉住佢隻手，「一二，一二，一二。。。」咁。跟住小朋友學識左行，到大少少，爺爺就拖住佢行返學，兩爺孫感情深厚。

可是爺爺老了，有一天行不動了，因為中風了。中風後的復健過程中，爺爺拿著學行架，要重新學行，孫孫就在身邊幫他吶喊和打氣，「一二，一二，一二。。。」

我覺得呢d故事好有人情味，本書沒有字的，但有溫馨的圖畫，一睇就明。我每次想起這故事，都會眼濕濕，因為我也曾有這樣的一個愛護我們的爺爺。

由於自身的體驗，我知道繪本能潤澤孩子的心田，所以我也會趁早讓瞕瞕接觸繪本，培養他的同理心。雖然我不知道那本書叫甚麼名，也找不回來了，不過我也認真地物色了一些繪本給他。

這裡暫時分享兩本，「好餓的毛毛蟲」和「抱抱」。

瞕瞕最鍾意睇「好餓的毛毛蟲」。

我仲用泥膠搓條蟲蟲俾佢，俾佢感受下蟲蟲爬在佢身上（手，面，頸）的感覺。

佢覺得好痕好酸，縮起個身kiki笑，但又好歡喜聽呢個故仔，好期待我攞道具出黎同佢一齊玩。

臨睡前多數是我講故事給瞕瞕聽。有一晚，我翻開了「抱抱」書中的一頁，無意地問瞕瞕大笨象做緊乜，佢突然攬實我，拍拍我背脊，那一刻我真的感動莫名。

當然佢亦識得講「抱抱」，但一個簡單的動作，比語言來得更有力量。

難怪別人說親子共讀是天下間最美的時光。瞕瞕，在你仍依戀我的時候，我一定盡可能地陪伴你，為你講更多更多的故事。