上松山玩

在過去的一星期裡，瞕瞕因上呼吸道感染，不住地流鼻涕和咳嗽，所以我地一趁假日，就捉左瞕瞕上山做運動。唔知係咪真係同清新空氣有關，喺山上的時候，瞕瞕完全無咳過無流過鼻水，好健康咁。

從家裡出發，步行二十分鐘就到二龍喉公園，然後坐五分鐘纜車上山。這應該是全世界最短程的纜車了吧，來回才三元。

在空曠的地方，在我們的鼓勵下，瞕瞕似乎行得好d，都肯放手行下。現在是落葉季節，有所謂一葉知秋，滿地都是葉子，我撿了一片最大的給瞕瞕，教他講葉，但他的發音是「eat」，很可愛，哈哈。他高興地抓住樹葉揚起來，一直拿到葉柄斷了，才放棄了。

很多家庭都帶了小朋友出動，瞕瞕有幾次主動地行埋去，熱情地拖人地小朋友隻手。我估係之前戈晚同佢講過今期巧虎主題--手拖手，佢入晒腦，好搞笑呀。至今我都未俾瞕瞕睇過隻碟，似乎就咁講書都得喎。 

山下有一個「環境資訊中心」，平時都會帶瞕瞕入去玩下。可惜今次發現裝修緊，睇個勢應該都有排整。

 

以前這個位置是圖書室，瞕瞕對書架上的書饒有興趣，可惜未有任何一本啱佢睇。

知識的海洋是高深的。。。

書架的另一邊是一些早教教材，瞕瞕一樣唔係太識玩，但佢會認真地摸下搞下。不管何時，他專注的神情是最好看的。