參與3000人的行山活動

今天是星期日，明明不用返托兒所，但我都好早就被人巢醒左，daddy仲話八點半就要出門口。我都唔知發生咩事，你睇。。。我個樣仲未訓醒架。

媽咪幫我打扮得好靚仔，然後我地就落左樓下間麥當勞食早餐。Daddy去左買野食，媽咪就同我坐低先。

隔離枱個婆婆無端端聊我，但我又唔識佢喎，都唔知俾咩反應好，令我覺得幾唔好意思，於是就趴低左。

婆婆一走開左，我又迅速變返正常。

  

我有一隻Monkey公仔，我可以令佢企起身架。

你睇，得左。

食完早餐我地就匆匆出發，原來我地要參加托兒所的行山日，新聞話有800個家庭，共3000人參加。哇，真係大陣象。

在人群中，我找到自己的班主任，趁機同佢影張合照先。 

接下來，有一個簡單而隆重的剪綵儀式。

完成後，大家就起步了。

Daddy話起步時人多，抱住我穩陣d。

不過我好想試下自己行，因為有滿足感，於是我大叫左幾聲「落地！落地！」Daddy終於明白我心意，便放左我落地。

其實我都有同媽咪影相架，可惜媽咪話daddy的攝影技巧太差，成朝先得一張相勉強見得下人。。。無錯，得一千零一張，都幾難令人相信仲要係同一部機影出來，無對焦，無構圖，白平衡完全唔ok...etc，媽咪吚吚哦哦，daddy有理無理，而我特登行快幾步。

Daddy成日問我累唔累，講真我都唔知咩叫累，只知道現在的我十分享受行行行，肯俾你拖住咪好囉！話唔定我好快會變成一隻甩繩馬騮添。

當我地行到見到纜車呢個位，距離終點站已不遠，最後我憑票換領了一份禮物回家。你地估下係咩？連我媽咪都估唔到，呵呵。