急診室小意思

瞕瞕有少少流鼻水，帶佢上山頂睇急診，攞定d藥過香港。

今次等得唔係好耐，一個鐘頭之內見到後生靚仔醫生。

醫生話：瞕字好特別喎，有咩意思架？

我：作為一個男兒，「目」光放遠大，「立」志要趁「早」。

醫生問瞕瞕：你叫咩名呀？

瞕瞕：瞕瞕。

竟然第一次答到人地，之前我一直問佢叫咩名，佢只會答我咩名？咩名？完全係鸚鵡學舌。 

醫生：你個名好靚喎。

瞕瞕：靚靚。

醫生：你乖唔乖架？

瞕瞕：乖豬。

醫生：咁你食唔食藥呀？

瞕瞕：食食。

醫生：你同我講聲bye-bye，我就放你走啦。

 

瞕瞕：bye-bye。