四百萬元的商品，成交！

約莫十年前，有位名人話，養大一個細路要四百萬喎。我真心覺得遠不止此數，因為養育之路本來就是無限的付出，是沒法用金錢，一組數字去計算清楚的。。。

講到咁遠，其實係想講下瞕瞕呢件玩具。話說佢樣樣野都過手就丟（為了體驗地心吸力）包括紙巾、牙膠、布書、波波。唯獨呢個從聖誕party拿回來的槌仔，佢上手比較拎得耐，可以話情有獨鍾，唔捨得丟。

而且佢仲識得槌仔是用來扑的，係咁扑扑扑。阿嫲見佢每扑一下，便幫佢配音：

扑！成交一千萬！

扑！你係咪將來做大法官呀？ 

瞕瞕見有人有興趣睇佢表演，仲笠頂高帽俾佢戴，扑得更興奮，得意忘形。