二零一四第一個月有點灰

由於這個月我在機場輪值，而且返好多夜更，所以同瞕瞕相處的時間，是前所未有地大幅度減少，加上交通路程遙遠，漫長。。。使我經常在巴士上胡思亂想。

這種不安的感覺到底來自哪裡，其實我都唔係太清楚。不過朋友話問多自己幾次，總會找到原因。我估重點可能係： 

一）驚99因此湊多左會咋形。

二）即將要面對三月份的托兒所招生（類似你地既N班），學位極度緊張，中間還有很多不明朗因素，令人倍添壓力。

三）自己工作時間長左，好似miss左瞕瞕一些成長片段咁，不能再步步緊貼佢，開始要接受嬰兒的成長係順其自然，唔係所有野都可以在我掌握之內，從中產生了失落感。

四）有時睇其他媽媽的blog，知道人地真係用心做左好多野，相比我好似沒有盡全力，覺得自己做得不太好，但在精益求精的過程中，我又很容易感到疲倦，然後又繼續跌入自責的循環。

以上這麼多點，全部都係同個仔有關，原來一旦有了孩子，生活乃至精神層面都是被他牽絆著。