識爬兩步

而家好多人都鍾意在Facebook分享自己既野，我亦經常被人地個bb的成長片段洗版。我有個朋友個女，四個月大已經坐得好穩，又有個舊同學個仔，五個月已經爬得好快。。。

但瞕瞕剛滿七個月戈時，坐又未坐得穩，爬就更加一d都唔識。由於有先入為主的比較，搞到我曾一度好鬼擔心，唔知瞕瞕係咪遲緩發育，為此不斷請教有經驗人仕，甚麼方法也試過了，包括買新玩具吸引佢（隻衰野超級貪新忘舊，遲d再講），推佢隻腳，幫佢托起個肚等等。

其實我好驚瞕瞕會skip左爬既過程，直接學行，咁樣唔係太好，因為有資料顯示，有自閉、過度活躍症之類問題的小朋友，回顧佢地在嬰兒時期，大都沒有經歷過爬這個階段。

當然，我的意思不是說唔識爬就會變成自閉，或者全部唔爬就學行既小朋友都是自閉。否則就本末倒罝，以偏概全。

自閉本身係一種統感障礙，正是這種障礙，先造成bb唔識爬。我唔知以上我睇返黎既資料係咪真，只知自己有點悶悶不樂。事關老公父系家族戈邊同一個generation已有三個case!

所以我盡了所有努力之後，就無時無刻都在留意瞕瞕的進展，盼望佢早日爬兩步俾我睇，安慰下我這種忐忑的心情。

由於近期返緊夜班，日間可以自己湊返瞕瞕。尋日中午陪佢訓教教時，佢自己在張床度好似條蟲仔咁典下典下，我便馬上影低左呢一幕。我相信這一連串的動作是學爬的前奏，我覺得佢會好快識爬。Yeah!加油呀叻仔。