網頁

2017年3月22日 星期三

從不懂到懂

K1開學大半年,覺得瞕瞕識左好多野,讀書識字不在話下,有些在家裡做不到的,學校都教到佢。



學期初開家長會的時候,知道校方用「5S」法教小朋友自理和規矩,心𥚃納悶,點解好似好難咁既,想到自己個手腳遲鈍既仔,不禁有點擔心佢會唔會跟得上。



5S的意思是five steps, 將一件事情拆解成5個步驟,逐步教小朋友。例如「午睡五步曲」是這樣:
1)安靜等待入室 
2)脫好鞋子放床下 
3)安靜入睡 
4)起床穿鞋子 
5)自己動手摺被




曾經我係唔明白點解要搞咁多野,但原來訓練幼兒自理跟學習知識不同,佢其實係唔需要明點解要咁做的,只需要跟著步驟一步步地做好,整件事情就會井井有條地完成。唔駛諗太多,這只是良好習慣的養成而已。



其實真係work, 已忘了從哪一日起,瞕瞕在家裡也開始會照顧自己。我睇住佢站在床上,將被子拉過來垂直放在肩膀的位置,再慢慢躺下來,被子很平整地蓋住佢細小的身體,動作自然而又有條不紊。



我以為戈個《上學五步曲》對小朋友來說會頗複雜,每朝早入課室都要自己做出勤紀錄和繳交手冊
/作業,事實上佢喺返學的第一個星期就做到,而且全部小朋友也做到。

 




瞕瞕比我想像中更能配合學校的教育,實在太感恩。現在佢吃東西前總不忘記要洗手,上下樓梯緊握扶手,小心注意安全⋯等等。學校教甚麼,佢回家都係跟住戈一套去做,自理能力算是理想。

 

 

 



在讀書方面,入學前完全唔識揸筆的瞕瞕,而家都可以自如地用蠟筆油顏色,用水彩作畫。最令人安慰的是,我見到佢非常專注、投入。





瞕瞕的學習熱情高漲,學校生活是屬於佢的快樂時光。

































10 則留言:

  1. 回覆
    1. 唔係呀嘛,其實我個仔同你個女差唔多咋,都係同一類小朋友,哈哈

      刪除
  2. 瞕瞕好叻仔
    畫畫填顏色都好靚呀!

    回覆刪除
    回覆
    1. 過獎了。
      我覺得佢無乜藝術天份,只要佢唔抗拒就好了。唔講你唔知,開學之初佢對油顏色和勞作係好抗拒的,真係最近先肯做ga!!

      刪除
  3. 瞕瞕表現咁好,唔使媽媽擔心,抵讚﹗

    回覆刪除
    回覆
    1. 初時都擔心過一陣子ga,但經驗話我知,小朋友會自己成長,放寬心吧!

      刪除
  4. 小朋友學習能力好高,學校教嘅野學得特別好,老師講一句好過我講十句!

    回覆刪除
    回覆
    1. 都要睇下對住個咩老師,我地而家個老師好正。

      刪除
  5. d人話家教很重要,但好學校一樣重要,好是指能令小朋友讀得開心又學到野!我都替你和瞕瞕感到開心!*^o^*

    回覆刪除
  6. 好耐無黎留言了,隨住小朋友大, 真係愈來愈忙, 瞕瞕好乖同埋大個仔左好多:D

    回覆刪除