網頁

2014年2月27日 星期四

始終都要斷奶

2月23日,我飲了咖啡去收奶。然後這幾天沒有餵了,不過就在這幾天,我不停地想著過去能餵人奶的時光。




要斷奶真係好唔捨得。


這種感覺就好像在我做最後一次產檢時那樣失落,因為我很懷念瞕瞕在我肚子裡的感覺。


當我躺在產床上又很懷念胎動的感覺,我知道是最後一晚去感受了。


不過那些懷念的感覺,很快就被瞕瞕出世後的忙碌取代了。


總是這樣,生活不停地向前走,不斷會有新的事情出現,一刻也不能停下來,所以,我個blog叫做"Without a Pause", 意思就是"沒有一刻暫停",而儘管我是多麼想駐足觀看。
 

但時間會從我指縫間溜走,不管怎樣也留不住的。


幸而好多新事物出現,令我將心思放在其他地方。


我99個妹(即係瞕瞕個姨婆),2月28日從澳洲回來澳門,在我們家住兩個月。要招呼佢,所以,我應該唔得閒再感慨了。






2014年2月26日 星期三

企定定

大概一個月之前,我地將瞕瞕放0係playmat上坐低的時候,佢伸直晒隻腳,好似唔係幾想坐。我地估佢應該差唔多學企。


俗語話:三仆六坐九扶離。剛踏入第九個月,瞕瞕真係識扶住d野企啦。佢扶物的第一個對象是爸爸,剛開始的時候還會東歪西倒,但經過多次練習,佢掌握了一些要領,已經可以在瞬間內由坐變企了。








佢而家最鍾意搞睡房的窗廉布,因為打開有野睇,但我又驚會被佢扯爛。










其實早在瞕瞕有這種意識想企,但又未識的時候,我已預先將bb床的床欄較高左。果然,有一天我行開去沖奶奶,回來時見到佢自己扶住床欄企起身周圍望,等緊我返黎。一見我同手上枝奶奶,便開心到跳跳下。









九個月學扶企,是最最標準,瞕瞕一直都係跟住發育指南成長的,不快也不慢。我從不期盼佢會有甚麼超前,即使將來讀書也是,我覺得佢在適當的時候做番適當的事就好。


發育指南話齋,當bb企穩之後的第二個月,佢下一步就可以扶住d野打橫行兩步,跟住在接近一歲的時候就可以放手邁步了。


 

很期待你邁出人生第一步呢。

2014年2月20日 星期四

小情人

一如既往,2月14日的這一天老公寫了張情人卡給我,附送一盒馬卡龍。夜晚我們去了不夜天食自助餐,簡簡單單的慶祝。








以前看不起這種簡單的小圓餅,但現在好像中了馬卡龍毒,25元一個也捨得吃,其實一啖就無左lu。我還特地沖了壺淡淡清香的花茶,配合甜死人的馬卡龍,煞有介事地學人享受下,哈哈。


真的好開心有了瞕瞕這個小情人。他比我更會撒嬌,喜歡依偎在爸爸和嫲嫲的懷裡。









為了表達我對小情人的愛意,也準備了禮物送給他,是兩件木製玩具。第一件是六面積木盒,每一面都有野玩,就連裡面都有,真是內有乾坤。





其實個積木盒主要都係玩形狀配對,另外每粒積木上都有個小洞,可以穿針引線地將它們連了一條頸鍊。這個積木盒價錢略貴,我欣賞它的造工精細,邊角位設計打磨圓滑,唔甩色,無氣味。








第二件是繞珠架,原名叫做Bead rollercoaster,形容得好生動。它是適合很小的小朋友玩,捉住粒珠珠套上套落,好似過緊過山車咁。





我買這兩件玩具的原意,是想有d野可以吸引瞕瞕,讓他坐在playmat上,自己靜靜地,專注地玩下,唔好經常纏住大人抱。





瞕瞕最有興趣就係戈排算珠,佢成日伸手撥來撥去。


2014年2月11日 星期二

意外

上星期老公放假,在家裡看顧瞕瞕,下午的時候他自己大意地睡著,任由瞕瞕在大床上爬爬,便爬到地上了。簡單地說,即係碌左落床。幸好沒有甚麼大礙,只係額頭撞瘀左少少,實則驚多過痛。


跟住尋日返緊工時,老公打俾我話瞕瞕個心口受左傷,流緊血。。。成件事件的經過其實很長,要追溯到年頭戈次肚痾,唔知係咪低抗力低左既關係,瞕瞕心口上起左個紅印,好似過敏咁。幫佢搽過zinc oxide好返。


但近日氣溫急降,個印突然又紅又腫,瞕瞕係咁R。99見狀便幫佢搽左d藥膏,問題係佢搽大人用的藥膏。結果個印就那爛左,仲流血,愈搞愈嚴重,這次真的非看醫生不可。
 



本來我諗住帶瞕瞕睇鏡湖,點知個個都話佢地會開類固醇,很多副作用,又話會叫我地取皮膚樣本做化驗,搞一大輪,聽到都驚。


當時係三,四點,山頂急診最少人,佢地開藥普遍安全,咁啱朋友又在當值,便決定去兒科急診。


一掛完號就即刻分流,分流個金髮姑娘見到個傷口話"oh no, poor baby..",話因間要洗傷口;再坐左十幾分鐘就到我地,差唔多唔駛等。


朋友先睇左個傷口,又細心地睇晒瞕瞕全身,搵唔到其他紅印,覺得過敏的機會比較微,另外她說癬之類也不會長在那個位置。由於已血跡斑斑,所以好難睇到係乜,都係處理好傷口最重要,以免進一步發生細菌感染。




她吩咐了男護士幫瞕瞕洗傷口和包紮,他的手勢好好,瞕瞕好似唔覺得痛咁,不過我都有讚佢係勇敢的孩子。


傷口唔可以濕水,仲要日日返去衛生中心換藥。呢幾日咁凍,或者唔駛沖涼。


這件事我雖然心痛,但不會怪責99。講真佢又點會識呢?我話你枝藥膏唔係唔好,而係勁得滯,瞕瞕咁細個受唔到呀。佢問我咁醫生搽既藥膏放喺邊呀?下次搽戈d啦。


好好溝通,平靜地處理問題,老人家都肯受教既。

2014年2月10日 星期一

小甲蟲。九個月大

氣溫突然跌到得七度,我心想是機會了!我馬上幫瞕瞕換上一套紅色甲蟲衫,在家影輯寫真。效果我都幾滿意,因為這就是瞕瞕平時的玩樂生活,和讓我熟悉透了的表情。


這套衫原本是準備給瞕瞕新年時著的,但點知今個新年熱到流汗,完全沒有用武之地。但又不可能留到明年再穿,如果真的一次也穿不了就白白地可惜了。
























在寒冷的天氣裡,瞕瞕也草了一點肥肉,哈哈。



2014年2月7日 星期五

面包超人軚盤,練手指精細動作

之前打算買個玩具綁在bb車上,讓瞕瞕可以多點願意坐bb車。點知老公無意中同姑9提起,姑9就話佢有一個係佢個仔已經唔玩的,送俾我地。




最初的時候,這個玩具是被隨意放在地墊上的。瞕瞕雖然被它漂亮的色彩吸引,但就未識玩,只係將它推來推去。
 

今個月突然有一日,我做自己野,瞕瞕則在地上爬來爬去,我聽到一陣陣類似攪珠的聲音,便遁著聲音的源頭望過去,竟發覺瞕瞕有sense識點玩舊野了。


我仲叫老公同99快d睇下,但佢地話其實佢幾日前已經識玩啦。 


我覺得瞕瞕玩緊的時候幾得意,因為佢既神情幾專注,所以錄低了。回看的時候,我留意到瞕瞕的肢體協調不錯,佢識得先再左手固定件玩具,再用右手去撥弄。


然後就是明顯地,手指也開始有了精細動作。


第一段片他識得手掌微微內拱,撥動那個透明球球。



 

 
第二段片他識得單獨使用母指和食指,拉動那個轉轉。哈,好似大人玩戈d老虎機咁。





其實這類玩具都幾益智,因此應該要多給予有趣的東西,等bb不斷地學習新事物。


黎緊有幾類玩具我想買,包括繞珠,拍拍鼓,疊圈圈,觸感書,沖涼小鴨等,各位blog媽有無好介紹呢?因為選擇實在太多了,不知道哪個牌子的評價好。

2014年2月4日 星期二

八個月大,爬行大進展

之前還很擔心瞕瞕唔識爬,會跳過爬行這步,而直接學企、學行。如果真是這樣就無咁好,因為bb在學爬既過程中,同時也在練習手腳既協調,而刺激大腦前額葉功能區域,對將來精細動作有良好影響。


在長久的盼望中,瞕瞕終於在八個月大的某一天,爬出了他人生的第一步。他的動作就好像條蟲蟲那般蠕動著,隨著他逐漸掌握到要領,在接下來的一個星期中,他愈爬愈快,現在已經可以隨心所慾地爬到佢想攞野的地方了。





瞕瞕的這組爬到姿勢,學名叫做「腹爬」,因為佢個肚仔係貼地的。不過我相信佢爬多了,好快就會識另一種「跪地爬」法,即係單手單腳交替咁爬,又叫「單膝爬」,這樣會更好。





瞕瞕學爬的過程並非偶然,我在中間也用過很多方法。包括用玩具引他(iPad,手袋,奶咀最有效),用自己的掌心貼住佢腳板仔,讓他向後踢,就自然有向前爬的衝動。


我一點兒也不介意瞕瞕咁遲先學爬,好過無啦。




2014年2月3日 星期一

大年初二,兄弟姊妹聚首一堂

我地四兄弟姊妹,我是大家姐,有細佬,妹妹,細細佬。


好開心可以一齊食餐開年飯,難得地影左張合照。因為小朋友仲好細個,成日走來走去,要顧住佢地又搞到無望鏡頭,好難影的。




除左細細佬未結婚,我地都生左bb,而且全部都係仔仔。家族中男丁鼎盛。


值得一提的是我細佬個仔,可能平時少見面,赫然覺得佢大個左好多,他的成長更是超出我所預期。


才兩歲三個月,已經識講好多野,幾乎咩都識講,例如在街見到有人溜狗,佢嗲聲嗲氣地同媽媽講:其實我都好鍾意狗,不如我地都養狗好唔好呀?


咁細個竟然識用「其實」,「不如」這些連接助詞,我真的震驚了。


細佬手不離機,食飯時都手督督,佢個仔扮惡形惡相鬧佢:快d食呀!食飯唔俾玩手機。


跟住仲拍飛佢部iPhone,哈哈。


另外佢仲識背普通話版既唐詩,發音當然是標準的,佢跟住玩具音樂鼓學架。個鼓佢幾個月大玩到而家,真係不會吟詩也會偷了。




俗語話三仆六坐九扶籬,但事實每個小孩子的成長軌跡也不一樣,只要唔好偏差太遠就ok了。況且即使較早識翻身、爬、企、行,也不算甚麼,也許只是比較強壯罷了。最終能體現一個孩子比同齡兒童超前,是他會不會更早地識講野,連字成句,語意豐富。因為這關乎著他的大腦發展,育兒書是這麼闡述的。


雖然佢只係年尾出世既細b,但佢既智慧,好明顯係一點兒也不比年頭的大b差喎。唔通這就是傳說中的早慧兒童?
 

我細佬亦都係一個好聰明既人,遺傳的力量在佢個仔身上表露無遺。


俗語又話,外甥多似舅。瞕瞕同舅父細個時都幾似樣架,我同老公都話如果瞕瞕大個似舅舅咁叻就好嘞。



大年初一,接過財神金元寶

每年新年,我公司都會出動財神爺,十二生肖,大頭佛,向遊客大派金元寶和利是。


這當然也不會虧待工作人員啦,話晒新年都要返工喎。




不過今年新年,我因為要照顧瞕瞕,而且仍要工作,所以無乜準備,無佈置屋企,無買新衫新鞋,就連去男家親戚拜年,都係老公99代勞。


之前單身無論點輪班我都ok,但現在有時候覺得,這樣一直下去,過時過節都陪唔到屋企人,瞕瞕會不會因為我份工的緣故,而令佢在成長過程中缺失了一點甚麼呢。




我帶了金元寶回家,放在playmat上,引瞕瞕爬過來。果然,佢一見到閃閃發光的金子,雙眼也跟著閃閃發光。



金元寶拿到手了,瞕瞕笑咪咪;)