堅強了一點

逐漸掌握到一個規律，原來我也不是一天廿四小時都這麼辛苦的。


早上剛醒來的時候精神尚算飽滿，臨近中午也有點食慾 (其餘時間大多昏昏沉沉）。


所以現在我都趁著這兩個時段趕快吃點東西，剛才還差點被米粉嗆著，從鼻孔裡噴出來。


就這樣，這兩天我總算食返多少少野了。最慘烈的紀錄是前天整天只吃了兩個奶皇飽，連水也不想喝。


有好多人(包括我)一肥左d，就會被人猜測係咪有左，其實啱啱有左，正常都會冇晒胃口，仲會作嘔，調轉頭瘦返幾磅至真。


但聽說下星期第八週開始才是孕吐反應的高峰呢，有了這數天的演練，但願到時可以撐得過去吧。


母親見我茶飯不思，便苦口婆心地勸我說，當年佢都唔識野，冇胃口就唔食，嘔完又唔食返d野，先搞到我而家咁細粒。佢話應該在不嘔的期間拼命食野，盡量吸收，寧願嘔都要食多d，食完再嘔，嘔完又食，嘔嘔食食咁。。。母親你真有勇氣。


不過我都會聽你講，因為為母則強嘛。哪怕多難受，都要為腹中胎兒著想。而且我發覺，食飽左係會比空肚無咁唔舒服。我睇左好多資料，知道害喜是一種好的反應來的，黃體素的增高雖然會令身體覺得糟糕，但它同時代表寶寶有在穩健成長，倍感安慰。


希望我好快就會好似叮噹一樣膨漲起來。

---

• 留言者: 周師奶
• Email: cmchau27@yahoo.com.hk
• 網址:
• 日期: 2012-09-27 13:00:06

加油!!! 加油!!!

---

• 留言者: Mi Mi
• Email: wong_ju_lee@yahoo.com.hk
• 網址:
• 日期: 2012-09-26 21:07:18

點解仲吾去照？你七週應該照到心跳，等到十週太耐了，我五週已照到胎，我份人比較心急
[版主回覆09/27/2012 07:40:20]因為我在澳門呀，衛生中心都係幫孕婦預約第十週的~

---

• 留言者: Mi Mi
• Email: wong_ju_lee@yahoo.com.hk
• 網址:
• 日期: 2012-09-26 17:02:55

其實你已經好幸運，一試就中！！吾似我又食藥看醫生，等b來已有一年多！少少辛苦算得係什麼？加油!!!
[版主回覆09/26/2012 17:27:15]我知道的了! 身邊的確有些姊妹比我早些結婚, 幾年無避都... 所以我會好好珍惜的. 你們也加油!!

---

• 留言者: 傻婷
• Email: g_annali@yahoo.com.hk
• 網址:
• 日期: 2012-09-26 16:27:20

哈哈...叮噹一樣膨漲起來!!! 好快架喇!!!!
[傻婷回覆09/26/2012 16:39:35]咁到時你變左叮噹時記得POST D相比大家睇下..等大家可沾沾孕氣!!!!
[版主回覆09/26/2012 16:37:46]我之前都有個朋友好似我咁瘦架, 但佢有左到第五個月, 開始好似吹氣咁, 變左叮噹... haha, 我想起這個比喻便覺有趣~