Without a Pause: 33w1d：第一次外出影大肚相

2013年4月5日星期五

33w1d：第一次外出影大肚相

見好多blog友媽媽都會在懷孕七個月打後，特意去影樓影輯大肚相，而我就從來沒有這個想法，因為一來個人唔靚，二來個肚亦唔靚。是的，我自認醜左好多，肚皮有很多黑色素沉著，加上長了一條歪歪斜斜的妊娠線。

不過無論點都好，總要影低幾張大肚相留念既。於是等待一個雙雙放假的日子，同老公外出一趟完成了這個心愿。

可惜當天天氣都幾差，昏天黑地不單止，還吹來陰風陣陣。才轉換了幾個角度，老公已不斷地催促我收拾，他最驚突然下起大雨來，相機同腳架都要遭殃了><

最後只影左唔夠十張相咋，但都算珍貴無比，距離生產應該仲有時間呱，唯有等晴天再出動啦。